గురు గీత (Guru Geetha)

ఈ స్తుతి సంకలనాన్ని సద్గురు అనుగ్రహ పాత్రంగా తీర్చి దిద్దమని వేడుకుంటూ గురు గీత తో ప్రారంభిద్దాం

       ఈ గురు గీత స్కాంద పురాణాంతర్గతమైనది. సాక్షాత్తూ పరమశివుడు గురు మహాత్మ్యాన్ని అమ్మ పార్వతీ దేవికి బోధించిన అపురూప సందర్భమది.
                                     

                  ప్రథమోధ్యాయః

అచింత్యావ్యక్త రూపాయ నిర్గుణాయ గుణాత్మనే

సమస్త జగదాధార మూర్తయే బ్రహ్మణే నమః            1

    ఋషయ ఊచుః

సూత సూత మహా ప్రాఙ్ఞ నిగ మాగమ పారగం

గురు స్వరూప మస్మాకం బ్రూహి సర్వ మలాపహం    2

యస్య శ్రవణ మాత్రేణ దేహీ దుఃఖాద్విముచ్యతే

యేన మార్గేణ మునయః సర్వఙ్ఞత్వం ప్రపేదిరే         3

యత్ప్రాప్య న పునర్యాతి నరః సంసార బంధనం

 తథా విధం పరం తత్వం వక్తవ్య మధునా త్వయా    4

గుహ్యా ద్గుహ్య తమం సారం గురు గీతా విశేషతః
తవ ప్రసాదా చ్ఛ్రోతవ్యా తాం సర్వాం బ్రూహి సూత నః  5

ఇతి సంప్రార్థితః సూతో ముని సంఘైః ముహుర్ముహుః

కుతూహలేన మహతా ప్రోవాచ మథురం వచః    6

   సూత ఉవాచ

శృణుధ్వం మునయః సర్వే శ్రద్ధయా పరయా ముదా
వదామి భవ రోగఘ్నీం గీతాం మాతృ స్వరూపిణీం   7

పురా కైలాస శిఖరే సిద్ధ గంధర్వ సేవితే

తత్ర కల్ప లతా పుష్ప మందిరేత్యంత సుందరే    8

వ్యాఘ్రాజినే సమాసీనం శుకాది ముని వందితం

బోధయంతం పరం తత్వం మధ్యే ముని గణే క్వచిత్   9

ప్రణమ్ర వదనా శశ్వన్నమస్కుర్వంత మాదరాత్   

దృష్ట్వా విస్మయ మాపన్న పార్వతీ పరిపృచ్ఛతి     10

     పార్వత్యువాచ

ఓం నమో దేవ దేవేశ పరాత్పర జగద్గురో
త్వాం నమస్కుర్వతే భక్త్యా సురా సుర నరాః సదా  11

విధి విష్ణు మహేంద్రాద్యై ర్వంద్యః ఖలు సదా భవాన్

నమస్కరోషి కస్మై త్వం నమస్కారాశ్రయః కిల   12

దృష్ట్వై తత్కర్మ విపుల మాశ్చర్య ప్రతిభాతి మే

కిమేతన్న విజానేహం కృపయా వదమే ప్రభో    13

భగవన్ సర్వ ధర్మఙ్ఞ   వ్రతానాం వ్రత నాయకం

బ్రూహిమే కృపయా శంభో గురు మాహాత్మ్య ముత్తమం   14

కేన మార్గేణ భో స్వామిన్ దేహీ బ్రహ్మ మయో భవేత్

తత్కృపాం కురుమే స్వామిన్ నమామి చరణౌ తవ    15

ఇతి సంప్రార్థితః శశ్వన్మహాదేవో మహేశ్వరః

ఆనంద భరతి స్వాంతే పార్వతీ  మిదమబ్రవీత్     16

శ్రీ మహాదేవ ఉవాచ

న వక్తవ్య మిదం దేవి రహస్యాతి రహస్యకం
న కస్యాపి పురా ప్రోక్తం  త్వద్భక్త్యర్థం వదామి తత్  17

మమ రూపాసి దేవి త్వమతస్తత్కథయామి తే

లోకోపకారకః ప్రశ్నో న కేనాపి కృతః పురా   18

యస్య దేవే పరా భక్తి ర్యథా దేవే తథా గురౌ

తస్యైతే కథితా హ్యర్థాః ప్రకాశంతే మహాత్మనః   19

గురు స్సశివః ప్రోక్తో య శ్శివ స్స గురు స్మృతః
వికల్పం యస్తు కుర్వీత స నరో గురు తల్పగః  20

దుర్లభం త్రిషు లోకేషు తచ్ఛ్రుణు శ్వ వదామ్యహం  
గురం బ్రహ్మ వినా నాన్యః సత్యం సత్యం వరాననే   21

వేద శాస్త్ర పురాణాని  చేతిహాసాదికానిచ

మంత్ర యంత్రాది విద్యానాం మోహనో చ్చాటనాదికం    22

శైవ శాక్తాగమాదీని హ్యన్యేచ బహవో మతాః

అపభ్రంశాః సమస్తానాం జీవానాం భ్రాంత చేతసాం  23

జప స్తపో వ్రతం తీర్థం యఙ్ఞో దానం తథైవచ  

గురు తత్వ మవిఙ్ఞాయ సర్వం వ్యర్థం భవేత్ ప్రియే   24

గురు బుధ్యాత్మనో నాన్యత్ సత్యం సత్యం వరాననే

తల్లాభార్థం ప్రయత్నస్తు కర్తవ్యశ్చ మనీషిభిః  25

గూఢా విద్యా జగన్మాయా దేహశ్చాఙ్ఞాన సంభవః

విఙ్ఞానం యత్ప్రసాదేన గురు శబ్దేన కథయతే   26

య దంఘ్రి కమల ద్వంద్వం  ద్వంద్వ తాప నివారకం

తారకం భవ  సింధోశ్చ తం గురుం ప్రణమామ్యహం   27

దేహీ బ్రహ్మ భవేద్యస్మాత్ త్వత్కృపార్థం వదామి తత్

సర్వ పాప విశుద్ధాత్మా శ్రీ గురోః పాద సేవనాత్      28

సర్వ తీర్థావగాహస్య సంప్రాప్నోతి ఫలం నరః   

గురోః పాదోదకం పీత్వా శేషం శిరసి ధారయన్    29

శోషణం పాప పంకస్య దీపనం ఙ్ఞాన తేజసః

గురోః పాదోదకం సమ్యక్  సంసారార్ణవ తారకం    30

అఙ్ఞాన మూల హరణం జన్మ కర్మ నివారకం

ఙ్ఞాన విఙ్ఞాన సిధ్యర్థం గురు పాదోదకం పిబేత్     31

గురు పాదోదకం పానం గురో రుచ్చిష్ట భోజనం

గురు మూర్తే స్సదా ధ్యానం  గురోర్నామ్నః  సదాజపః   32

స్వదేశికస్యైవ చ నామ కీర్తనం భవే దనంతస్య శివస్య కీర్తనం

స్వదేశికస్యైవ చ నామ చింతనం భవేదనంతస్య శివస్య చింతనం   33

యత్పాదరేణుర్వై నిత్యం కోపి సంసార వారిధౌ

సేతు బంధాయ తే నాథం దేశికం తముపాస్మహే    34

యదనుగ్రహ మాత్రేణ శోక మోహౌ వినశ్యతః

తస్మై శ్రీ దేశికేంద్రాయ నమోస్తు పరమాత్మనే   35

యస్మాదనుగ్రహం లబ్ధ్వా మహదఙ్ఞాన్ముత్సృజేత్

తస్మై శ్రీ దేశికేంద్రాయ నమశ్చాభీష్ట సిద్ధయే    36

కాశీ క్షేత్రం నివాసశ్చ జాహ్నవీ చరణోదకం

గురు ర్విశ్వేశ్వర స్సాక్షాత్ తారకం బ్రహ్మ నిశ్చయః   37

గురు సేవా గయా ప్రోక్తా దేహః స్యా దక్షయో వటః

తత్పాదం విష్ణు పాదం స్యాత్ తత్ర దత్త మనంతకం     38

గురు మూర్తి స్మరే న్నిత్యం గురోర్నామ సదా జపేత్

గురో రాఙ్ఞాం ప్రకుర్వీత  గురో రన్యం న భావయేత్        39

గురు వక్త్రే స్థితంబ్రహ్మ ప్రాప్యతే తత్ప్రసాదతః

గురోర్ధ్యానం సదా కుర్యాత్ కులస్త్రీ స్వపతిం యథా   40

స్వాశ్రమం చ స్వజాతిం చ స్వ కీర్తిం పుష్టి వర్థనం

యేతత్ సర్వం పరిత్యజ్య గురుమేవ సమాశ్రయేత్    41

అనన్యా శ్చింతయంతో యే సులభం పరమం సుఖం 

తస్మాత్ సర్వ ప్రయత్నేన గురో రారాధనం కురు      42

గురు వక్త్రే స్థితా విద్యా గురు భక్త్యా చ లభ్యతే

త్రైలోక్యే స్ఫుట వక్తారో దేవర్షి పితృ మానవాః      43

గుకార శ్చాంధకారో హి రుకార స్తేజ ఉచ్యతే

అఙ్ఞాన గ్రాసకం బ్రహ్మ గురు రేవ న సంశయః   44

గుకారో భవ రోగస్యాత్ రుకార స్త న్నిరోధకృత్

భవ రోగ హరత్యాచ్చ గురు రిత్య భిధీయతే       45

గుకారశ్చ గుణాతీతో రూపాతీతో రుకారకః

గుణ రూప విహీనత్వాత్ గురు రిత్య భిధీయతే   46

గుకారః ప్రథమో వర్ణో మాయాది గుణ భాసకః

రుకారోస్తి పరం బ్రహ్మ మాయా భ్రాంతి విమోచనం   47

ఏవం గురు పదం శ్రేష్ఠం దేవానామపి దుర్లభం

గరుడోరగ గంధర్వ సిద్ధాది సుర పూజితం        48

ధ్రువం దేహి ముముక్షూణాం నాస్తి తత్వం గురోః పరం

గురో రారాధనం కుర్యాత్ స్వజీవత్వం నివేదయేత్     49

 ఆసనం శయనం వస్త్రం వాహనం భూషణాదికం

సాధకేన ప్రదాతవ్యం గురు సంతోష కారణం  50

కర్మణా మనసా వాచా సర్వదారాధయేద్గురుం

దీర్ఘ దండం నమస్కృత్య నిర్లజ్జౌ గురు సన్నిధౌ  51

శరీర మింద్రియం ప్రాణ మర్థ స్వజన బాంధవాన్

ఆత్మ దారాదికం సర్వం సద్గురుభ్యో నివేదయేత్    52

గురురేకో జగత్సర్వం బ్రహ్మ విష్ణు శివాత్మకం

గురోః పరతరం నాస్తి తస్మాత్సం పూజయే ద్గురుం  53

సర్వ శృతి శిరో రత్న విరాజిత పదాంబుజం

వేదాంతార్థ ప్రవక్తారం తస్మాత్ సంపూజయేద్గురుం    54

యస్య స్మరణ మాత్రేణ ఙ్ఞానముత్పద్యతే స్వయం

స యేవ సర్వ సంపత్తిః తస్మాత్సంపూజయే ద్గురుం     55

కృమికోటి భిరావిష్టం దుర్గంధ కుల దూషితం 

అనిత్యం దుఃఖ నిలయం దేహం విద్ధి వరాననే       56

సంసార వృక్ష మారూఢాః పతంతి నరకార్ణవే

యస్తానుద్ధరతే సర్వాన్ తస్మై శ్రీ గురవే నమః       57

గురు ర్బ్రహ్మా గురు ర్విష్ణుః గురు ర్దేవో మహేశ్వరః

గురు రేవ పరం బ్రహ్మ తస్మై శ్రీ గురవే నమః      58

అఙ్ఞాన తిమిరాంధస్య ఙ్ఞానాంఙన శలాకయా

చక్షు రున్మీలితం యేన తస్మై శ్రీ గురవే నమః     59

అఖండ మండలాకారం వ్యాప్తం యేన చరాచరం

తత్పదం దర్శితం యేన తస్మై శ్రీ గురవే నమః    60

స్థావరం జంగమం వ్యాప్తం యత్కించిత్స చరాచరం

త్వత్పదం దర్శితం యేన తస్మై శ్రీ గురవే నమః   61

చిన్మయం వ్యాపితం సర్వం త్రైలోక్యం స చరాచరం

అసిత్వం దర్శితం యేన తస్మై శ్రీ గురవే నమః     62

నిమిష న్నిమిషార్ధ్వాద్వా యద్వాక్యాదై విముచ్యతే

స్వాత్మానం శివ మాలోక్య తస్మై శ్రీ గురవే నమః    63

చైతన్యం శాశ్వతం శాంతం వ్యోమాతీతం నిరంజనం

నాద బిందు కళాతీతం తస్మై శ్రీ గురవే నమః    64

నిర్గుణం నిర్మలం శాంతం జంగమం స్థిరమేవ చ

వ్యాప్తం యేన జగత్సర్వం తస్మై శ్రీ గురవే నమః     65

స పితా స చ మే మాతా స బంధుః స చ దేవతా

సంసార మోహ నాశాయ తస్మై శ్రీ గురవే నమః      66

యత్సత్వేన జగత్సత్యం యత్ప్రకాశేన భాతి తత్

యదానందేన నందంతి తస్మై శ్రీ గురవే నమః    67

యస్మిన్స్థిత మిదం సర్వం భాతి యద్భాన రూపతః

ప్రియం పుత్రాది యత్ప్రీత్యా తస్మై శ్రీ గురవే నమః   68

యేనేదం దర్శితం తత్వం చిత్త చైత్యాదికం తథా

జాగ్రత్స్వప్న సుషుప్త్యాది తస్మై శ్రీ గురవే నమః   69

యస్య ఙ్ఞాన మిదం విశ్వం న దృశ్యం భిన్న బేధతః

సదైక రూప రూపాయ తస్మై శ్రీ గురవే నమః    70

యస్య ఙ్ఞాతం మతం తస్య మతం యస్య న వేదసః

అనన్య భావ భావాయ తస్మై శ్రీ గురవే నమః   71

యస్మై కారణ రూపాయ కార్య రూపేణ భాతి యత్

కార్య కారణ రూపాయ తస్మై శ్రీ గురవే నమః    72

నానారూపమిదం విశ్వం న కేనాప్యస్తి భిన్నతా

కార్య కారణ రూపాయ తస్మై శ్రీ గురవే నమః   73

ఙ్ఞాన శక్తి సమారూఢ తత్వ మాలా విభూషణే

భుక్తి ముక్తి ప్రదాత్రేచ తస్మై శ్రీ గురవే నమః   74

అనేక జన్మ సంప్రాప్త కర్మ బంధ విదాహినే

ఙ్ఞానానిల ప్రభావేన తస్మై శ్రీ గురవే నమః  75

శోషణం భవ సింధోశ్చ దీపనం క్షర సంపదాం

గురోః పాదోదకం యస్య తస్మై శ్రీ గురవే నమః  76

న గురో రధికం తత్వం న గురో రధికం తపః

న గురో రధికం ఙ్ఞానం తస్మై శ్రీ గురవే నమః     77

మన్నాథః శ్శ్రీ జగన్నాథో మద్గురుః శ్రీ జగద్గురుః

మమాత్మా సర్వ భూతాత్మా తస్మై శ్రీ గురవే నమః   78

గురు రాది రనాదిశ్చ గురుః పరమ దైవతం

గురు మంత్ర సమో నాస్తి తస్మై శ్రీ గురవే నమః      79

ఏక ఏవ పరో బంధుః విషమే సముపస్థితే

గురుః సకల ధర్మాత్మా తస్మై శ్రీ గురవే నమః       80

గురు మధ్యే స్థితం విశ్వం విశ్వ మధ్యే స్థితో గురుః

గురుర్విశ్వం న చాన్యోస్తి తస్మై శ్రీ గురవే నమః    81

భవారణ్య ప్రవిష్టస్య దిఙ్ఞ్మోహ భ్రాంత చేతసః

యేన సందర్శితః పంథాః తస్మై శ్రీ గురవే నమః  82

తాపత్రయాగ్ని తప్తానా మశాంత ప్రాణినాం భువి

యస్య పాదోదకం గంగా తస్మై శ్రీ గురవే నమః     83

అఙ్ఞాన సర్ప దష్టానాం ప్రాణినాం కశ్చికిత్సకః

సమ్యక్ ఙ్ఞాన మహా మంత్ర వేదినం సద్గురు వినా  84

హేతవే జగతా మేవ సంసారార్ణవ సేతవే

ప్రభవే సర్వ విద్యానాం శంభవే గురవే నమః      85

ధ్యాన మూలం గురో ర్మూర్తిః పూజా మూలం గురోః పదం

మంత్ర మూలం గురో ర్వాక్యం ముక్తి మూలం గురోః కృపా   86

సప్త సాగర పర్యంతం తీర్థ స్నాన ఫలం తు యత్

గురు పాద పయో బిందోః సహస్రాంశేన తత్ఫలం   87

శివే రుష్టే గురు స్త్రాతా గురౌ రుష్టే న కశ్చన

లబ్ధ్వా కుల గురు సమ్యక్ గురు మేవ సమాశ్రయేత్  88

మధు లుబ్ధో యథా భృంగః పుష్పాత్పుష్పాంతరం వ్రజేత్

ఙ్ఞాన లుబ్ధ స్తథా శిష్యో గురో ర్గుర్వంతరం వ్రజేత్   89

వందే గురు పద ద్వంద్వం వాఙ్మనాతీత గోచరం

శ్వేత రక్త ప్రభా భిన్నం శివ శక్త్యాత్మకం పరం   90

గుకారంచ గుణాతీతం రూకారం రూప వర్జితం

గుణాతీత మరూపంచ యో దద్యాత్ స గురు స్మృతః  91

అత్రి నేత్ర శ్శివ స్సాక్షాత్ ద్విబాహుశ్చ హరిః స్మృతః

యో చతుర్వదనో బ్రహ్మా శ్రీ గురుః కథితః ప్రియే     92

అయం మయాంజలి ర్బద్ధో దయా సాగర సిద్ధయే

యదనుగ్రహతో జంతు శ్చిత్ర సంసార ముక్తి భాక్   93

శ్రీ గురోః పరమం రూపం వివేక చక్షురగ్రతః

మంద భాగ్యా న పశ్యంతి అంధాః సూర్యోదయం యథా  94

కులానాం కుల కోటీనాం తారక స్తత్ర తత్ క్షణాత్

అతస్తం సద్గురు ఙ్ఞాత్వా త్రికాల మభివాదయేత్    95

శ్రీ నాథ చరణ ద్వంద్వం యస్యాం దిశి విరాజతే

తస్యాం దిశి నమస్కుర్యాత్ భక్త్యా ప్రతి దినం ప్రియే  96

సాష్టాంగ ప్రణిపాతేన స్తువన్నిత్యం గురుం భజేత్

భజనాత్ స్థైర్య మాప్నోతి స్వస్వరూప మయో భవేత్   97

దోర్భ్యాం పద్భ్యాం చ జానుభ్యాం ఉరసా శిరసా దృశా

మనసా వచసా చేతి ప్రణామోష్టాంగ ఉచ్యతే   98

తస్యై దిశే సతత మంజలి రేష నిత్యం

ప్రక్షిప్యతాం ముఖరితై ర్మధురైః ప్రసూనైః
జాగర్తి యత్ర భగవాన్ గురు చక్రవర్తీ
విశ్వ స్థితి ప్రళయ నాటక నిత్య సాక్షీ              99

అభైస్తైః కిము దీర్ఘ కాల విమలై ర్వ్యాది ప్రదైః దుష్కరైః  

ప్రాణాయామ శతై రనేక కరణైః దుఃఖాత్మకైః దుర్జయైః
యస్మిన్నభ్యుదితే వినశ్యతి బలీ వాయుః స్వయం తత్ క్షణాత్
ప్రాప్తుం తత్సహజ స్వభావ మనిశం సేవేత చైకం గురుం             100

ఙ్ఞానం వినా ముక్తి పదం లభ్యతే గురు భక్తితః

గురోః ప్రసాదతో నాన్యత్ సాధనం గురు మార్గిణాం    101

యస్మాత్పరతరం నాస్తి నేతి నేతీతి వై శృతిః
మనసా వచసా చైవ సత్య మారాధయేద్గురుం           102

గురోః కృపా ప్రసాదేన బ్రహ్మ విష్ణు శివాదయః

సామర్థ్యమ భజన్ సర్వే సృష్టి స్థిత్యంత కర్మణి         103

దేవ కిన్నర గంధర్వాః పితృ యక్షాస్తు తుంబురుః

మునయోపి న జానంతి గురు శుశౄషణే విధిం         104

తార్కికా శ్ఛాందసాశ్చైవ దైవఙ్ఞాః కర్మఠాః ప్రియే

లౌకికాస్తే న జానంతి గురు తత్వం నిరాకులం         105

మహాహంకార గర్వేణ తతో విద్యా బలేన చ

భ్రమంత్యే తస్మిన్ సంసారే ఘటీ యంత్రం యథా పునః  106

యఙ్ఞినోపి న ముక్తాః స్యుః న ముక్తా యోగిన స్తథా

తాపసా అపి నో ముక్తా గురు తత్వాత్ పరాఙ్ఞ్ముఖాః             107

న ముక్తాస్తు గంధర్వాః పితృ యక్షాస్తు చారణాః

ఋషయః సిద్ధ దేవాద్యా గురు సేవా పరాఙ్ఞ్ముఖాః             108

!!  ఇతి శ్రీ స్కంద పురాణే ఉత్తర ఖండే ఉమా మహేశ్వర సంవాదే

                           శ్రీ గురు గీతాయాం ప్రథమోధ్యాయః  !!

                                                  అథ ద్వితీయోధ్యాయః

ధ్యానం శృణు మహాదేవి సర్వానంద ప్రదాయకం

సర్వ సౌఖ్య కరం చైవ భుక్తి ముక్తి ప్రదాయకం    109

శ్రీమత్పరం బ్రహ్మ గురుం స్మరామి

శ్రీమత్పరం బ్రహ్మ గురుం భజామి
శ్రీమత్పరం బ్రహ్మ గురుం వదామి
శ్రీమత్పరం బ్రహ్మ గురుం నమామి                     110

బ్రహ్మానందం పరమ సుఖదం కేవలం ఙ్ఞాన మూర్తిం

ద్వంద్వాతీతం గగన సదృశం తత్వ మస్యాది లక్ష్యం  
ఏకం నిత్యం విమల మచలం సర్వధీ సాక్షి భూతం
భావాతీతం త్రిగుణ రహితం సద్గురుం తం నమామి    111

హృదంబుజే కర్ణిక మధ్య సంస్థే

సింహాసనే సంస్థిత దివ్య మూర్తిం
ధ్యాయేద్గురుం చంద్ర కళా ప్రకాశం
సచ్చిత్సుఖాభీష్ట వరం దధానం      112

శ్వేతాంబరం శ్వేత విలేప పుష్పం

ముక్తా విభూషం ముదితం ద్వినేత్రం
వామాంక పీఠ స్థిత దివ్య శక్తిం
మందస్మితం పూర్ణ కృపా నిధానం    113

ఙ్ఞాన స్వరూపం నిజ భావ యుక్తం ఆనంద మానంద కరం ప్రసన్నం

యోగీంద్ర మీడ్యం భవరోగ వైద్యం శ్రీమద్గురుం నిత్యమహం నమామి   114

వందే గురూణాం చరణారవిందం సందర్శిత స్వాత్మ సుఖాంబుధీనాం

జనస్య యేషాం గుళికాయమానం సంసార హాలాహల మోహ శాంత్యై     115

యస్మిన్ సృష్టి స్థితి ధ్వంస నిగ్రహానుగ్రహాత్మకం

కృత్యం పంచ విధం శశ్వత్ భాసతే తం గురుం భజేత్      116

పాదాబ్జే సర్వ సంసార దావ కాలానలం స్వకే

బ్రహ్మ రంధ్రే స్థితాంభోజ మధ్యస్థం చంద్ర మండలం     117

అకథాది త్రిరేఖాబ్జే సహస్ర దళ మండలే

హంస పార్శ్వ త్రికోణేచ స్మరేత్తన్మధ్యగం గురుం    118
నిత్యం శుద్ధం నిరాభాసం నిరాకారం నిరంజనం
నిత్య బోధం చిదానందం గురుం బ్రహ్మ నమామ్యహం     119

సకల భువన సృష్టిః కల్పితాశేష సృష్టిః

నిఖిల నిగమ దృష్టిః సత్పదార్థైక సృష్టిః
అతద్గణ పరమేష్టిః సత్పదార్థైక దృష్టిః
భవ గుణ పరమేష్టిః మోక్ష మార్గైక దృష్టిః     120

సకల భువన రంగ స్థాపనా స్తంభయష్టిః 

సకరుణ రస వృష్టిః తత్వ మాలా సమష్టిః 
సకల సమయ సృష్టిః సచ్చిదానంద దృష్టిః
నివసతు మయి నిత్యం శ్రీ గురో ర్దివ్య దృష్టిః    121

న గురోరధికం నగురోరధికం

న గురోరధికం నగురోరధికం
శివ శాసనతః శివ శాసనతః
శివ శాసనతః శివ శాసనతః    122

ఇదమేవ శివ మిదమేవ శివం ఇదమేవ శివ మిదమేవ శివం

హరి శాసనతో హరి శాసనతో హరి శాసనతో హరి శాసనతః     123

విదితం విదితం విదితం విదితం

విజనం విజనం విజనం విజనం
విధి శాసనతో విధి శాసనతో
విధి శాసనతో విధి శాసనతః     124

ఏవం విధం గురుం ధ్యాత్వా ఙ్ఞానముత్పద్యతే స్వయం

తదా గురూపదేశేన ముక్తోహ మితి భావయేత్      125

గురూపదిష్ట మార్గేణ మనః శుద్ధిం తు కారయేత్

అనిత్యం ఖండయేత్సర్వం యత్కించిదాత్మ గోచరం    126

ఙ్ఞేయం సర్వం ప్రతీతం చ ఙ్ఞానం చ మన ఉచ్యతే

ఙ్ఞానం ఙ్ఞేయం సమం కుర్యాన్ నాన్యః పంథా ద్వితీయకః  127

కిమత్ర బహు నోక్తేన శాస్త్ర కోటి శతై రపి

దుర్లభా చిత్త విశ్రాంతిః వినా గురు కృపాం పరాం   128

కరుణా ఖంగ పాతేన ఛిత్వా పాశాష్టకం శిశోః

సమ్యగానంద జనకః సద్గురుః సోభిధీయతే   129

ఏవం శృత్వా మహాదేవి గురునిందాం కరోతి యః

స యాతి నరకాన్ ఘోరాన్ యావచ్చంద్ర దివాకరౌ  130

యావత్కల్పాంతకో దేహ స్తావద్దేవి గురుం స్మరేత్

గురు లోపా న కర్తవ్యః స్వచ్ఛందో యది వా భవేత్    131

హుంకారేణ న వక్తవ్యం ప్రాఙ్ఞ శిష్యైః కదాచన

గురో రగ్ర న వక్తవ్య మసత్యం తు కదాచన      132

గురుం త్వంకృత్య హుంకృత్య గురు సాన్నిధ్య భాషణః

అరణ్యే నిర్జలే దేశే సంభవేద్ బ్రహ్మ రాక్షసః    133

అద్వైతం భావయే న్నిత్యం సర్వా వస్థాసు సర్వదా

కదాచిదపి నో కుర్యా ద్ద్వైతం గురు సన్నిధౌ   134

దృశ్య విస్మృతి పర్యంతం కుర్యాద్ గురు పదార్చనం

తాదృశస్యైవ కైవల్యం న చ తద్వ్యతిరేకిణః   135

అపి సంపూర్ణ తత్వఙ్ఞో గురు త్యాగి భవేద్యదా

భవత్యేవ హి తస్యాంత కాలే విక్షేపముత్కటం   136

గురు కార్యం న లంఘేత నా పృష్ట్వా కార్య మాచరేత్  

న హ్యుత్తిష్ఠే ద్దిశేనత్వా గురు సభ్ద్వశోభితః      137

గురౌ సతి స్వయం దేవి పరేషాంతు కదాచన

ఉపదేశం న వై కుర్యాత్ తదా చేద్రాక్షసో భవేత్     138

న గురో రాశ్రమే కుర్యాత్ దుష్పానం పరి సర్పణం

దీక్షా వ్యాఖ్యా ప్రభుత్వాది గురోరాఙ్ఞాం న కారయేత్     139

నోపాశ్రమంచ పర్యంకం న చ పాద ప్రసారణం

నాంగ భోగాదికం కుర్యాన్ న లీలా మపరామపి    140

గురూణాం సద సద్వాపి యదుక్తం తన్నలంఘయేత్

కుర్వన్నాఙ్ఞాం దివా రాత్రౌ దాసవ న్నివసేద్గురో   141

అదత్తం న గురోర్ద్రవ్య ముప భుంజీత కర్హిచిత్

దత్తే చ రంకవద్గ్రాహ్యం ప్రాణోప్యేతేన లభ్యతే    142

పాదుకాసన శయ్యాది గురుణా యదభీష్టితం 

నమస్కుర్వీత తత్సర్వం పాదాభ్యాం న స్పృశేత్ క్వచిత్    143

గచ్ఛతః పృష్ఠతో గచ్ఛేత్ గురుచ్ఛాయాం న లంఘయేత్

నోల్బణం ధారయే ద్వేషం నాలంకారాం స్తతోల్బణాన్    144

గురు నిందా కరం దృష్ట్వా ధావయేదథ వాసయేత్

స్థానం వా తత్పరిత్యాజ్యం జిహ్వా ఛేదా క్షమో యది    145

నోచ్ఛిష్టం కస్య చిద్దేయం గురో రాఙ్ఞాం న చ త్యజేత్

కృత్స్న ముచ్ఛిష్ట మాదాయ హవిర్వ ద్భక్షయే త్స్వయం         146

నానృతం నాప్రియం చైవ న గర్వ నాపి వా బహు

న నియోగ ధరం బ్రూయాత్ గురోరాఙ్ఞాం విభావయేత్        147

ప్రభో దేవ కులేశానాం స్వామిన్ రాజన్ కులేశ్వర

ఇతి సంబోధనై ర్భీతో సచ్చరేద్గురు సన్నిధౌ   148

మునిభిః పన్నగైర్వాపి సురైర్వా శాపితో యది

కాల మృత్యు భయాద్వాపి గురుః సంత్రాతి పార్వతి       149

అశక్తా హి సురాద్యాశ్చ హ్యశక్తాః మునయ స్తథా

గురు శాపోప పన్నస్య రక్షణాయ చ కుత్రచిత్       150

మంత్ర రాజ మిదం దేవి గురురిత్యక్షర ద్వయం

స్మృతి వేద పురాణానాం సారమేవ న సంశయః    151

సత్కార మాన పూజార్థం దండ కాషాయ ధారణః

స సన్యాసీ న వక్తవ్యః సన్యాసీ ఙ్ఞాన తత్పరః    152

విజానంతి మహా వాక్యం గురోశ్చరణ సేవయా

తే వై సన్యాసినః ప్రోక్తా ఇతరే వేష ధారిణాః   153

నిత్యం బ్రహ్మ నిరాకారం నిర్గుణం సత్య చిద్ఘనం

యః సాక్షాత్ కురుతే లోకే గురుత్వం తస్య శోభతే      154

గురు ప్రసాదతః స్వాత్మ న్యాత్మారామ నిరీక్షణాత్

సమతా ముక్తి మార్గేణ స్వాత్మ ఙ్ఞానం ప్రవర్తతే      155

ఆ బ్రహ్మ స్తంభ పర్యంతం పరమాత్మ స్వరూపకం

స్థావరం జంగమం చైవ ప్రణమామి జగన్మయం      156

వందేహం సచ్చిదానందం భావాతీతం జగద్గురుం

నిత్యం పూర్ణం నిరాకారం నిర్గుణం స్వాత్మ సంస్థితం    157

పరాత్పర తరం ధ్యాయే న్నిత్య మానంద కారకం 

హృదయాకాశ మధ్యస్థం శుద్ధ స్ఫటిక సన్నిభం     158

స్ఫాటికే స్ఫాటికం రూపం దర్పణే దర్పణో యథా

తథాత్మని చిదాకార మానందం సోహమిత్యుత     159

అంగుష్ఠ మాత్రం పురుషం ధ్యాయేచ్చ చిన్మయం హృది

తత్ర స్ఫురతి యో భావః శృణు తత్కథయామి తే     160

అజోహ మమరోహం చ హ్యనాది నిధనోహ్యహం

అవికార శ్చిదానందో హ్యణీయాన్మహతో మహాన్   161

అపూర్వ మపరం నిత్యం స్వయం జ్యోతి ర్నిరామయం

విరజం పరమాకాశం ధృవమానంద మవ్యయం    162

అగోచరం తథాగమ్యం నామ రూప వివర్జితం

నిః శబ్దం తు విజానీయా త్స్వభావా ద్బ్రహ్మ పార్వతి   163

 యథా గంధ స్వభావావత్వం కర్పూర కుసుమాదిషు

శీతోష్ణ త్వ స్వభావత్వం తథా బ్రహ్మణి శాశ్వతం     164

యథా నిజ స్వభావేన కుండల కటకాదయః

సువర్ణత్వేన తిష్టంతి తథాహం బ్రహ్మ శాశ్వతం    165

స్వయం తథా విధో భూత్వా స్థాతవ్యం యత్ర కుత్ర చిత్ 

కీటో భృంగ ఇవ ధ్యానా ద్యథా భవతి తాదృశః     166

గురు ధ్యానం తథా కృత్వా స్వయం బ్రహ్మ మయోభవేత్

పిండే పదే తథా రూపే ముక్తాస్తే నాత్ర సంశయః      167

    శ్రీ పార్వతీ ఉవాచ

పిండం కిం తు మహా దేవ పదం కిం సముదాహృతం

రూపాతీతం చ రూపం కిం యేతదాఖ్యాహి శంకరం     168

     శ్రీ మహాదేవ ఉవాచ

పిండం కుండలినీ శక్తిః పదం హంస ముదాహృతం
రూపం బిందురితి ఙ్ఞేయం రూపాతీతం నిరంజనం     169

పిండే ముక్తాః పదే ముక్తా రూపే ముక్తా వరాననే

రూపాతీతే తు యే ముక్తా స్తే ముక్తా నాత్ర సంశయః    170

గురు ర్ధ్యానే నైవ నిత్యం దేహీ బ్రహ్మ మయో భవేత్

స్థితశ్చ యత్ర కుత్రాపి ముక్తోసౌ నాత్ర సంశయః   171

ఙ్ఞానం స్వానుభవః శాంతి ర్వైరాగ్యం వక్తృతా ధృతిః

షడ్గుణైశ్వర్య యుక్తోహి భగవాన్ శ్రీ గురు ప్రియే    172

గురుః శివో గురు ర్దేవో గురు ర్బంధుః శరీరిణాం

గురు రాత్మా గురుర్జీవో గురోరన్య న్న విద్యతే     173

ఏకాకీ నిస్పృహః శాంత శ్చింతాసూయాది వర్జితః

బాల్య భావేన యో భాతి బ్రహ్మ ఙ్ఞానీ స ఉచ్యతే    174

న సుఖం వేద శాస్త్రేషు న సుఖం మంత్ర యంత్ర కే

గురోః ప్రసాదాదన్యత్ర సుఖం నాస్తి మహీతలే    175

చార్వాక వైష్ణవ మతే సుఖం ప్రాభాకరే న హి

గురోః పాదాంతికే యద్వత్సుఖం వేదాంత సమ్మతం    176

న తత్సుఖం సురేంద్రస్య న సుఖం చక్రవర్తినాం 

యత్సుఖం వీత రాగస్య మునేరేకాంత వాసినః   177

నిత్యం బ్రహ్మ రసం పీత్వా తృప్తోయః పరమాత్మని

ఇంద్రంచ మన్యతే తుచ్ఛం నృపాణాం తత్ర కా కథా    178

యతః పరమ కైవల్యం గురు మార్గేణ వై భవేత్

గురు భక్తి రతః కార్యా సర్వదా మోక్ష కాంక్షిభిః   179

ఏక ఏవాద్వితీయోహం గురు వాక్యేన నిశ్చితః

ఏవమభ్యస్యతా నిత్యం న సేవ్యం వై వనాంతరం   180

అభ్యాసాన్నిమిషేణైవం సమాధి మధి గచ్ఛతి

ఆజన్మ జనితం పాపం తత్క్షణాదేవ నశ్యతి    181

కిమావాహన మవ్యక్తై వ్యాపకం కిం విసర్జనం

అమూర్తో చ కథం పూజా కథం ధ్యానం నిరామయే    182

గురుర్విష్ణుః సత్వ మయో రాజస శ్చతురాననః

తామసో రుద్ర రూపేణ సృజత్యవతి హంతి చ    183

స్వయం బ్రహ్మ మయో భూత్వా తత్పరం నావలోకయేత్

పరాత్పర తరం నాన్యత్ సర్వగం చ నిరామయం   184

తస్యావలోకనం ప్రాప్య సర్వ సంగ వివర్జితః

ఏకాకీ నిస్పృహః శాంతః స్థాతవ్యం తత్ప్రసాదతః   185

లబ్ధం వాథ న లబ్ధం వా స్వల్పం వా బహుళం తథా

నిష్కామేనైవ భోక్తవ్యం సదా సంతుష్ట మానసః   186

సర్వఙ్ఞ పద మిత్యాహు ర్దేహీ సర్వ మయో భువి
సదానందః సదా శాంతో రమతే యత్ర కుత్రచిత్    187

యత్రైవ తిష్ఠతే సోపి స దేశః పుణ్య భాజనః

ముక్తస్య లక్షణం దేవి తవాగ్రే కథితం మయా    188

ఉపదేశస్త్వయం దేవి గురు మార్గేణ ముక్తిదః

గురు భక్తి స్తథా త్యాంతా కర్తవ్యావై మనీషిభిః   189

నిత్య యుక్తాశ్రయః సర్వో వేద కృత్సర్వ వేద కృత్

స్వ పర ఙ్ఞాన దాతాచ తం వందే గురు మీశ్వరం    190

యద్యప్యధీతా నిగమాః షడంగా ఆగమాః ప్రియే

అధ్యాత్మాదీని శాస్త్రాణి ఙ్ఞానం నాస్తి గురుం వినా  191

శివపూజా రతో వాపి విష్ణు పూజా రతో థవా

గురు తత్వ విహీనశ్చేత్ తత్సర్వం వ్యర్థమేవ హి   192

శివ స్వరూప మఙ్ఞాత్వా శివ పూజా కృతా యది

సా పూజా నామ మాత్రం స్యాచ్చిత్ర దీప ఇవ ప్రియే 193

సర్వం స్యాత్సఫలం కర్మ గురు దీక్షా ప్రభావతః

గురు లాభా త్సర్వ లాభో గురు హీనస్తు బాలిశః   194

గురు హీనః పశుః కీటః పతంగో వక్తు మర్హతి

శివ రూపం స్వరూపం చ న జానాతి యత స్స్వయం    195

తస్మాత్సర్వ ప్రయత్నేన సర్వ సంగ వివర్జితః

విహాయ శాస్త్ర జాలాని గురుమేవ సమాశ్రయేత్   196

నిరస్త సర్వ సందేహో ఏకీకృత్య సుదర్శనం

రహస్యం యో దర్శయతి భజామి గురు మీశ్వరం   197

 ఙ్ఞాన హీనో గురు స్త్యాజ్యో మిథ్యా వాది విడంబకః

స్వవిశ్రాంతిం న జానాతి పర శాంతిం కరోతి కిం  198

శిలాయాః కిం పరం ఙ్ఞానం శిలా సంఘ ప్రతారణే

స్వయం తర్తుం న జానాతి పరం నిస్తారయేత్ కథం   199

న వందనీయాస్తే కష్టం దర్శనాత్ భ్రాంతి కారకాః

వర్జయేతాన్ గురున్ దూరే ధీరానేవ సమాశ్రయేత్   200

 పాషండినః పాప రతాః నాస్తికా భేద బుద్ధయః

స్త్రీ లంపటా దురాచారాః కృతఘ్నా బక వృత్తయః    201

కర్మ భ్రష్టాః క్షమా నష్టా నింద్య తర్కై శ్చ వాదినః

కామినః క్రోధినశ్చైవ హింస్త్రా శ్చండాః శఠా స్తథా    202

ఙ్ఞాన లుప్తా న కర్తవ్యా మహా పాపా స్తథా ప్రియే

ఏభ్యో భిన్నో గురుః సేవ్యః ఏక భక్త్యా విచార్యచ    203

శిష్యా దన్యత్ర దేవేశి న వదే ద్యస్య కస్యచిత్  

నరాణాం చ ఫల ప్రాప్తౌ భక్తిరేవ హి కారణం   204

గూఢో దృఢశ్చ ప్రీతశ్చ మౌనేన సుసమాహితః

సకృత్కామ గతౌ వాపి పంచధా గురురీరితః    205

సర్వం గురు ముఖా ల్లబ్ధం సఫలం పాప నాశనం

యద్య దాత్మ హితం వస్తు తత్తద్రవ్యం న వంచయేత్    206

గురు దేవార్పణం వస్తు తేన తుష్టోస్మి సువ్రతే

శ్రీ గురోః పాదుకాం ముద్రాం మూల మంత్రం చ గోపయేత్    207

న తాస్మి తే నాథ పదారవిందం

బుద్ధీంద్రియా ప్రాణ మనో వచోభిః
యచ్చింత్యతే భావిత ఆత్మయుక్తౌ
ముముక్షిభిః కర్మ మయోప శాంతయే      208

అనేన యద్భవేత్ కార్యం తద్వదామి తవ ప్రియే

లోకోపకారకం దేవి లౌకికం తు వివర్జయేత్       209

లౌకికాద్ధర్మతో యాతి ఙ్ఞాన హీనో భవార్ణవే

ఙ్ఞాన భావేచ యత్సర్వం కర్మ నిష్కర్మ శామ్యతి      210

ఇమాం తు భక్తి భావేన పఠేద్వై శృణుయాదపి

లిఖిత్వా యత్ప్రదానేన తత్సర్వం ఫల మశ్నుతే     211

గురు గీతా మిమాం దేవి హృది నిత్యం విభావయ

మహా వ్యాధి గతై ర్ధుఃఖైః సర్వదా ప్రజపేన్ముదా   212

గురు గీతాక్షరైకైకం మంత్ర రాజ మిదం ప్రియే

అన్యేచ వివిధా మంత్రాః కలాం నార్హంతి షోడసీం    213

అనంత ఫల మాప్నోతి గురుగీతా జపేన తు

సర్వ పాప హరా దేవి సర్వ దారిద్ర నాశినీ     214

అకాల మృత్యు హర్త్రీ చ సర్వ సంకట నాశినీ

యక్ష రాక్షస భూతాది చోర వ్యాఘ్ర విఘాతినీ     215

సర్వోపద్రవ కుష్ఠాది దుష్ట దోష నివారిణీ

యత్ఫలం గురు సాన్నిధ్యాత్ తత్ఫలం పఠనా ద్భవేత్     216

మహా వ్యాధి హరా సర్వ విభూతేః సిద్ధిదా భవేత్

అథవా మోహనే వశ్యే స్వయమేవ జపేత్సదా    217

కుశ దూర్వాసనే దేవి హ్యాసనే శుభ్ర కంబళే

ఉపవిశ్య తతో దేవి జపేదేకాగ్ర మానసః     218

శుక్లం సర్వత్ర వై ప్రోక్తం వశ్యే రక్తాసనం ప్రియే 

పద్మాసనే జపేన్నిత్యం శాంతి వశ్య కరం పరం    219

వస్త్రాసనే చ దారిద్రం పాషాణే రోగ సంభవః

మేదిన్యాం దుఃఖ మాప్నోతి కాష్ఠే భవతి నిష్ఫలం    220

కృష్ణాజినే ఙ్ఞాన సిద్ధి ర్మోక్ష శ్రీ వ్యాఘ్ర చర్మణి

కుశాసనే ఙ్ఞాన సిద్ధిః సర్వ సిద్ధిస్తు కంబళే    221

ఆగ్నేయ్యాం కర్షణం చైవ వాయవ్యాం శత్రు నాశనం

నైఋత్యాం దర్శనం చైవ ఈశాన్యాం ఙ్ఞానమేవచ    222

ఉదఙ్ఞుఖః శాంతి జప్యే వశ్యే పూర్వ ముఖస్తథా

యామ్యే తు మారణం ప్రోక్తం పశ్చిమే చ ధనాగమః    223

మోహనం సర్వ భూతానాం బంధ మోక్ష కరం పరం

దేవ రాఙ్ఞాం ప్రియ కరం రాజానం వశమానయేత్   224

ముఖ స్తంభ కరం చైవ గుణానాం చ వివర్ధనం

దుష్కర్మ నాశనం చైవ తథా సత్కర్మ సిద్ధిదం    225

ప్రసిద్ధం సాధయే త్కార్యం నవ గ్రహ భయాపహం

దుఃస్వప్న నాశనం చైవ సుస్వప్న ఫల దాయకం    226

మోహ శాంతి కరం చైవ బంధ మోక్ష కరం పరం

స్వరూప ఙ్ఞాన నిలయం గీతాశాస్త్ర మిదం శివే   227

యం యం చింతయతే కామం తం తం ప్రాప్నోతి నిశ్చయం

నిత్యం సౌభాగ్యదం పుణ్యం తాపత్రయ కులాపహం    228

సర్వ శాంతి కరం నిత్యం తథా వంధ్యా సుపుత్రదం

అవైధవ్య కరం స్త్రీణాం సౌభాగ్యస్య వివర్ధనం    229

ఆయురారోగ్య మైశ్వర్యం పుత్ర పౌత్ర ప్రవర్ధనం

నిష్కామ జాపీ విధవా పఠే న్మోక్ష మవాప్నుయాత్   230

అవైధవ్యం స కామాతు లభతే చాన్య జన్మని

సర్వ దుఃఖ మయం విఘ్నం నాశయేత్తాప హారకం   231

సర్వ పాప ప్రశమనం ధర్మ కామార్థ మోక్షదం

యం యం చింతయతే కామం తం తం ప్రాప్నోతి నిశ్చితం    232

కామ్యానాం కామ ధేనుర్వై కల్పితే కల్ప పాదపః

చింతామణి శ్చింతితస్య సర్వ మంగళ కారకం   233

లిఖిత్వా పూజయే ద్యస్తు మోక్ష శ్రియ మవాప్నుయాత్

గురూ భక్తి ర్విశేషేణ జాయతే హృది సర్వదా  234

జపంతి శాక్తాః సౌరాశ్చ గాణపత్యాశ్చ వైష్ణవాః

శైవాః పాశుపతాః సర్వే సత్యం సత్యం న సంశయః  235

   !! ఇతి శ్రీ స్కంద పురాణే ఉత్తర ఖండే ఉమా మహేశ్వర సంవాదే

                       శ్రీ గురు గీతాయాం ద్వితీయోధ్యాయః !!

                                   అథ తృతీయః అధ్యాయః       

అథ కామ్య జప స్థానం కథయామి వరాననే

సాగరాంతే సరి తీరే తీర్థే హరి హరాలయే    236

శక్తి దేవాలయే గోష్ఠే సర్వ దేవాలయే శుభే

వటస్య ధాత్ర్యా మూలే వా మఠే వృందావనే తథా     237

పవిత్రే నిర్మలే దేశే నిత్యానుష్ఠానతో పి వా 

నిర్వేదనేన మౌనేన జపమేతత్ సమారభేత్    238

జాప్యేన జయ మాప్నోతి జప సిద్ధిం ఫలం తథా

హీనం కర్మ త్యజేత్సర్వం గర్హిత స్థానమేవచ    239

శ్మశానే బిల్వ మూలే వా వట మూలాంతికే తథా

సిద్ధ్యంతి కానకే మూలే చూత వృక్షస్య సన్నిధౌ  240

పీతాసనం మోహనే తు హ్యసితం చాభిచారికే

ఙ్ఞేయం శుక్లం చ శాంత్యర్థం వశ్యే రక్తం ప్రకీర్తితం   241

జపం హీనాసనం కుర్వత్ హీన కర్మ ఫల ప్రదం

గురు గీతాం ప్రయాణే వా సంగ్రామే రిపు సంకటే    242

జపం జయ మవాప్నోతి మరణే ముక్తి దాయికా

సర్వ కర్మాణి సిద్ధ్యంతి గురు పుత్రే న సంశయః    243

గురు మంత్రో ముఖే యస్య తస్య సిద్ధ్యంతి నాన్యథా

దీక్షయా సర్వ కర్మాణి సిద్ధ్యంతి గురు పుత్రకే   244

భవ మూల వినాశాయ చాష్ట పాశ నివృత్తయే

గురు గీతాంభసి స్నానం తత్వఙ్ఞః కురుతే సదా   245

స యేవ సద్గురుః సాక్షాత్ సదసద్బ్రహ్మ విత్తమః

తస్య స్థానాని సర్వాణి పవిత్రాణి న సంశయః   246

సర్వ శుద్ధః పవిత్రోసౌ స్వభావాద్యత్ర తిష్ఠతి

తత్ర దేవ గణాః సర్వే క్షేత్ర పీఠే చరంతి చ    247

ఆసనస్థాః శయానావా గచ్ఛంత స్తిష్ఠతో పి వా 

అశ్వారూఢాః గజారూఢాః సుషుప్తా జాగ్రతోపి వా   248

శుచి భూతా ఙ్ఞాన వంతో గురు గీతా జపంతి యే

తేషాం దర్శన సంస్పర్శాత్ దివ్య ఙ్ఞానం ప్రజాయతే    249

సముద్రే వై యథా తోయం క్షీరే క్షీరం జలే జలం

భిన్నే కుంభే యథాకాశం తథాత్మా పరమాత్మని   250

తథైవ ఙ్ఞానవాన్ జీవః పరమాత్మని సర్వదా

ఏక్యేన రమతే ఙ్ఞానీ యత్ర కుత్ర దివా నిశం   251

ఏవం విధో మహా యుక్తః సర్వత్ర వర్తతే సదా

తస్మాత్సర్వ ప్రకారేణ గురు భక్తిం సమాచరేత్    252

గురు సంతోషణాదేవ ముక్తో భవతి పార్వతి   

అణిమాదిషు భోక్తృత్వం కృపయా దేవి జాయతే    253

సామ్యేన రమతే ఙ్ఞానీ దివా వా యది వా నిశి

ఏవం విధౌ మహా మౌనీ త్రైలోక్య సమతాం వ్రజేత్     254

అథ సంసారిణః సర్వే గురు గీతా జపేన తు

సర్వాన్ కామాంస్తు భుంఞంతి త్రిసత్యం మమ భాషితం  255

సత్యం సత్యం పునః సత్యం ధర్మ సారం మయోదితం

గురు గీతా సమం స్తోత్రం నాస్తి తత్వం గురోః పరం   256

గురుర్దేవో గురు ర్ధర్మో గురౌ నిష్ఠా పరం తపః

గురోః పర తరం నాస్తి త్రివారం కథయామి తే    257

ధన్యా మాతా పితా ధన్యో గోత్రం ధన్యం కులోద్భవః 

ధన్యా చ వసుధా దేవి యత్ర స్యా ద్గురు భక్తతా   258

ఆకల్ప జన్మ కోటీనాం యఙ్ఞ వ్రత తపః క్రియాః

తాః సర్వాః సఫలా దేవి గురూ సంతోష మాత్రతః   259

శరీర మింద్రియం ప్రాణ శ్చార్థః స్వజన బంధుతా

మాతృ కులం పితృ కులం గురురేవ న సంశయః    260

మంద భాగ్యా హ్యశక్తాశ్చ యే జనా నాను మన్వతే

గురు సేవాసు విముఖాః పచ్యంతే నరకేశు చౌ    261

విద్యా ధనం బలం చైవ తేషాం భాగ్యం నిరర్థకం

యేషాం గురూ కృపా నాస్తి అధో గచ్ఛంతి పార్వతి      262

బ్రహ్మా విష్ణుశ్చ రుద్రశ్చ దేవతాః పితృ కిన్నరాః

సిద్ధ చారణ యక్షాశ్చ అన్యే చ మునయో జనాః   263

గురు భావః పరం తీర్థ మన్యర్థం నిరర్థకం

సర్వ తీర్థ మయం దేవి శ్రీ గురో శ్చరణాంబుజం 264

కన్యా భోగ రతా మందాః స్వకాంతాయాః పరాఞుఖాః

అతః పరం మయా దేవి కథితన్న మమ ప్రియే      265

ఇదం రహస్య మస్పష్టం వక్తవ్యంచ వరాననే

సుగోప్యం చ తవాగ్రే తు మమాత్మ ప్రీతయే సతి    266

స్వామి ముఖ్య గణేశాద్యాన్ వైష్ణవాదీంశ్చ పార్వతి

న వక్తవ్యం మహా మాయే పాద స్పర్శం కురుష్వ మే   267

అభక్తే వంచకే ధూర్తే పాషండే నాస్తికాదిషు

మనసా పి న వక్తవ్యా గురు గీతా కదాచన     268

గురవో బహవః సంతి శిష్య విత్తాప హారకః

తమేకం దుర్లభం మన్యే శిష్య హృత్తాప హారకం    269

చాతుర్యవాన్ వివేకీచ అధ్యాత్మ ఙ్ఞాన వాన్ శుచిః

మానసం నిర్మలం యస్య గురుత్వం తస్య శోభతే   270

 గురవో నిర్మలాః శాంతాః సధవో మిత భాషిణః

కాం క్రోధ వినిర్ముక్తాః సదాచారాః జితేంద్రియాః   271

సూచకాది ప్రభేదేన గురవో బహుధా స్మృతాః

స్వయం సమ్యక్ పరీక్ష్యాథ తత్వ నిష్ఠం భజేత్సుధీః  272

వర్ణ జాల మిదం తద్వ ద్బాహ్య శాస్త్రం తు లౌకికం

యస్మిన్ దేవి సమభ్యస్తం స గురుః సుచకః స్మృతః    273

వర్ణాశ్రమోచితాం విద్యాం ధర్మా ధర్మ విధాయినీం

ప్రవక్తారం గురుం విద్ధి వాచకం త్వితి పార్వతి   274

పంచాక్షర్యాది మంత్రాణా ముపదేష్టాతు పార్వతి

స గురు ర్బోధకో భూయా దుభయో రయ ముత్తమః    275

మోహ మారణ వశ్యాదితుచ్ఛ మంత్రోప దర్శినం

నిషిద్ధ గురు రిత్యాహుః పండితా స్తత్వ దర్శినః   276

అనిత్య మితి నిర్దిశ్య సంసారం సంకటాలయం

వైరాగ్య పథ దర్శీ యః స గురు ర్విహితః ప్రియే     277

తత్వ మస్యాది వాక్యానా ముపదేష్టాతు పార్వతి

కారణాఖ్యో గురు ప్రోక్తో భవ రోగ నివారకః   278

సర్వ సందేహ సందోహ నిర్మూలన విచక్షణః

జన్మ మృత్యు భయఘ్నోయః స గురుః పరమో మతః     279

బహు జన్మ కృతాత్ పుణ్యా ల్లభ్యతే సౌ మహా గురుః

లబ్ధ్వాముం న పునర్యాతి శిష్యః సంసార బంధనం    280

ఏవం బహు విధా లోకే గురవః సంతి పార్వతి

తేషు సర్వ ప్రయత్నేన సేవ్యో హి పరమో గురుః    281

నిషిద్ధ గురు శిష్యస్తు దుష్ట సంకల్ప దూషితః

బ్రహ్మ ప్రళయ పర్యంతం న పునర్యాతి మర్త్యతాం    282

ఏవం శృత్వా మహా దేవీ మహా దేవ వచస్తథా

అత్యంత విహ్వల మనా శంకరం పరిపృచ్ఛతి    283

పార్వత్యువాచ

నమస్తే దేవ దేవాత్ర శ్రోతవ్యం కించిదస్తి మే

శృత్వా త్వద్వాక్య మధునా భృశం స్యాద్విహ్వలం మనః    284

స్వయం మూఢా మృత్యు భీతాః సుకృతా ద్విరతిం గతాః 

దైవా న్నిషిద్ధ గురుగా యది తేషాం తు కా గతిః    285

   శ్రీ మహాదేవ ఉవాచ

శృణు తత్వమిదం దేవి యదా స్యాద్విరతో నరః
తదా సావధికారీతి ప్రోచ్యతే శృతి మస్తకైః     286

అఖండైక రసం బ్రహ్మ నిత్య ముక్తం నిరామయం

స్వస్మిన్ సందర్శితం యేన స భవేదస్య దేశికః      287

జలానాం సాగరో రాజా యథా భవతి పార్వతి

గురూణాం తత్ర సర్వేషాం రాజాయం పరమో గురుః      288

మోహాది రహితః శాంతో నిత్య తృప్తో నిరాశ్రయః

తృణీకృత బ్రహ్మ విష్ణు వైభవః పరమో గురుః    289

సర్వ కాల విదేశేషు స్వతంత్రో నిశ్చల స్సుఖీ

అఖండైక రసాస్వాద తృప్తోహి పరమో గురుః    290

ద్వైతా ద్వైత వినిర్ముక్తః స్వానుభూతి ప్రకాశవాన్

అఙ్ఞానాంధ తమశ్ఛేత్తా సర్వఙ్ఞః పరమో గురుః   291

యస్య దర్శన మాత్రేణ మనసః స్యాత్ ప్రసన్నతా

స్వయం భూయాత్ ధృతి శ్శాంతిః స భవేత్ పరమో గురుః    292

సిద్ధి జాలం సమాలోక్య యోగినాం మంత్ర వాదినాం

తుచ్ఛాకార మనో వృత్తి ర్యస్యాసౌ పరమో గురుః   293

స్వ శరీరం శవం పశ్యన్ తథా స్వాత్మాన మద్వయం

యః స్త్రీ కనక మోహఘ్నః స భవేత్ పరమో గురుః    294

మౌనీ వాంగ్మీతి తత్వఙ్ఞో ద్విధాభూఛృణు పార్వతి

న కశ్చిన్మౌనినా లాభో లోకేస్మిన్ భవతి ప్రియే    295

వాంగ్మీ తూత్కట సంసారసాగరోత్తారణ క్షమః

యతోసౌ సంశయచ్ఛేత్తా శాస్త్ర యుక్త్యాను భూతిభిః    296

గురు నామ జపాద్దేవి బహు జన్మా ర్జితాన్యపి

పాపాని విలయం యాంతి నాస్తి సందేహ మణ్వపి    297

శ్రీ గురోః సదృశం దైవం శ్రీ గురో సదృశః పితా  

గురు ధ్యాన సమం కర్మ నాస్తి నాస్తి మహీతలే      298

కులం ధనం బలం శాస్త్రం బాంధవా స్సోదరా ఇమే

మరణే నోపయుజ్యంతే గురురేకోహి తారకః    299

కులమేవ పవిత్రం స్యాత్ సత్యం స్వగురు సేవయా

తృప్తాః స్యు స్సకలా దేవా బ్రహ్మాద్యా గురు తర్పణాత్     300

గురురేకో హి జానాతి స్వరూపం దేవ మవ్యయం

తఙ్ఞానం యత్ప్రసాదేన నాన్యథా శాస్త్ర కోటిభిః    301

స్వరూప ఙ్ఞాన శూన్యేన కృత మప్యకృతం భవేత్

తపో జపాదికం దేవి సకలం బాల జల్పవత్    302

శివం కేచిద్ధరిం కేచి ద్విధిం కేచిత్తు కేచన

శక్తిం దేవమితి ఙ్ఞాత్వా వివదంతి వృథా నరాః  303

న జానంతి పరం తత్వం గురూ దీక్షా పరాఞ్ముఖాః

భ్రాంతాః పశు సమా హ్యేతే స్వ పరిఙ్ఞాన్ వర్జితాః     304

తస్మాత్కైవల్య సిద్ధ్యర్థం గురూ మేవ భజే ప్రియే

గురూం వినా న జానంతి మూఢా స్తత్ పరమం పదం        305

భిద్యతే హృదయ గ్రంథి శ్ఛిద్యంతే సర్వ సంశయాః

క్షీయంతే సర్వ కర్మాణి గురోః కరుణయా శివే    306

కృతాయా గురు భక్తేస్తు వేద శాస్త్రాను సారతః

ముచ్యతే పాతకా ద్ఘోరా ద్గురు భక్తో విశేషతః    307

గుఃసంగం చ పరిత్యజ్య పాప కర్మ పరిత్యజేత్

చిత్త చిహ్న మిదం యస్య దీక్షా విధీయతే   308

చిత్త త్యాగ నియుక్తశ్చ క్రోధ గర్వ వివర్జితః

ద్వైత భావ పరిత్యాగీ తస్య దీక్షా విధీయతే    309

ఏతల్లక్షణ సంయుక్తం సర్వ భూత హితే రతం

నిర్మలం జీవితం యస్య తస్య దీక్షా విధీయతే    310

క్రియయా చాన్వితం పూర్వం దీక్షాజాలం నిరూపితం

మంత్ర దీక్షాభిర్ధ సంగోపాంగం శివోదితం    311

క్రియయా స్యాద్విరహితాం గురు సాయుజ్య దాయినీం

గురు దీక్షాం వినా కో వా గురుత్వాచార పాలకః    312

శక్తో న చాపి శక్తో వా దైశికాంఘ్రి సమాశ్రయాత్

తస్య జన్మాస్తి సఫలం భోగ మోక్ష ఫల ప్రదం    313

అత్యంత చిత్త పక్వస్య శ్రద్ధా భక్తియుతస్య చ  

ప్రవక్తవ్య మిదం దేవి మమాత్మ ప్రీతయే సదా    314

రహస్యం సర్వ శాస్త్రేషు గీతా శాస్త్రదం శివే

సమ్యక్పరీక్ష్య వక్తవ్యం సాధకస్య మద్యాత్మనః    315

సత్కర్మ పరి పాకాచ్చ చిత్త శుద్ధస్య ధీమతః

సాధకస్యైవ వక్తవ్యా గురు గీతా ప్రయత్నతః    316

నాస్తికాయ కృతఘ్నాయ దాంభికాయ శఠాయ చ

అభక్తాయ విభక్తాయ న వాచ్యేయం కదాచన    317

స్త్రీలోలుపాయ మూర్ఖాయ కామోప హత చేతసే

నిందకాయ న వక్తవ్యా గురుగీతా స్వభావతః   318

సర్వ పాప ప్రశమనం సర్వోపద్రవ వారకం

జన్మ మృత్యు హరం దేవి గీతా శాస్త్ర మిదం శివే   319

శృతి సారమిదం దేవి సర్వ ముక్తం సమాసతః

నాన్యథా సద్గతిః పుంసాం వినా గురు పదం శివే    320

బహు జన్మ కృతా త్పాద యమర్థో న రోచతే

జన్మ బంధ నివృత్యర్థం గురుమేవ భజేత్సదా  321

అహమేవ జగత్సర్వ మహ మేవ పరం పదం

ఏతఙ్ఞానం యతోభూయాత్ తం గురుం ప్రణమామ్యహం     322

అలం వికల్పై రహమేవ కేవలో మయి స్థితం విశ్వమిదం చరాచరం

ఇదం రహస్యం మమ యేన దర్శితం స వందనీయో గురు రేవ కేవలం    323

యస్యాంతం నాది మధ్యం న హి కర చరణం నామ గోత్రం న సూత్రం
నో జాతి ర్నైవ వర్ణో న భవతి పురుషో నో ంపుంసం న చ స్త్రీ  324

నాకారం నో వికారం న హి జని మరణం నాస్తి పుణ్యం న పాపం

నోతత్వం తత్వ మేకం సహజ సమరసం సద్గురుం తం నమామి    325

నిత్యాయ సత్యాయ చిదాత్మకాయ నవ్యాయ భవ్యాయ పరాత్పరాయ

శుద్ధాయ బుద్ధాయ నిరంజనాయ నమోస్య నిత్యం గురు శేఖరాయ   326

సచ్చిదానంద రూపాయ వ్యాపినే పరమాత్మనే

నమః శ్రీ గురు నాథాయ ప్రకాశానంద మూర్తయే   327

సత్యానంద స్వరూపాయ బోధైక సుఖ కారిణే

నమో వేదాంత వేద్యాయ గురవే బుద్ధి సాక్షిణే    328

నమస్తే నాథ భగవన్ శివాయ గురు రూపిణే

విద్యావతార సంసిద్ధ్యై స్వీకృతానేక విగ్రహ    329

నవాయ నవ రూపాయ పరమార్థైక రూపిణే

సర్వ ఙ్ఞాన తమోభేద భానవే చిద్ఘనాయ తే    330

స్వతంత్రాయ దయాక్ల్రుప్త విగ్రహాయ శివాత్మనే

పర తంత్రాయ భక్తానాం భవ్యానాం భవ్య రూపిణే    331

వివేకినాం వివేకాయ విమర్శాయ విమర్శినాం

ప్రకాశినాం ప్రకాశాయ ఙ్ఞానినాం ఙ్ఞాన రూపిణే   332

పురస్తత్పార్శ్వయోః పృష్ఠే నమస్కుర్యా దుపర్యధః

సదా మచ్చిత్త రూపేణ విధేహి భవ దాసనం   333

శ్రీ గురుం పరమానందం వందే హ్యానంద విగ్రహం

యస్య సన్నిధి మాత్రేణ చిదానందాయ తే నమః   334

నమోస్తు గురవే తుభ్యం సహజానంద రూపిణే

యస్య వాగమృతం హంతి విషం సంసార సంఙ్ఞకం  335

నానా యుక్తోపదేశేన తారితా శిష్య మంతతిః

తత్కృతా సార వేదేన గురు చిత్పద మచ్యుతం   336

అచ్యుతాయ నమస్తుభ్యం గురవే పరమాత్మనే

సర్వ తంత్ర స్వతంత్రాయ చిద్ఘనానంద మూర్తయే    337

నమోచ్యుతాయ గురవే విద్యా విద్యా స్వరూపిణే

శిష్య సన్మార్గ పటవే కృపా పీయూష సింధవే    338

ఓమచ్యుతాయ గురవే శిష్య సంసార సేతవే

భక్త కార్యైక సింహాయ నమస్తే చిత్సుఖాత్మనే   339

గురు నామ సమం దైవం న పితా న చ బాంధవాః

గురు నామ సమః స్వామీ నేదృశం పరమం పదం    340

ఏకాక్షర ప్రదాతారం యో గురుం నైవ మన్యతే

శ్వాన యోని శతం గత్వా చాండాలేష్వపి జాయతే   341

గురు త్యాగా ద్భవే మృత్యు ర్మంత్ర త్యాగా ద్దరిద్రతా

గురు మంత్ర పరిత్యాగీ రౌరవం నరకం వ్రజేత్     342

శివ క్రోధా ద్గురు స్త్రాతా గురు క్రోధా చ్ఛివో న హి

తస్మాత్సర్వ ప్రయత్నేన గురోరాఙ్ఞా న లంఘయేత్   343

సంసార సాగర సముద్ధరణైక మంత్రం

బ్రహ్మాది దేవ ముని పూజిత సిద్ధ మంత్రం
దారిద్ర దుఃఖ భవ రోగ వినాశ మంత్రం
వందే మహా భయ హరం గురు రాజ మంత్రం     344

సప్త కోటీ మహా మంత్రా శ్చిత్త విభ్రంశ కారకాః

ఏక ఏవ మహా మంత్రో గురురిత్యక్షర ద్వయం    345

ఏవముక్త్వా మహా దేవః పార్వతీం పునరబ్రవీత్

ఇదమేవ పరం తత్వం శృణు దేవి సుఖావహం     346

గురుతత్వ మిదం దేవి సర్వ ముక్తం సమాసతః

రహస్య మిద మవ్యక్త న్నవదేద్యస్య కస్యచిత్    347

న మృషా స్యాదియం దేవి మదుక్తిః సత్య రూపిణీ

గురు గీతా సమం స్తోత్రం నాస్తి నాస్తి మహీతలే    348

గురు గీతా మిమాం దేవి భవ దుఃఖ వినాశినీం

గురు దీక్షా విహీనస్య పురతో న పఠేత్ క్వచిత్      349

రహస్య మత్యంత రహస్య మేత న్న పాపినా లభ్యమిదం మహేశ్వరి

అనేక జన్మార్జిత పుణ్య పాకా ద్గురోస్తు తత్వం లభతే మనుష్యః     350

యస్య ప్రసాదా దహమేవ సర్వం

మయ్యేవ సర్వం పరికల్పితం చ
ఇత్థం విజానామి సదాత్మ రూపం
తస్యాంఘ్రి పద్మం ప్రణతోస్మి నిత్యం    351

అఙ్ఞాన తిమిరాంధస్య విషయాక్రాంత చేతసః

ఙ్ఞాన ప్రభా ప్రదానేన ప్రసాదం కురు మే ప్రభో    352

    ఇతి శ్రీ గురు గీతాయాం తృతీయోధ్యాయః

ఇతి శ్రీ స్కంద పురాణే ఉత్తర ఖండే ఉమా మహేశ్వర సంవాదే

    గురుగీతా సమాప్తం

శ్రీ గురు దత్తాత్రేయార్పణ మస్తు