శ్రీ కుంచితపాద సహస్ర నామ స్తోత్రం

                                                                 శ్రీ గురుభ్యో నమః
                                     శ్రీ శివకామసుందరీ సమేత శ్రీ నటరాజః శరణం

యస్మాత్సర్వం సముత్పన్నం చరాచరమిదం జగత్
ఇదం నమో నటేశాయ తస్మై కారుణ్య మూర్తయే             1

కైలాస శిఖరే రమ్యే రత్న సింహాసనే స్థితం
శంకరం కరుణా మూర్తిం ప్రణమ్య పరయా ముదా           2

వినయావనతా భూత్వా పప్రచ్ఛ పరమేశ్వరీ
భగవన్! భవ! సర్వఙ్ఞ! భవతాపహరావ్యయ!                   3

త్వత్తః శ్రుతం మయా దేవ! సర్వం నామ సహస్రకం
నటేశస్యాపి నామాని సుశ్రుతాని మయా ప్రభో!              4

త్వత్తః శ్రేష్ఠతమః పాదః కుంచితః పద్మ సన్నిభః
తస్మాత్తన్నామ సాహస్రం శ్రోతుమిచ్ఛామి శంకర         5

అసకృత్ప్రార్థితోపి త్వం న తత్కథితవానసి
ఇదానీం కృపయా శంభో! వద వాంఛాభిపూర్తయే      6

శ్రీ శివ ఉవాచ-

సాధు సాధు మహాదేవి! పృష్టం సర్వ జగద్ధితం
పురా నారాయణః శ్రీమాన్ లోకరక్షాపరాయణః        7

క్షీరాబ్ధౌ సుచిరం కాలం సాంబమూర్తిధరం శివం
మామేకాగ్రేణ చిత్తేన ధ్యాయన్ న్యవసదచ్యుతః      8

తపసా తస్య సంతుష్టః ప్రసన్నోహం కృపావశాత్
ధ్యానాన్సముత్థితో విష్ణుర్లక్ష్మ్యా మాం పర్యపూజయత్  9 

తుష్టావ వివిధైస్త్సోత్రై వేదవేదాంత సమ్మితైః
వరం వరయ హే వత్స యదిష్టం మనసి స్థితం         10

తత్తే దాస్యామి న చిరాదిత్యుక్తః కమలేక్షణః
ప్రాహం మాం పరయా భక్త్యా వరం దాస్యసి చేత్ప్రభో   11

రక్షార్థం సర్వ జగతామసురాణాం క్షయాయ చ
సార్వాత్మ్యయోగ సిద్ధ్యర్థం మంత్రమేకం మమాదిశ    12

ఇతి సంప్రార్థితస్తేన మాధవేనాహమంబికే
సంచిత్యానుత్తమం స్తోత్రం సర్వేషాం సర్వ సిద్ధిదం  13

నటేశ కుంచితాంఘ్రేస్తు నామసాహస్రముత్తమం
లక్ష్మీ కాంతాయ భక్తాయౌక్తవానస్మి శంకరి!                  14

తేనజిత్వాసురాన్ సర్వాన్ రరక్ష సకలం జగత్

సర్వాత్మ్య యోగ సిద్ధించ ప్రాప్తవానంబుజేక్షణః         15

తదేవ ప్రార్థయస్యద్య నామ సాహస్రమంబికే         
పఠనాన్మననాద్యస్య నృత్తం దర్శయతి ప్రభుః          16

సర్వపాపహరం పుణ్యం సర్వరక్షాకరం నృణాం   
సర్వైశ్వర్య ప్రదం సర్వసిద్ధిదం ముక్తిదం పరం       17

వక్ష్యామి శృణు హే దేవి నామసాహస్రముత్తమం   

అస్య శ్రీ శివకామ సుందరీ సమేత శ్రీ నటరాజ కుంచితపాద సహస్రనామ స్తోత్ర
మహా మంత్రస్య సదాశివఋషిః,  మహావిరాట్ ఛందః, శ్రీశివకామసుందరీ సమేతశ్రీ నటరాజరాజోదేవతా , శక్తిః, కీలకం అంగన్యాస కరన్యాసౌచ చింతామణి మంత్రవత్

ధ్యాయేత్కోటి రవిప్రభం త్రినయనం శీతాంశు గంగాధరం
దక్షాంఘ్రి స్థిత వామకుంచితపదం శార్దూల చర్మాంబరం
వహ్నిం డోలకరాభయం డమరుకం వామే శివాం శ్యామలాం
కల్హారం జపసృక్శుకం కటికరాం దేవీం సభేశం భజే             1

ఫాలే రత్న త్రిపుండ్రం ఫణినమపి గళే పాదపీఠే చ భూతం
బాహ్వోర్వహ్నిం చ ఢక్కాం వదన సరసిజే సూర్య చంద్రౌ శిఖీంద్రం
ఓంకారాఖ్య ప్రభాయాం సురభువన గణం పార్శ్వయోర్వాద్యకారౌ
యః కృత్వానందనృత్తం స్వసదసి కురుతే కుంచితాంఘ్రిం భజేహం     2

ఊరున్యాససుడోల- వహ్ని-శుకభృద్వామం కరాంభోరుహం
ఢక్కాచ్ఛాక్షస్రగుత్పలాభయకరం వామం పదం కుంచితం
ఉద్ధృత్యాధరభూత పృష్టివిలసద్దక్షాంఘ్రిమర్ధాంబికం
సామీవస్త్ర సువేణి దృక్కుచభరం ధ్యాయేన్నటం మేలనం       3

ధ్యాయేదాత్మవిమోహసంస్థిత పదం రక్తాంశుకం శంకరం
కించిత్కుంచితవామపాదమతులం వ్యాలంబ బాహుం త్రిభిః
వామే పౌండ్ర ధనుశ్చ పాశ దహనౌ దక్షే కరే చాభయం
పౌష్పం మార్గణమంకుశం డమరుకం బిభ్రాణమచ్ఛచ్ఛవిం     4

                                                         సహస్ర నామ స్తోత్రం

అఖండబోధోఖండాత్మా ఘంటామండలండితః
అఖండానంద చిద్రూపః పరమానందతాండవః     1

అగమ్య మహిమాంభోధిః అనౌపమ్య యశోనిధిః
అగ్రేవధోగ్రే సంపూజ్యో హంతా తారో మయోభవః     2

అఘోరోద్భుతచారిత్ర ఆనందవపురగ్రణీః
అజీర్ణస్సుకుమారోన్యః పారదర్శీ పురందరః           3

అతర్క్యస్సుకరస్సారః సత్తామాత్రస్సదాశివః
అనంతరూప ఏకాత్మా స్వస్తరుర్వ్యాహృతిః స్వధా   4

అనంతశక్తిరాచార్యః పుష్కలస్సర్వపూరణః
అనర్ఘరత్నఖచితకిరీటో నికటేస్థితః                     5

అనహంకృతిరచ్ఛేద్యస్స్వానందైక ఘనాకృతిః
అనావరణవిఙ్ఞానో నిర్విభాగో విభావసుః               6

అనిర్దేశ్యోనిలోగమ్యో విక్రియోమోఘవైభవః
అనుత్తమః పరోదాసో ముక్తిదో ముదితాననః        7 

అన్నానాం పతిరత్యుగ్రో హరిధ్యేయోద్వయాకృతిః
అపరోక్షోవ్రణోలింగోప్యద్వేష్టా ప్రేమసాగరః       8

అపర్యంతోపరిచ్ఛేద్యోగోచరో రుగ్విమోచకః
అపస్మృతిన్యస్తపాదః కృత్తివాసః కృపాకరః      9

అప్రమేయోప్రతిరథః ప్రద్యుమ్నః పరమేశ్వరః
అమానీ మదనోమన్యురమానో మానదో మనుః      10

అమూల్యమణిసంభాస్వస్ఫణీంద్ర కరకంకణః
అరుణః శరణః శర్వః శరణ్యః శర్మదః శివః             11

అవశస్స్వవశస్స్థాస్నురంతర్యామీ శతక్రతుః
అశుభక్షయకృజ్జ్యోతిరనాకాశస్త్వలేపకః                12

అస్నేహస్సంగనిర్ముక్తోహ్రస్వో దీర్ఘో విశేషకః
అక్షరస్త్రయక్షరస్త్రయక్షః పక్షపాతవివర్జితః           13

ఆతతావీ మహారుద్రః క్షేత్రాణామధిపోక్షదః
ఆతన్వానశ్శతానందో గృత్సో గృత్సపతిస్సురః     14

ఆదిత్యవర్ణస్సంజ్జ్యోతిస్సమ్యగ్దర్శన తత్పరః
ఆదిభూతో మహాభూతస్స్వేచ్ఛాకలితవిగ్రహః       15

ఆప్తకామోనుమంతాత్మకామో భిన్నోనణుర్హరః
ఆభాస్వరః పరంతత్వరాదిమః పేశలః పవిః          16

ఆవ్యాధిప్రతిరాదిత్యః కకుభః కాలకోవిదః
ఇచ్ఛానిచ్ఛావిరహితో విహారీ వీర్యవర్ధనః               17

ఉద్దండతాండవశ్చండ ఊర్ధ్వతాండవపండితః
ఉదాసీన ఉపద్రష్టా మౌనగమ్యో మునీశ్వరః        18

ఊర్ధ్వపాదూర్ధ్వరేతాశ్చ ప్రౌఢనర్తనలంపటః
ఓషధీశస్సతామీశ ఉచ్చైర్ఘోషో విభీషణః               19

కందర్పకోటి సదృశః కపర్దీ కమలాననః
కపాలమాలాభరణః కంకాలః కలినాశనః             20

కపాలమాలాలంకారః కాలాంతకవపుర్ధరః
కమనీయః కలానాథశేఖరః కంబుకంధరః          21

కమనీయనిజానందముద్రాంచితకరాంబుజః
కరాబ్జధృత కాలాగ్నిః కదంబకుసుమారుణః     22

కరిచర్మాంబరధరః కపాలీ కలుషాపహః
కల్యాణమూర్తిః కల్యాణీరమణః కమలేక్షణః      23

కక్షపశ్చ భువంతిశ్చ భవాఖ్యో వారివస్కృతః
కాలకంఠః కాలకాలః కాలకూటవిషాశనః           24

కాలనేతా కాలహంతా కాలచక్రప్రవర్తకః
కాలఙ్ఞః కామదః కాంతః కామారిః కామపాలకః    25

కాలాత్మా కాళికానాథః కార్కోటకవిభూషణః
కాళికానాట్యరసికో నిశానటననిశ్చలః               26

కాళీవాదప్రియః కాలః కాలాతీతః కళాధరః
కుఠారభృత్ కులాద్రీశః కుంచితైకపదాంబుజః  27

కులుంచానాం పతిః కూప్యో ధన్వావీ ధనదాదిపః
కూటస్థః కూర్మపీఠస్థః కూశ్మాండగ్రహమోచకః       28

కూలంకషః కృపాసింధుః కుశలీ కుంకుమేశ్వరః
కృతఙ్ఞః కృతిసారఙ్ఞః కృశానుః కృష్ణపింగళః          29

కృతాకృతః కృశః కృష్ణః శాంతిదః శరభాకృతిః
కృతాంతకృత్క్రియాధారః కృతీ కృపణరక్షకః      30

కేవలః కేశవః కేళీకరః కేవలనాయకః
కైలాసవాసీ కామేశః కవిః కపటవర్జితః                   31

కోటికందర్పసౌభాగ్య సుందరో మధురస్మితః
గదాధరో గణస్వామీ గరిష్ఠస్తోమరాయుధః          32

గర్వితో గగనావాసో గ్రంథిత్రయ విభేదనః
గహ్వరేష్ఠో గణాధీశో గణేశో గతివర్జితః                 33

గాయకో గరుడారూఢో గజాసురవిమర్దనః
గాయత్రీవల్లభో గార్గ్యో గాయకానుగ్రహోన్ముఖః   34

గుహాశయో గుణాతీతో గురుమూర్తిర్గుహప్రియః
గూఢో గుహ్యతరో గోప్యో గోరక్షీ గణసేవితః          35

చతుర్భుజశ్శతతనుః శమితాఖిల కౌతుకః
చరిర్వక్త్రశ్చక్రధరః పంచవక్త్రః పరంతపః         36

చిచ్ఛక్తిలోచనానందకందలః కుందపాండరః
చిదానందనటాధీశః చిత్కేవలవపుర్ధరః              37

చిదేకరససంపూర్ణః హ్రీం శివశ్రీమహేశ్వరః
చైతన్యం చిచ్ఛిద్వైతశ్చిన్మాత్రశ్చిత్సభాధిపః      38

జటాధరోమృతాధారోమృతాంశురమృతోద్భవః
జటిలశ్చటులాపాంగో మహానటనలంపటః          39

జనార్దనో జగత్స్వామీ జన్మకర్మనివారకః

జవనో జగదాధారో జమదాగ్నిర్జరాహరః              40

జహ్నుకన్యాధరో జన్మజరామృత్యునివారకః
ణాంతనాదినామయుక్త విష్ణునామ్యపదాంబుజః 
తత్వావబోధస్తత్వేశస్త్వత్వభావస్తపోనిధిః              41

తరుణస్తారకస్తామ్రస్తరిష్ణుస్తత్వబోధకః               
త్రిధామా త్రిజగద్ధేతుః త్రిమూర్తిస్తిర్యగూర్ధ్వగః      42

త్రిమాతృకస్త్రివృద్రూపః తృతీయాస్త్రిగుణాధికః 
దక్షాధ్వరహరో దక్షో దహరస్థో దయానిధిః             43

దక్షిణాగ్నిర్గార్హపత్యో దమనో దానవాంతకః   
దీర్ఘపింగ జటాజూటో దీర్ఘబాహుర్దిగంబరః          44

దురారాధ్యో దురాధర్షో దుష్టదూరోదురాసదః 
దుర్విఙ్ఞేయో దురాచారనాశనో దుర్మదాంతకః    45

దైవ్యో భిషక్ ప్రమాణఙ్ఞో బ్రహ్మణ్యో బ్రాహ్మణాత్మకః
ద్రష్టా దర్శయితా దాంతో దాక్షిణామూర్తిరూపభృత్   46

ధన్వీ ధనాధిపో ధన్యో ధర్మగోప్తా ధరాధిపః
ధృష్ణుర్దూతస్తీక్ష్ణదంష్ట్రస్సుధన్వా సుతదః సుఖీ       47

ధ్యానగమ్యో ధ్యాతృరూపో ధ్యేయో ధర్మవిదాం వరః
నక్తంచరః ప్రకృంతానాం పతిర్గిరిచరో గురుః             48

నందినాట్యప్రియో నందీ నటేశో నటవేషభృత్
నమదానందదో నమ్యో నగరాజనికేతనః                  49

నారసింహో నగాధ్యక్షో నాదాంతో నాదవర్జితః
నిచేరుకః పరిచరోరణ్యానాం పతిరద్భుతః                50

నిరంకుశో నిరాధారో నిరపాయో నిరత్యయః
నిరంజనో నిత్యశుద్ధో నిత్యబుద్ధో నిరాశ్రయః         51

నిరంశో నిగమానందో నిరానందో నిదానభూః
నిర్వాణదో నిర్వృతిస్థో నిర్వైరో నిరుపాధికః        52

నిర్వికల్పో నిరాలంబో నిర్వికారో నిరామయః
నిషంగీషుధిమానింద్రస్తస్కరాణామధీశ్వరః       53

నిస్పందః ప్రత్యయానందో నిర్నిమేషో నిరంతరః
నైస్కర్మ్యదో నవరసః త్రిస్థస్త్రిపురభైరవః             54

పంచాభూతప్రభుః పంచపూజాసంతుష్టమానసః
పంచయఙ్ఞప్రియః పంచప్రాణాధిపతిరవ్యయః    55

పతంజలిప్రాణనాథః పరాపరవివర్జితః
పతిః పంచత్వనిర్ముక్తః పంచకృత్యపరాయణః   56

పత్తీనామధిపః కృత్స్నవీతో ధావంశ్చసత్త్వపః
పరమాత్మా పరంజ్యోతిః పరమేష్ఠీ పరాత్పరః     57

పర్ణశద్యః ప్రత్యగాత్మా ప్రసన్నః పరమోన్నతః
పవిత్రః పార్వతీదారః పరమాపన్నివారకః          58

పాటలాంశుః పటుతరః పారిజాతద్రుమూలగః
పాపాటవీ బృహద్భానుః భానుమత్కోటికోటిభః    59

పాశీ పాతకసంహర్తా తీక్ష్ణేషుస్తిమిరాపహః
పుణ్యః పుమాన్ పురిశయః పూషా పూర్ణః పురాతనః   60

పురజిత్పూర్వజః పుష్పహాసః పుణ్యఫలప్రదః
పురుహూతః పురద్వేషీ పురత్రయవిహారవాన్         61

పులస్త్యః క్షయణో గృహ్యో గోష్ఠయో గోపరిపాలకః
పుష్టానాం పతిరవ్యగ్రో భవహేతిర్జగత్పతిః               62

ప్రకృతీశః ప్రతిష్ఠాతా ప్రభవః ప్రమథః ప్రథీ
ప్రపంచోపశమో నామరూపద్వయవివర్జితః          63

ప్రపంచోల్లాసనిర్ముక్తః ప్రత్యక్షః ప్రతిభాత్మకః
ప్రబుద్ధః పరమోదారః పరమానందసాగరః          64

ప్రమాణః ప్రణవః ప్రాఙ్ఞః ప్రాణదః ప్రాణనాయకః
ప్రవేగః ప్రమదార్ధాంగః  ప్రనర్తనపరాయణః        65

బభ్రుర్బహువిధాకారో బలప్రమథనో బలీ
బభ్రుశో భగవాన్భావ్యో వివ్యాధీ విగతజ్వరః         66 

బిల్మీ వరూథీ దుందుభ్యాహనన్యౌ ప్రమృశాభిధః
బ్రహ్మవిద్యాగురుర్గుహ్యో గుహ్యకైస్సమభిష్టుతః   67

బ్రహ్మవిద్యాప్రదో బ్రహ్మ బృహద్గర్భో బృహస్పతిః
బ్రహ్మాండకాండవిస్ఫోట మహాప్రళయతాండవః    68

బ్రహ్మిష్ఠో బ్రహ్మసూత్రార్థో బ్రహ్మణ్యో బ్రహ్మచేతనః
భగనేత్రహరో భర్గో భవఘ్నో భక్తిమన్నిధిః               69

భద్రో భద్రప్రదో భద్రవాహనో భక్తవత్సలః
భావఙ్ఞో బంధవిచ్ఛేత్తా భావాతీతో భయంకరః          70

భావాభావవినిర్ముక్తో భారూపో బావితో భరః
భూతముక్తావలీతంతుః భూతపూర్వో భుజంగభృత్   71

భూమా భూతపతిర్భవ్యో భూర్భువోవ్యాహృతిప్రియః
భృంగి నాట్యప్రమాణఙ్ఞో భ్రమరాయితనాట్యకృత్    72

భ్రాజిష్ణుర్భావనాగమ్యో భ్రాంతిఙ్ఞానవినాశనః
మనీషీ మనుజాధీశో మిథ్యాప్రత్యయ నాశనః        73

మనోభర్తా మనోగమ్యో మననైకపరాయణః
మనోవాచోభిరగ్రాహ్యో మహాబలికృతాలయః     74

మయస్కరో మహాతీర్థ్యః కూల్యః పార్యః పదాత్మకః
మహర్ధిర్మహిమాధారో మహాసేనా గురుర్మహః        75

మహాకర్తా మహాభోక్తా మహాసంవిన్మయో మధుః
మహాతాత్పర్యనిలయః ప్రత్యగ్బ్రహ్మైక్య నిశ్చయః    76

మహానందో మహాస్కందో మహేంద్రో మహాసన్నిధిః
మహామాయో మహాగ్రాసో మహావీర్యో మహాభుజః       77

మహోగ్రతాండవాభిఙ్ఞః పరిభ్రమణ తాండవః
మణిభద్రార్చితో మాన్యో మాయావీ మాంత్రికో మహాన్   78

మాయానాటకకృన్మాయీ మాయాయంత్రవిమోచకః
మాయానాట్య వినోదఙ్ఞో మాయానటనశిక్షకః            79

మీఢుష్టమో మృగధరో మృకండుతనయప్రియః
మునిరాతార్య ఆలాద్యః సికత్యశ్చ కింశిలః              80

మోచకో మోహవిచ్ఛేత్తా మోదనీయో మహాప్రభుః
యశస్వీ యజమానాత్మా యఙ్ఞభుగ్యజనప్రియః     81

యక్షరాడ్యఙ్ఞఫలదో యఙ్ఞమూర్తిర్యశస్కరః
యోగగమ్యో యోగనిష్ఠో యోగానందో యుధిష్ఠిరః   82

యోగయోనిర్యథాభూతో యక్షగంధర్వ వందితః
రవిమండల మధ్యస్థో రజోగుణవివర్జితః               83

రాజరాజేశ్వరో రమ్యో రాత్రించర వినాశనః
రాతిర్దాతిశ్చతుష్పాదః స్వాత్మబంధహరః స్వభూః  84

రుద్రాక్షస్రఞ్మయాకల్పః కల్హారకిరణద్యుతిః
రోహితస్థ్సపతిర్వృక్షపతిర్మంత్రీ చ వాణిజః          85

లాస్యామృతాబ్ధిలహరీపూర్ణేందుః పుణ్యగోచరః
వరదో వామనో వంద్యో వరిష్ఠో వజ్రవర్మభృత్       86

వరాభయప్రదో బ్రహ్మపుచ్ఛో బ్రహ్మవిదాం వరః 
వశీ వరేణ్యో వితతో వజ్రభృద్వరుణాత్మకః          87

వహ్నిమండల మధ్యస్థో వర్షీయాన్ వరుణేశ్వరః
వాచ్య వాచక నిర్ముక్తో వాగీశో వాగగోచరః              88

వికారరహితో విష్ణుర్విరాడీశో విరాణ్మయః
విఘ్నేశ్వరో విఘ్ననేతా శక్తిపాణిః శరోద్భవః       89

విజిఘత్సో విగతభీర్విపిపాసో విభావనః
విదగ్ధముగ్ధవేషాఢ్యో విశ్వాతీతో విశోకదః          90

విద్యానిధిర్విరూపాక్షో విశ్వయోనిర్వృషధ్వజః
విద్యుత్యో వివహో మేధ్యో రేష్మియో వాస్తుపో వాసుః   91

విద్వత్తమో విదూరస్థో విశ్రమో వేదనామయః
వియదాదిజగత్స్రష్టా వివిధానందదాయకః          92

విరాట్హృదయ పద్మస్థో విధిర్విశ్వాధికో విభుః
విరూపో విశ్వదిగ్వ్యాపీ వితశోకో విరోచనః            93

విశ్రాంతిభూర్వివసనో విఘ్నహంతా వినోదకః
విశృంఖలో వియద్ధేతుర్విషమో విద్రుమప్రభః     94

విశ్వస్యాయతనో వర్యో వందారుజన వత్సలః
విఙ్ఞానమాత్రో విరజాః విరామో విబుధాశ్రయః       95

వీరప్రియో వీతభయో వింధ్యదర్పవినాశనః
వీరభద్రో విశాలాక్షో విష్ణుబాణో విశాంపతిః           96

వృద్ధిక్షయవినిర్ముక్తో విద్యోతో విశ్వవంచకః
వేతాలనటనప్రీతో వేతండత్వక్కృతాంబరః      97

వేదవేద్యో వేదరూపో వేదవేదాంతవిత్తమః
వేదాంతకృత్తుర్యపాదో వైద్యుతః సుకృతోద్భవః   98

వేదార్థవిద్వేదయోనిః వేదాంగో వేదసంస్తుతః
వేలాతిలంఘికరుణో విలాసీ విక్రమోన్నతః      99

వైకుంఠవల్లభోవర్ష్యో వైశ్వానరవిలోచనః
వైరాగ్యశేవధిర్విశ్వభోక్తా సర్వోర్ధ్వ సంస్థితః       100

వౌషట్కారో వషట్కారో హుంకారః ఫట్కరః పటుః
వ్యాకృతో వ్యాపృతో వ్యాపీ వాప్యసాక్షీ విశారదః     101

వ్యాఘ్రపాదప్రియో వ్యాఘ్రచర్మధృద్వ్యాధినాశనః
వ్యామోహనాశనో వ్యాసో వ్యాఖ్యాముద్రా లసత్కరః    102

వ్యుప్తకేశోధ విశదో విష్వక్సేనో విశోధకః
వ్యోమకేశో వ్యోమమూర్తిర్వ్యోమాకారో వ్యయాకృతిః     103

వ్రాతో వ్రాతపతిర్విప్రో వరీయాన్ క్షుల్లకః క్షమీ
శక్తిపాతకరః శక్తః శాశ్వతః శ్రేయసాం నిధిః                104

శయనః శంతమః శాంతః శాసకః శ్యామలప్రియః
శివంకరః శివతరః శిష్టహృష్టః శివాగమః                  105

శీఘ్రయశ్శీభ్య ఆనందః క్షయద్వీరశ్శరోక్షరః
శుద్ధ స్ఫటిక సంకాశః శృతిప్రస్తుతవైభవః           106

శుష్క్యో హరిత్యో లోప్యశ్చ సూర్మ్యః పర్ణ్యోణిమాదిభూః
శూరసేనః శుభాకారః శుభ్రమూర్తిః శుచిస్మితః      107

శంగః ప్రతరణోవార్యః ఫేన్యః శష్ప్యః ప్రవాహజః
శ్రావ్యః శత్రుహరః శూలీ శృతిస్మృతివిధాయకః    108

శ్రీశివః శ్రీశివానాథః శ్రీమాన్ శ్రీపతిపూజితః
శృత్యః పథ్యస్స్వతంత్రస్థః కాట్యో నీప్యః కరోటిభృత్    109

షడాధారగతః సాంఖ్యః షడక్షరసమాశ్రయః
షడూర్మిరహితః స్తవ్యః షడ్గుణైశ్వర్యదాయకః        110

సకృద్విభాతః సంవేత్తా సదసత్కోటివర్జితః
సత్వసంస్థః సుషుప్తిస్థః సుతల్పః సత్స్వరూపగః   111

సద్యోజాతః సదారాధ్యః సామగః సామసంస్తుతః
సనాతనః సమః సత్యః సత్యవాదీ సమృద్ధిదః      112

సమదృష్టిః సత్యకామః సనకాదిమునిస్తుతః
సమస్తభువనవ్యాపీ సమృద్ధః సతతోదితః            113

సర్వకృత్సర్వజిత్సర్వమయః సత్వావలంబకః
సర్వద్వంద్వక్షయకరః సర్వాపద్వినివారకః        114

సర్వదృక్సర్వభృత్సర్గః సర్వహృత్కోశ సంస్థితః
సర్వ ప్రియతమః సరదారిద్ర్యక్లేశనాశనః            115

సర్వవిద్యానామీశాన ఈశ్వరాణామధీశ్వరః
సర్వఙ్ఞః సర్వదః స్థాణుః సర్వేశః సమరప్రియః    116

సర్వాతీతః సారతరః సాంబః సరస్వతప్రదః
సర్వార్థః సర్వదాతుష్టః సర్వశాస్త్రార్థ సమ్మతః    117

సర్వేశ్వరః సర్వసాక్షీ సర్వాత్మా సాక్షివర్జితః
సవ్యతాండవసంపన్నో మహాతాండవ వైభవః    118

సస్పింజరః పశుపతిస్త్విషీమానధ్వనాం పతిః
సహమానస్సత్యధర్మా నివ్యాధీ నియమో యమః   119

సహస్రాక్షః సహస్రాంఘ్రిః సహస్రవదనాంబుజః
సహస్రాక్షార్చితః సమ్రాట్ సంధాతా సంపదాలయః   120

సిద్ధేశః సిద్ధిజనకః సిద్ధాంతః సిద్ధవైభవః
సాధురూపః సురాధ్యక్షః సుభ్రూః సుఖఘనః సుధీః    121

సునిశ్చితార్థో రాద్ధాంతః తత్వమర్థస్తపోమయః
సువ్రతః సత్యసంకల్పః స్వసంవేద్య సుఖావహః      122

సూతః సదస్పతిః సూరిరహంత్యో వనపో వరః
సూత్రభూతః స్వప్రకాశః సమశీలః సదాదయః          123

సూత్రాత్మా సులభః స్వచ్ఛః సూదరః సుందరాననః
సూద్యస్సరస్యో వైశంతో నాద్యోవట్యోథ వర్షకః          124

సూక్ష్మాత్సూక్ష్మతరః సూర్యః సూక్ష్మస్థూలత్వవర్జితః
సృకావీ మృష్ణతాం నాథః పంచాశద్వర్ణరూపభృత్    125

సోమమండలమధ్యస్థః సోమః సౌమ్యః సుహృద్వరః
సంకల్పోల్లాసనిర్ముక్తః సమనీరాగచేతనః                   126

సంపన్నః సంక్రమః సత్రీ సందాతా సకలోర్జితః
సంప్రవృద్ధః సన్నికృష్టః సంవిమృష్టః సమగ్రదృక్    127

సంప్రహృష్టః సన్నివిష్టః సంస్పష్టః సంప్రమర్దనః
సంయద్వామః సంయమీంద్రః సంశయచ్ఛిత్ సహస్రదృక్   128

సంయమస్థః సంహృదిస్థః సంప్రవిష్టః సముత్సుకః
సంవత్సరః కళాపూర్ణస్సురాసురనమస్కృతః       129

సంవర్త్యాగ్న్యుదరః సర్వాంతరస్థస్సర్వదుర్గ్రహః
సంశాంతసర్వసంకల్పః సంసదీశః సదోదితః         130

స్ఫురడ్డమరునిధ్వాన నిర్జితాంభోధినిస్వనః
స్వచ్ఛందః స్వచ్ఛసంవిత్తి రన్వేష్టవ్యో శృతోమతః    131

స్వాత్మస్థః స్వాయుధః స్వామీ స్వానన్యః స్వాంశితాఖిలః
స్వాహారూపో వసుమనాః వటుకః క్షేత్రపాలకః         132

హితః ప్రమాతా ప్రాగ్వర్తీ సర్వోపనిషదాశయః
హిరణ్యబాహుస్సేనానీర్హరికేశో దిశాంపతిః         133

హేతుదృష్టాంతనిర్ముక్తో హేతుర్హేరంబజన్మభూః
హేయాదేయవినిర్ముక్తో హేలాకలితతాండవః     134

హేలావినిర్మితజగద్ధేమశ్మశ్రుర్హిరణ్మయః
ఙ్ఞానలింగో గతిర్ఙ్ఞానీ ఙ్ఞానగమ్యోభాసకః           135






 

   



   










 
                                                       

శ్రీ నటేశ సహస్ర నామ స్తోత్రం

                                                పూర్వ పీఠికా

యస్మాత్సర్వం సముత్పన్నం చరాచరమిదం జగత్
ఇదం నమో నటేశాయ తస్మై కారుణ్యమూర్తయే           

ఓం కైలాసశిఖరే రమ్యే రత్న సింహాసనే స్థితం
శంకరం కరుణామూర్తిం ప్రణమ్య పరయా ముదా          1

వినయావనతా భూత్వా పప్రచ్ఛ పరమేశ్వరీ
భగవాన్ భవ సర్వఙ్ఞ భవతాప హరావ్యయ                     2

త్వత్తః శ్రుతం మయా దేవ సర్వం నామ సహస్రకం
నటేశస్య తు నామాని న శ్రుతాని మయా ప్రభో             3

అసకృత్ప్రార్థితోపి త్వం న తత్కథితవానసి
ఇదానీం కృపయా శంభో వద వాంఛాభిపూర్తయే        4

శ్రీ శివ ఉవాచ

సాధు సాధు మహాదేవి పృష్టం సర్వజగద్ధితం
పురా నారాయణ శ్రీమాన్ లోకరక్షాపరాయణః           5

క్షీరాబ్ధౌ సుచిరం కాలం సాంబమూర్తిధరం శివం
మామేకాగ్రేణ చిత్తేన ధ్యాయన్ న్యవసదచ్యుతః      6

తపసా తస్య సంతుష్టః ప్రసన్నోహం కృపావశాత్
ధ్యానాన్సముత్థితో విష్ణుర్లక్ష్మ్యా మాం పర్యపూజయత్  7

తుష్టావ వివిధైస్త్సోత్రై వేదవేదాంత సమ్మితైః
వరం వరయ హే వత్స యదిష్టం మనసి స్థితం          8

తత్తే దాస్యామి న చిరాదిత్యుక్తః కమలేక్షణః
ప్రాహం మాం పరయా భక్త్యా వరం దాస్యసి చేత్ప్రభో   9

రక్షార్థం సర్వ జగతామసురాణాం క్షయాయ చ
సార్వాత్మ్యయోగ సిద్ధ్యర్థం మంత్రమేకం మమాదిశ    10

ఇతి సంప్రార్థితస్తేన మాధవేనాహమంబికే
సంచిత్యానుత్తమం స్తోత్రం సర్వేషాం సర్వ సిద్ధిదం  11

నటేశనామ సాహస్రముక్తవానస్మి విష్ణవే
తేన జిత్వాసురాన్ సర్వాన్ రరక్ష సకలం జగత్        12

సర్వాత్మ్య యోగ సిద్ధించ ప్రాప్తవానంబుజేక్షణః
తదేవ ప్రార్థయస్యద్య నామ సాహస్రమంబికే           13

పఠనాన్మననాత్తస్య నృత్తం దర్శయతి ప్రభుః
సర్వపాపహరం పుణ్యం సర్వరక్షాకరం నృణాం     14

సర్వైశ్వర్య ప్రదం సర్వసిద్ధిదం ముక్తిదం పరం
వక్ష్యామి శృణు హే దేవి నామసాహస్రముత్తమం     15

                                                         
                                                                     సహస్ర నామ స్తోత్రం

ఓం అస్య శ్రీ నటేశ సహస్రనామ స్తోత్ర మాలా మహా మంత్రస్య సదాశివ ఋషిః,
మహావిరాట్ ఛందః, శ్రీమన్నటేశో దేవతా,  బీజం, శక్తిః, కీలకం అంగన్యాస కరన్యాసౌచ
చింతామణి మంత్రవత్

ధ్యానం

ధ్యాయేత్కోటి రవిప్రభం త్రినయనం శీతాంశు గంగాధరం
దక్షాంఘ్రి స్థిత వామకుంచితపదం శార్దూల చర్మాంబరం
వహ్నిం డోలకరాభయం డమరుకం వామే శివాం శ్యామలాం
కల్హారం జపసృక్శుకం కటికరాం దేవీం సభేశం భజే

లం పృథివ్యాత్మకం ఇత్యాదినా పంచపూజా

శ్రీ శివ ఉవాచ:

శ్రీశివః శ్రీశివానాథః శ్రీమాన్ శ్రీపతిపూజితః
శివంకరః శివతరశ్శిష్టహృష్ట శ్శివాగమః                   1

అఖండానంద చిద్రూపః పరమానంద తాండవః
అపస్మృతిన్యస్తపాదః కృత్తివాసాః కృపాకరః          2

కాళీవాదప్రియః కాలః కాలాతీతః కళాధరః
కాల్నేతా కాలహంతా కాలచక్రప్రవర్తకః                 3

కాలఙ్ఞః కామదః కాంతః కామారిః కామపాలకః
కల్యాణమూర్తిః కల్యాణీరమణః కమలేక్షణః           4

కాలకంఠః కాలకాలః కాలకూటవిషాశనః
కృతఙ్ఞః కృతి సారఙ్ఞః కృశానుః కృష్ణ పింగళః      5

కరిచర్మాంబరధరః కపాలీ కలుషాపహః
కపాలమాలాభరణః కంకాలః కలినాశనః            6

కైలాసవాసీ కామేశః కవిః కపటవర్జితః
కమనీయః కళానాథశేఖరః కంబుకంధరః         7

కందర్పకోటి సదృశః కపర్దీ కమలాననః
కరాబ్జధృత కాలాగ్నిః కదంబకుసుమారుణః      8

కమనీయనిజానందముద్రాంచిత కరాంబుజః
స్ఫురడ్డమరునిధ్వాన నిర్జితాంభోధినిస్వనః       9

ఉద్దండతాండవశ్చండ ఊర్ధ్వ తాండవపండితః
సవ్య తాండవసంపన్నో మహాతాండవ వైభవః          10

బ్రహ్మాండకాండ విస్ఫోట మహా ప్రళయ తాండవః
మహోగ్రతాండవాభిఙ్ఞః పరిభ్రమణ తాండవః          11

నందినాట్యప్రియో నందీ నటేశో నటవేషభృత్
కాళికానాట్యరసికో నిశానటననిశ్చలః                         12

భృంగి నాట్య ప్రమాణఙ్ఞో భ్రమరాయితనాట్యకృత్
వియదాది జగత్స్రష్టా వివిధానందదాయకః               13

వికారరహితో విష్ణుర్విరాడీశో విరాణ్మయః
విరాడ్హృదయ పద్మస్థో విధిర్విశ్వాధికో విభుః              14

వీరభద్రో విశాలాక్షో విష్ణుబాణో విశాంపతిః
విద్యానిధిర్విరూపాక్షో విశ్వయోనిర్వృషధ్వజః           15

విరూపో విశ్వదిగ్వ్యాపీ వీతశోకో విరోచనః
వ్యోమకేశో వ్యోమమూర్తిర్వ్యోమాకారోవ్యయాకృతిః        16

వ్యాఘ్రపాదప్రియో వ్యాఘ్రచర్మధృత్ వ్యాధినాశనః
వ్యాకృతో వ్యాపృతో వ్యాపీ వ్యాప్య సాక్షీ విశారదః          17

వ్యామోహనాశనో వ్యాసో వ్యాఖ్యాముద్రాలసత్కరః
వరదో వామనో వంద్యో వరిష్ఠో వజ్రవర్మభృత్              18

వేదవేద్యో వేదరూపో వేదావేదాంతవిత్తమః
వేదార్థవిద్వేదయోనిః వేదాంగో వేదసంస్తుతః           19

వైకుంఠవల్లభో వర్ష్యో వైశ్వానరవిలోచనః
సమస్తభువనవ్యాపీ సమృద్ధస్సతతోదితః                20

సూక్ష్మాత్సూక్ష్మతరః సూర్యః సూక్ష్మస్థూలత్వవర్జితః
జహ్నుకన్యాధరో జన్మజరామృత్యు నివారకః           21

శూరసేనః శుభాకారః శుభ్రమూర్తిః శుచిస్మితః
అనర్ఘరత్న ఖచితకిరీటో నికటే స్థితః                        22

సుధారూపః సురాధ్యక్షః సుభ్రూః సుఖఘనః సుధీః
భద్రో భద్రప్రదో భద్రవాహనో భక్త వత్సలః               23

భగనేత్రహరో భర్గో భవఘ్నో భక్తిమన్నిధిః
అరుణః శరణః శర్వః శరణ్యః శర్మదః శివః               24

పవిత్రః పరమోదారః పరమాపన్నివారకః
సనాతనస్సమః సత్యః సత్య్వాదీ సమృద్ధిదః        25

ధన్వీ ధనాధిపో ధన్యో ధర్మగోప్తా ధరాధిపః
తరుణస్తారకస్తామ్ర స్తరిష్ణు స్తత్వబోధకః                26

రాజరాజేశ్వరో రమ్యో రాత్రించరవినాశనః
గహ్వరేష్ఠో గణాధీశో గణేశో గతివర్జితః                 27

పతంజలి ప్రాణనాథః పరాపరవివర్జితః
పరమాత్మా పరంజ్యోతిః పరమేష్ఠీ పరాత్పరః        28

నారసింహో నగాధ్యక్షో నాదాంతో నాదవర్జితః
నమదానందదో నమ్యో నగరాజనికేతనః              29

దైవ్యో భిషక్ప్రమాణఙ్ఞో బ్రహ్మణ్యో బ్రాహ్మణాత్మకః
కృతాకృతః కృశః కృష్ణః శాంతిదశ్శరభాకృతిః          30

బ్రహ్మవిద్యాపరో బ్రహ్మా బృహద్గర్భో బృహస్పతిః
సద్యో జాతస్సదారాధ్యః సామగస్సామసంస్తుతః      31

అద్యోరోద్భుతచారిత్ర ఆనందవపురగ్రణీః
సర్వవిద్యానామీశాన ఈశ్వరాణామధీశ్వరః             32

సర్వార్థః సర్వదా తుష్టః సర్వ శాస్త్రార్థసమ్మతః
సర్వఙ్ఞః సర్వదః స్థాణుః సర్వేశస్సమరప్రియః       33

జనార్దనో జగత్స్వామీ జన్మకర్మనివారకః
మోచకో మోహవిచ్ఛేత్తా మోదనీయో మహాప్రభుః    34

వ్యుప్తకేశో వివిశదో విష్వక్సేనో విశోధకః
సహస్రాక్షః సహస్రాంఘ్రిః సహస్రవదనాంబుజః    35

సహస్రాక్షార్చితః సమ్రాట్ సంధాతా సంపదాలయః
బభ్రుర్బహువిధాకారో బలప్రమథనో బలీ              36

మనోభర్తా మనోగమ్యో మననైకపరాయణః
ఉదాసీన ఉపద్రష్టా మౌనగమ్యో మునీశ్వరః         37

అమానీ మదనోమన్యురమానో మానదో మనుః
యశస్వీ యజమానాత్మా యఙ్ఞభుగ్యజనప్రియః    38

మీఢుష్టమో మృగధరో మృకండుతనయ ప్రియః
పురుహూతః పురద్వేషీ పురత్రయవిహారవాన్       39

పుణ్యః పుమాన్ పురిశయః పూషా పూర్ణః పురాతనః
శయనశ్శంతమః శాంతః శాసకః శ్శ్యామలాప్రియః    40

భావఙ్ఞో బంధవిచ్ఛేత్తా భావాతీతో భయంకరః
మనీషీ మనుజాధీశో మిథ్యాప్రత్యయ నాశనః      41

నిరంజనో నిత్యశుద్ధో నిత్యబుద్ధో నిరాశ్రయః
నిర్వికల్పో నిరాలంబో నిర్వికారో నిరామయః    42

నిరంకుశో నిరాధారో నిరపాయో నిరత్యయః
గుహాశయో గుణాతీతో గురుమూర్తిర్గుహప్రియః   43

ప్రమాణం ప్రణవః ప్రాఙ్ఞః ప్రాణదః ప్రాణనాయకః
సూత్రాత్మా సులభస్స్వచ్ఛః సూదరస్సుందరాననః  44

కపాలమాలాలంకారః కాలాంతక వపుర్ధరః
దురారాధ్యో దురాధర్షో దుష్టదూరో దురాసదః       45

దుర్విఙ్ఞేయో దురాచారనాశనో దుర్మదాంతకః
సర్వేశ్వరః సర్వసాక్షీ సర్వాత్మా సాక్షివర్జితః        46

సర్వద్వంద్వక్షయకరః సర్వాపద్వినివారకః
సర్వప్రియతమ స్సర్వదారిద్ర్యక్లేశ నాశనః      47

దష్టా దర్శయితా దాంతో దక్షిణామూర్తిరూపభృత్
దక్షాధ్వరహరో దక్షో దహరస్థో దయానిధిః          48

సమదృష్టిస్సత్యకామః సనకాదిమునిస్తుతః
పతిః పంచత్వనిర్ముక్తః పంచకృత్యపరాయణః  49

పంచయఙ్ఞప్రియః పంచాప్రాణాధిపతిరవ్యయః
పంచభూతప్రభుః పంచపూజాసంతుష్టమానసః  50

విఘ్నేశ్వరో విఘ్నహంతా శక్తిపాణిశ్శరోద్భవః
గూఢో గుహ్యతమో గోప్యో గోరక్షీ గణసేవితః        51

సువ్రతస్సత్యసంకల్పః స్వసంవేద్యస్సుఖావహః
యోగగమ్యో యోగనిష్ఠో యోగానందో యుధిష్ఠిరః   52

తత్వావబోధస్తత్వేశః తత్వభావస్తపోనిధిః
అక్షరస్త్రయక్షరస్త్రయక్షః పక్షపాత వివర్జితః       53

మణీభద్రార్చితో మాన్యో మాయావీ మాంత్రికో మహాన్
కుఠారభృత్కులాధీశః కుంచితైకపదాంబుజః     54

యక్షరాడ్యఙ్ఞఫలదో యఙ్ఞమూర్తిర్యశస్కరః
సిద్ధేశస్సిద్ధిజనకః సిద్ధాంతస్సిద్ధవైభవః             55

రవిమండలమధ్యస్థో రజోగుణవివర్జితః

వహ్నిమండలమధ్యస్థో వర్షీయాన్ వరుణేశ్వరః    56

సోమమండలమధ్యస్థః సోమస్సౌమ్యస్సుహృద్వరః
దక్షిణాగ్నిర్గార్హపత్యో దమనో దమనాంతకః          57

చతుర్వక్త్రశ్చక్రధరః పంచవక్త్రః పరంతపః
విశ్వస్యాయతనో వర్యో వందారుజనవత్సలః      58

గాయత్రీవల్లభో గార్గ్యో గాయకానుగ్రహోన్ముఖః
అనంతరూప ఏకాత్మా స్వస్తరుర్వ్యాహృతిస్స్వధా   59

స్వాహారూపో వసుమనాః వటుకః క్షేత్రపాలకః
శ్రావ్యశ్శత్రుహరశ్శూలీ శృతిస్మృతివిధాయకః     60

అప్రమేయో ప్రతిరథః ప్రద్యుమ్నః ప్రథమేశ్వరః
అనుత్తమోహ్యుదాసీనో ముక్తిదో ముదితాననః     61

ఊర్ధ్వరేతా ఊర్ధ్వపాదః ప్రౌఢనర్తనలంపటః
మహామాయో మహాగ్రాసో మహావీర్యో మహాభుజః     62

మహానందో మహాస్కందో మహేంద్రో మహసాన్నిధిః
భ్రాజిష్ణుర్భావనాగమ్యః భ్రాంతిఙ్ఞానవినాశనః        63

మహర్ధిర్మహిమాధారో మహాసేనగురుర్మహః
సర్వదృగ్సర్వభృత్సర్గః సర్వహృత్కోశసంస్థితః    64

దీర్ఘపింగజటాజూటో దీర్ఘబాహుర్దిగంబరః
సంయద్వామస్సంయమీంద్రః సంశయచ్ఛిత్సహస్రదృక్   65

హేతుదృష్టాంతనిర్ముక్తో హేతుర్హేరంబజన్మభూః
హేలావినిర్మితజగద్ధేమశ్మశ్రుర్హిరణ్మయః         66 

సకృత్విభాతస్సంవేత్తా సదసత్కోటివర్జితః
స్వాత్మస్థస్స్వాయుధః స్వామీ స్వానన్యస్స్వాంశితాఖిలః    67

రాతిర్దాతిశ్చతుష్పాదః స్వాత్మబంధహరస్స్వభూః
వశీ వరేణ్యో వితతో వజ్రభృద్వరుణాత్మజః              68

చైతన్యశ్చిచ్ఛిదద్వైతః చిన్మాత్రశ్చిత్సభాధిపః
భూమా భూతపతిర్భవ్యో భూర్భువో వ్యాహృతిప్రియః     69

వాచ్యవాచక నిర్ముక్తో వాగీశో వాగగోచరః
వేదాంతకృత్తుర్యపాదో వైద్యుతస్సుకృతోద్భవః        70

అశుభక్షయకృజ్జ్యోతిః అనాకాశో హ్యలేపకః
ఆప్తకామోనుమంతాత్మ కామోభిన్నోనణుర్హరః           71
 
అస్నేహస్సంగనిర్ముక్తోహ్రస్వోదీర్ఘో విశేషకః
స్వచ్ఛందస్స్వచ్ఛసంవిత్తిరన్వేష్టవ్యో శృతోమృతః  72

అపరోక్షోవ్రణోలింగో విద్వేష్టా ప్రేమసాగరః
ఙ్ఞానలింగో గతిర్ఙ్ఞానీ ఙ్ఞానగమ్యోవభాసకః            73

శుద్ధస్ఫటికసంకాశః శృతిప్రస్తుత వైభవః
హిరణ్యబాహుస్సేనానీః హరికేశో దిశాంపతిః       74

సస్పింజరః పశుపతిః త్విషీమానధ్వనాం పతిః
బభ్లుశో భగవాన్భవ్యో వివ్యాధీ విగతజ్వరః           75

అన్నానాం పతిరత్యుగ్నో హరికేశోద్వయాకృతిః
పుష్టానాం పతిరవ్యగ్రో భవహేతుర్జగత్పతిః         76

ఆతతావీ మహారుద్రః క్షేత్రాణామధిపోక్షయః
సూతస్సదస్పతిస్సూరిరహంత్యో వనపో వరః   77

రోహితస్థ్సపతిర్వృక్షపతిర్మంత్రీ చ వాణిజః
కక్షపశ్చ భువంతిశ్చ భవాఖ్యో వారివస్కృతిః    78

ఓషధీశస్సతామీశః ఉచ్చైర్ఘోషో విభీషణః
పత్తీనామధిపః కృత్స్నవీతో ధావన్స సత్వపః   79

సహమానస్సత్యధర్మా నివ్యాధీ నియమో యమః
అవ్యాధిపతిరాదిత్యః కకుభః కాలకోవిదః         80

నిషంగీషుధిమానింద్రః తస్కరాణామధీశ్వరః
నిచేరుకః పరిచరోరణ్యానాం పతిరద్భుతః      81

సృకావీ మృష్ణతాం నాథః పంచాశద్వర్ణరూపభృత్
నక్తంచరః ప్రకృంతానాం పతిర్గిరిచరో గురుః     82

కులుంచానాం పతిః కూప్యో ధన్వావీ ధనదాధిపః
ఆతన్వానశ్శతానందః గృత్సో గృత్సపతిస్సురః     83

వ్రాతో వ్రాతపతిర్విప్రో వరీయాన్ క్షుల్లకః క్షమీ
బిల్మీ వరూథీ దుందుభ్య ఆహనన్యః ప్రమర్శకః     84

ధృష్ణుర్దూతస్తీక్ష్ణదంష్ట్రః సుధన్వా సులభస్సుఖీ
స్రుత్యః పత్యః స్వతంత్రస్థః కాట్యో నీప్యః కరోటిభృత్    85

సూద్యస్సరస్యో వైశంతో నాద్యోవట్యః ప్రవర్షకః
విద్యుత్యో విశదో మేధ్యో రేష్మియో వాస్తుపో వసుః       86

అగ్రేవధోగ్రే సంపూజ్యో హంతా తారో మయోభవః
మయస్కరో మహాతీర్థ్యః కూల్యః పార్యః పదాత్మకః    87

శంగః ప్రతరణోవార్యః ఫేన్యః శష్ప్యః ప్రవాహజః
మునిరాతార్య ఆలాద్య సికత్యశ్చాథ కింశలః           88

పులస్త్యః క్షయణో గృధ్యో గోష్ఠయో గోపరిపాలకః
శుష్క్యో హరిత్యో లోప్యశ్చ సూర్మ్యః పర్ణ్యోణిమాదిభూః  89

పర్ణశద్యః ప్రత్యగాత్మా ప్రసన్నః పరమోన్నతః
శీఘ్రయశ్శీభ్య ఆనంద క్షయద్వీరః శరోక్షరః         90

పాశీ పాతకసంహర్తా తీక్ష్ణేషుస్తిమిరాపహః
వరాభయప్రదో బ్రహ్మపృచ్ఛో బ్రహ్మవిదాం వరః   91

బ్రహ్మవిద్యాగురుర్గుహ్యో గుహ్యకైస్సమభిష్టుతః
కృతాంతకృత్క్రియాధారః కృతీ కృపణరక్షకః       92

నైష్కర్మ్యదో నవరసః తిస్థస్త్రిపురభైరవః
త్రిమాత్రకస్త్రివృద్రూప తృతీయస్త్రిగుణాతిగః      93

త్రిధామా త్రిజగద్ధేతుః త్రికర్తా తిర్యగూర్ధ్వగః
ప్రపంచోపశమో నామరూపద్వయవివర్జితః          94

ప్రకృతీశః ప్రతిష్ఠాతా ప్రభవః ప్రమథః ప్రథీ
సునిశ్చితార్థో రాద్ధాంతః తత్వమర్థస్తపోమయః     95

హితః ప్రమాతా ప్రాగ్వర్తీ సర్వోపనిషదాశయః
విశృంఖలో వియద్ధేతుః విషమో విద్రుమప్రభః     96

అఖండబోధోఖండాత్మా ఘంటామండల మండితః
అనంతశక్తిరాచార్యః పుష్కలస్సర్వపూరణః         97

పురజిత్పూర్వజః పుష్పహాసః పుణ్యఫలప్రదః
ధ్యానగమ్యో ధ్యాతృరూపో ధ్యేయో ధర్మవిదాం వరః    98

అవశః స్వవశః స్థాణురంతర్యామీ శతక్రతుః
కూఠస్థః కూర్మపీఠస్థః కూష్మాండగ్రహమోచకః     99

కూలంకషః కృపాసింధుః కుశలీ కుంకుమేశ్వరః
గదాధరో గణస్వామీ గరిష్టస్తోమరాయుధః              100

జవనో జగదాధారో జమదగ్నిర్జరాహరః
జటాధరోమృతాధారో మృతాంశురమృతోద్భవః   101

విద్వత్తమో విదూరస్థో విశ్రమో వేదనామయః
చతుర్భుజశ్శతతనుః శమితాఖిలకౌతుకః           102

వౌషట్కారో వషట్కారో హుంకారః ఫట్కరః పటుః
బ్రహ్మిష్ఠో బ్రహ్మసూత్రార్థో బ్రహ్మఙ్ఞో బ్రహ్మచేతనః  103

గాయకో గరుడారుఢో గజాసురవిమర్దనః
గర్వితో గగనావాసో గ్రంథిత్రయవిభేదనః          104

భూతముక్తావలీతంతుః భూతపూర్వో భుజంగభృత్
అతర్క్యస్సుకరః సూరః సత్తామాత్రస్సదాశివః     105

శక్తిపాతకరశ్శక్తః శాశ్వతశ్శ్రేయసాం నిధిః
అజీర్ణస్సుకుమారోన్యః పారదర్శీ పురందరః        106

అనావరణ విఙ్ఞానో నిర్విభాగో విభావసుః
విఙ్ఞానమాత్రో విరజాః విరామో విబుధాశ్రయః      107

విదగ్ధముగ్ధవేషాఢ్యో విశ్వాతీతో విశోకదః
మాయానాట్య వినోదఙ్ఞో మాయానటనశిక్షకః        108

మాయానాటకకృన్మాయీ మాయాయంత్రవిమోచకః
వృద్ధిక్షయవినిర్ముక్తో విద్యోతో విశ్వవంచకః         109

కలాత్మా కాళికానాథః కార్కోటకవిభూషణః
షడూర్మిరహిత స్తవ్యః షడ్గుణైశ్వర్యదాయకః      110

షడాధారగతః సాంఖ్యః షడక్షరసమాశ్రయః
అనిర్దేశ్యోనిలోగమ్యో విక్రియోమోఘ వైభవః       111

హేయాదేయవినిర్ముక్తో హేలాకలితతాండవః
అపర్యంతోపరిచ్ఛేద్యోగోచరో రుగ్విమోచకః       112

నిరంశో నిగమానందో నిరానందో నిదానభూః
ఆదిభూతో మహాభూతః స్వేచ్ఛాకలిత విగ్రహః  113

నిస్పందః ప్రత్యగానందో నిర్నిమేషో నిరంతరః
ప్రబుద్ధః పరమోదారః పరమానంద సాగరః      114

సంవత్సరః కలాపూర్ణః సురాసురనమస్కృతః
నిర్వాణదో నిర్వృతిస్థో నిర్వైరో నిరుపాధికః      115

ఆభాస్వరః పరం తత్వమాదిమః పేశలః పవిః
సంశాంతసర్వసంకల్పః సంశదీశస్సదోదితః   116

భావాభావవినిర్ముక్తో భారూపో భావితో భరః
సర్వాతీతస్సారతరః సాంబస్సారస్వతప్రదః   117

సర్వకృత్సర్వభృత్సర్వమయస్సత్వావలంబకః
కేవలః కేశవః కేలీకరః కేవలనాయకః                 118

ఇచ్ఛానిచ్ఛావిరహితో విహారీ వీర్యవర్ధనః
విజిఘత్సో విగతభీః విపిపాసో విభావనః           119

విశ్రంతిభూర్వివసనో విఘ్నహర్తా విశోధకః
వీరప్రియో వీతభయో వింధ్యదర్పవినాశనః    120

వేతాలనటనప్రీతో వేతండత్వక్కృతాంబరః
వేలాతిలంఘి కరుణో విలాసీ విక్రమోన్నతః    121

వైరాగ్యశేవధిర్విశ్వభోక్తా సర్వోర్ధ్వసంస్థితః
మహాకర్తా మహాభోక్తా మహాసంవిన్మయో మధుః   122

మనోవచోభిరగ్రాహ్యో మహాబిలకృతాలయః
అనహంకృతిరచ్ఛేద్యః స్వానందైకఘనాకృతిః     123

సంవర్తాగ్న్యుదరస్సర్వాంతరస్థస్సర్వదుర్గ్రహః
సంపన్నస్సంక్రమస్సత్రీ సంధాతా సకలోర్జితః     124

సంప్రవృద్ధస్సన్నికృష్టః సంవిమృష్టస్సమగ్రదృక్ 
సంయమస్థః సంహృతిస్థః సంప్రవిష్టస్సముత్సుకః   125

సంప్రహృష్టస్సన్నివిష్టః సంపృష్టస్సంప్రమర్దనః
సూత్రభూతస్స్వప్రకాశః సమశీలస్సదాదయః            126

సత్వసంస్థస్సుషుప్తిస్థః సుతల్పస్సత్స్వరూపగః
సంకల్పోల్లాసనిర్ముక్తః సమనీరాగచేతనః                   127

ఆదిత్యవర్ణస్సంజ్యోతిః సమ్యగ్దర్శనతత్పరః
మహాతాత్పర్యనిలయః ప్రత్యగ్బ్రహ్మైక్యనిశ్చయః     128

ప్రపంచోల్లాసనిర్ముక్తః ప్రత్యక్షః ప్రతిభాత్మకః
ప్రవేగః ప్రమదార్ధాంగః ప్రనర్తనపరాయణః               129

యోగయోనిర్యథాభూతో యక్షగంధర్వవందితః
జటిలశ్చటులాపాంగో మహానటనలంపటః              130

పాటలాంశుః పటుతరః పారిజాతద్రుమూలగః
పాపాటవీబృహద్భానుః భానుమత్కోటికోటిభిః         131

కోటికందర్పసౌభాగ్య సుందరో మధురస్మితః
లాస్యామృతాబ్ధిలహరీ పూర్ణేందుః పుణ్యగోచరః        132 

రుద్రాక్షస్రఞ్మయాకల్పః కల్హారకిరణద్యుతిః
అమూల్యమణిసంభాస్వత్ఫణీంద్రకరకంకణః       133

చిచ్ఛక్తిలోచనానందకందలః కుందపాండురః
అగమ్యమహిమాంభోధి రనౌపమ్యయశోనిధిః        134

చిదానందనటాధీశః చిత్కేవలవపుర్ధరః
చిదేకరససంపూర్ణః శ్రీశివః శ్రీమహేశ్వరః              135

                                         ఇతి శ్రీ నటేశ సహస్ర నామ స్తోత్రం సంపూర్ణం
 
 

 









   
 

కుంచితాంఘ్రి స్తవం-3

ద్రష్టుం నైవాద్య విష్ణో భవతి చ సమయో వేదవాక్యార్థబోధే
బ్రహ్మన్కాలో న చైషో హరిముఖవిబుధా గచ్ఛతాన్యత్ర యూయం
ఆస్తాం వీణామునే సోప్యుపదిశతి పరం బ్రహ్మ తత్వం మునీనాం
ఇత్యుక్త్వా తాన్యదుక్త్యా త్వరయతి గణరాట్ కుంచితాంఘ్రిం భజేహం    201

యద్వర్షం మానుషాణాం తదపి చ దివసం దేవతానాం ప్రసిద్ధం
ప్రోక్తం తచ్చాపకుంభ ప్రథమయుగహరిస్త్రీషు మాసేషు షట్‌సు
ఆసన్ యన్నృత్తమూర్తేరుదయముఖవరాభ్యర్చానాస్తే తమింద్రా
ద్యష్టాశాపాలపూర్వాఖిల సురవినుతం కుంచితాంఘ్రిం భజేహం        202

యస్యేషస్యాంశభూతాశ్శరభ వటుకరాడ్వీరభద్రాదిదేవాః
కల్పే కల్పేంబుజాక్షద్రుహిణముఖధృత క్రూర సత్వోగ్ర కృత్యం
నిఘ్నంతస్సార్వకాలం జగదపి సకలం పాలయంతోంతరంగే
ధ్యాయంతోయం జయంతి ప్రసృమరమహసం కుంచితాంఘ్రిం భజేహం   203

కుప్యత్తాతోక్తిభంగ్యా విపినమధిగమన్ విప్రగోసంగరక్షాం
కుర్వస్తత్రైవ దిష్ట్యా సరసిచ విహృతిం తన్వతీనాం సురీణాం
గాయంతీనాం మనాంసి స్వవశమపి నయన్ యత్పదధ్యానయోగాత్
రేజే కశ్చిన్నరేంద్రో జితరిపునికరః కుంచితాంఘ్రిం భజేహం           204

సౌవర్ణశ్మశ్రుకాంత్యా కపిశకుముదినీనాథబింబం విజేతుం
నాసాలోలంబభూషా మణిరుచిభిరివ ప్రోన్నటద్దివ్యసింధుం
మూర్ధ్నా బిభ్రాణమచ్ఛచ్ఛవిముఖకమలామోదపుష్పంధయాక్షం
నానావిద్యాంకురాభ ద్విజగణలసితం కుంచితాంఘ్రిం భజేహం     205

జ్వాలామాలాంతరాల ప్రవిలసదమలస్వాంగలోలంబ చేలా
మూలాలగ్నాలిశిల్పోల్లలితకటిరటత్కింకిణీ జాలభూషం
నైలీహాలాహలాభాకబలిత జలముక్తార కోలాహలోద్యత్
కేళీమాయూరలాస్యప్రముదితలలనం కుంచితాంఘ్రిం భజేహం    206

యో యస్య ఙ్ఞానశక్తిం దహరకుహరిణీం శ్రిమహాషోడశార్ణం
విద్యాం శ్రీనాథ వీరైః గురుభిరపి నుతాం యోగినీదూతి సేవ్యాం
ఆత్మాభిన్నాం శివాం తాం హృది పరిచినుతే స స్వయం నిర్వికల్పో
భూత్వా యోగీంద్రపూజ్యో భవతి తమగుణం కుంచితాంఘ్రిం భజేహం  207

యచ్ఛంభోర్నృత్తరంగం పితృభువనమభూత్కాలకూటం చ భిక్షా
భూషా నాగా విభూతిర్మలయభవరజో బ్రహ్మ శీర్షం కపాలం
అద్రిః శయ్యా చ వస్త్రం త్వగపి సహకృతా భూతభేతాలవర్గాః
వాహశ్చోక్షాపతిస్తం ధృతహరి విశిఖం కుంచితాంఘ్రిం భజేహం       208

వాశిష్ఠ బ్రహ్మదండ ప్రముషితసుధనుర్బాణసేనా సమూహో
బ్రాహ్మణ్యప్రాప్తికామో రచితవరతపాః కౌశికః క్షత్రవర్యః
తుష్టస్వాయంభువాస్య ప్రభవితసవితృఖ్యాత్ యచ్ఛక్తి విద్యా
ప్రాప్తస్వేష్టానుభావో భువి జయతితరాం కుంచితాంఘ్రిం భజేహం   209

యాతాయాతాదిహీనం యమనియమపరప్రార్థిత బ్రహ్మ తత్వం
యఙ్ఞం యఙ్ఞాగ్నిరూపం యజనకరబుధైరీడ్యమానం త్రిసంధ్యం
యాథార్థాకారలీనాఖిల భువనమజం యామినీశానచూడం
యాంచాకాపట్యహీనం యతివరవినుతం కుంచితాంఘ్రిం భజేహం  210     

విశ్వేశం విశ్వవంద్యం వివిధభయహరం విశ్వరూపం వృషాంకం
విష్ణుం వింధ్యారికాంతాముఖరమునిసతీ పూజితాంఘ్రిం విరాగిం
విద్యా విశ్రాంతిభూమిం విధుధరమకుటం వ్యాప్తకేశం వినాశా
స్థిత్యుత్పత్యాదిహేతుం వికృతిమవికృతిం కుంచితాంఘ్రిం భజేహం   211

కేల్యామౌత్సుక్యభాజా తుహినగిరిజయా సంస్పృహం దత్తవీటీ
సేవారక్తాధరోష్ఠద్యుతిజితదినకృద్వాలబింబాంశు చక్రం
గీతిప్రావీణ్యశైలీ ప్రకటనకుతుకాత్ హస్తవాస్తవ్యలోలాం
వీణాం సంవాదయంతం ప్రమథరసమయం కుంచితాంఘ్రిం భజేహం  212

అశ్వత్థామాకృపార్యో బలిరపి హనుమాన్ కుంభకర్ణానుజాతో
వ్యాసర్షిర్జామదగ్న్యో ప్యధిగత యశసస్సప్త ధీరా మహాంతః
యత్పాదాబ్జార్చయాపుర్జనిమదసులభం శ్రిచిరంజీవి భావం
తం కృష్ణశ్వేతరక్తద్యుతిమతి కరుణం కుంచితాంఘ్రిం భజేహం      213

జాయాదానప్రకుప్యత్స్వజనకృతరణావేశకాలే ప్రసన్నం
యం దృష్ట్వా నేత్రవారిస్రపితతనులతా భోగసాతంగకంపః
యస్యాంఘ్రిధ్యానభానుప్రకటిత విభవో వైశ్యజో భక్తవర్యో
ప్యధ్యారూఢో వృషేంద్రం రజతగిరిమగాత్ కుంచితాంఘ్రిం భజేహం    214

త్యక్తస్వస్వాధికారాస్సరసిజనయనాశ్చాగతం దేవసౌఖ్య
ప్రాప్త్యై గోవిందముక్త్వా కుశలమపి కరాశ్లేషపూర్వం ప్రమోదాత్
వత్స త్వం బ్రహ్మతత్వం హృది నవికలయన్ప్రార్థ్యసేదుఃఖహేతుం
కర్మేత్యుద్బోధయంతో యమపి గిరివరే కుంచితంఘ్రిం భజేహం        215

భో భో బ్రహ్మర్షిముగ్ధాః సదయమపి మయా శిక్షితాశ్చాప్యజస్రం
వేదాంతే తత్వబోధే న భవత విబుధా యత్తతోద్యాపి యూయం
మేధా ప్రాప్త్యై సభేశం వ్రజత శరణమిత్యాదరాద్బోధయిత్వా
ధాతా యత్క్షేత్రరాజం మునిగణమనయత్కుంచితాంఘ్రిం భజేహం    216

గీర్వాణాద్రిం కదాచిద్విపులరదనయోరంతరే స్వర్ణరంభా
భ్రాంత్యా సంధార్య వేగాద్రజతగిరివరే క్రీడయంతం గణేశం
దృష్ట్వా ప్రేమ్ణాద్రిజాతా యమపిచ తరసాహూయ నిర్దిశ్య సూనోః
వృత్తం తుష్టా భవత్తం దివిషదధిపతిం కుంచితాంఘ్రిం భజేహం      217

సోత్సాహం వీరబాహుప్రముఖ సఖియుతో దోర్భిరద్భిం షడాస్యః
తీర్త్వా పూర్వక్షమాభృచ్ఛిఖరమధిజుషం బాలమార్తాండ బింబం
చోలీమానీయమానో ధురి చ విరచయన్సైంహికేయస్య లీలాం
యద్వాచా సంవ్యధాత్తం నభసి చ పరమం కుంచితాంఘ్రిం భజేహం    218

సద్వ్యోమ వ్యాపితారప్రవలయ విలసద్ ఙ్ఞాన వాంఛాక్రియాది
శ్రీమచ్చిచ్ఛక్తి విద్యాహృత విపులతమో రాజసం సద్భృకుంసం
గాఢావిద్యాకవాటోన్నయనశమముఖద్వారపాలాభిగోప్యన్
మోక్షద్వారాంతరంగోపనిషదుపచితం కుంచితాంఘ్రిం భజేహం       219

ఆవిః స్మేరాననస్య ద్యుతిభిరభినవైః పాణిపద్మాంతరాల
ప్రోద్యత్కాంతి ప్రరోహై ర్నభసి చ రచయన్ జాలమహ్నాం పతీనాం
నవ్యామంభోద మాలామధిధరణిరుచా పార్శ్వగాయా శ్శివాయాః
చిత్రం యో నానటీతి భ్రమర నటనకృత్కుంచితాంఘ్రిం భజేహం      220

అచ్ఛామచ్ఛిన్నధారామమృత కరరుచేర్వర్షయన్ లబ్ధకామాం
దీనామత్యంతఖిన్నాం రతిమపి ముదితాం సంఖ్యధాదీశ్వరో యః
యద్రంగాఖండలాశామధిగతపరమానందకూపాంబుపానాత్
వాచాలత్వం ప్రపన్నాస్సురగురుముఖరాః కుంచితాంఘ్రిం భజేహం    221

ఓంకారస్వర్ణ సంసత్ప్రసృతపరశివజ్యోతిరానందనృత్తా
లోకాదుత్తీర్ణముగ్రం భవమతివిపులం వార్ధికల్పం మునీంద్రైః
ఊహాపోహాదిహీన స్వతనుగతజగద్ బృందమధ్యాత్మవిద్యా
బోధాచార్యం పురాణం ప్రశమితతమసం కుంచితాంఘ్రిం భజేహం      222

దక్షాద్వామాచ్చ పృష్ఠాత్ ద్రుహిణహరిహరాన్ సర్వసంపత్సమృద్ధాన్
కల్పారంభేయ ఈశోప్యనితరసులభస్వేచ్ఛయా సప్రమోదం
సృష్ట్వాం సంసృష్టిరక్షాలయకరణవిధౌ యోజయిత్వాతు వాణీ
లక్ష్మీగౌరీతి శక్తిత్రయమపి చ దదౌ కుంచితాంఘ్రిం భజేహం            223

కాచిన్నాలాయనీతి ప్రథితమునిసతీ భర్తురిష్టానుకూలా
మాండవ్యప్రోక్తశాపజ్వలనశమనకృద్దుర్దినశ్రీవిలాసా
యన్మంత్రధ్యానయోగాదనితరసులభాన్ పంచ కాంతాన్ నరేంద్రాన్
లేభే జన్మాదిహీనం శివపదామపి తం కుంచితాంఘ్రిం భజేహం        224

సింహస్కంధాధిరూఢం సితవసనధరం సింధుసంబద్ధశీర్షం
సించన్మాధ్వీమధూకప్రముఖసుమగణోద్దామభూషామనోఙ్ఞం
సిద్ధాదిత్యాహి విద్యాధర పితృ దివిషద్దైత్యగంధర్వ యక్షో
రక్షోయోగీంద్ర సాధ్యాఖిల జనవినుతం కుంచితాంఘ్రిం భజేహం     225

ప్రత్యాహారాదియోగైర్హృదయకమలతో బ్రహ్మరంధ్రం స్వకీయం
ప్రాణానానీయ దివ్యం గణమపి శరదాం వాహయంతో మహాంతః
యోగీంద్రాస్సిద్ధవిద్యౌషధిమణి గులికాసేవయా వజ్రదేహాః
స్వాత్మానం యం భజంతి జ్వలనవరదృశం కుంచితాంఘ్రిం భజేహం     226

సానావస్మిన్కిమర్థం వసత సురవరా గచ్ఛతాద్యాఖిలేశ
క్షేత్రాధారం ధరాయా హృదయకమలగం పుండరీకాభిధానం
క్షేత్రం తత్రైవ దేవో దశశతకలయా రాజనీతి ప్రియోక్త్యా
నందీ యద్దర్శనార్థం త్వరయతి చ గిరేః కుంచితాంఘ్రిం భజేహం     227

సృష్ట్యర్థం బ్రహ్మణా యస్త్సుతనిజవిభవస్తస్య లాలాటదేశాత్
ఆవిర్భూయ స్వతంత్రో వికృతతనువరాన్ రుద్రవర్గాన్ గణేంద్రాన్
సృష్ట్వా తాన్ప్రేరయిత్వా జగదవనవిధౌ సర్వదాసత్వసంస్థో
రక్షద్విశ్వాధికం తం నతజనసుఖదం కుంచితాంఘ్రిం భజేహం     228

వాచాం కేలిష్వమందం దితిజదివిషదోర్ముష్టిముష్టీరణోబ్ధేః
తీరే జాతే సుధాఢ్యం ఘటమపికలయన్హస్తకోణే మురారిః
సమ్మోహ్యాద్యాన్ ద్వితీయానరచయదమృతాన్ కామినీ కామినీనాం
భూత్వా యశ్శూలపాణే రనవధిదయయా కుంచితాంఘ్రిం భజేహం    229

పద్మే మాస్త్వద్య లీలాఫణిపతిశయనం వైనతేయోపి నాలం
భూమి త్వం శీఘ్రమాయాహ్యహమపి నటతే తిల్లవన్యాం పురారేః
హస్తాభ్యాం వాదయిష్యామ్యహహచటుతరం మద్దలం చేత్యుదీర్య
ప్రాయాద్యద్రంగమాదౌ హరిరపి తమజం కుంచితాంఘ్రిం భజేహం      230

పశ్యేదం స్వర్ణశృంగం మమ సదనవరం గౌరికేదారసంఙ్ఞం
కాశీం కాంచీపురీమప్యరుణగిరివరం శ్వేతకాంతారదేశ్యం
వేదారణ్యం చ సేతుం ముహురపి వృషభం యోధితిష్ఠన్ ప్రియాయై
నిర్దిశ్యాప్నోతి నైజం నిలయమనుదినం కుంచితాంఘ్రిం భజేహం         231

స్వామిన్ భిక్షో భవేద్వా క్వ ను తవ నగరే పర్వతే వా వనేవా
వాసః కస్మాదిహ త్వం చరసి వద విభో కుత్ర గంతాసి భిక్షాం
కుర్వన్నత్రైవ తిష్ఠన్ విరచయతు భవాన్ కేలిమస్మాభిరేవం
స్త్రైణం యం చాభ్యధావద్వనభువి వివశం కుంచితాంఘ్రిం భజేహం   232

వామా వామాంగభాగో నయనమపి జటాః కుండలౌ యఙ్ఞ సూత్రం
వాహో బాణశ్చా చాపధ్వజరథతురగా యస్య జాతా విచిత్రం
సూతశ్చాపి స్ఫులింగై ర్నిటిలనయనజైర్దాహయిత్వాండజాలం
కల్పే కల్పే పునర్యస్సృజతితదఖిలం కుంచితాంఘ్రిం భజేహం     233

పాదాంగుష్ఠస్య యస్య ద్యుతికవచితదిక్వక్రవాలాంతరాలే
బ్రహ్మా హంసం మురారిః కలశజలనిధిం దేవరాజో గజేంద్రం
స్వం ఛత్రం వాజపేయీ దినకరశశినౌ సైంహికేయశ్చ శుక్లం
వర్ణ శిల్పీ నితాంతం మృగయతి సతతం కుంచితాంఘ్రిం భజేహం    234

ఙ్ఞానేచ్ఛాభ్యాం సఖిభ్యాం సహ రహసి ముదా నక్తమశ్రాంతలీలో
భూత్వా ప్రాతస్సభాయామహి కిము భవతస్సాహసం నందనీయం
యాతు స్వర్గాపగాయా నికటతటమయం నార్థనీయో జనశ్చే
త్యుక్త్వా సాచీకృతామన్వనయదగసుతాం కుంచితాంఘ్రిం భజేహం    235

కల్పాంతే వృద్ధిభాజాం కబలితజగతాం సప్తవారాన్నిధీనాం
మధ్యే పాలాశశాయీ హరిరిహ పురుషో నాస్తి మత్తోపరోన్యః
ఏవం దర్పావలీఢో ప్యనుపదముదితం శూలినం భైరవం యం
దృష్ట్వా భీత్యా ననామ స్తుతిభిరభినవైః కుంచితాంఘ్రిం భజేహం      236

యత్సంహారాస్త్ర వేగం ముహురపి హృదయే తర్కయన్నంబరాంతే
ప్రాణత్రాణాయ యత్రం దశరథనృపతేర్యుద్ధరంగే ప్రకుర్వన్
రోహిణ్యాకార చక్రానుగతిమపి జహౌ సౌరిరర్కాత్మజాతః
తం దేవం రాహుకేతు గ్రహముఖవినుతం కుంచితాంఘ్రిం భజేహం     237

ఇందుర్యత్క్షేత్రసేవా సమసమయవలత్తిల్వవృక్షానిలానాం
స్పర్శాదున్మృష్టవర్ష్మా సురగురుయువతీసంగజైః పాపరోగైః
యద్వక్త్రాలోకనేన స్వతనుపరిగలచ్చంద్రికాసారసిక్తాన్
సర్వాన్లోకానకార్షీత్శమనమదహరం కుంచితాంఘ్రిం భజేహం       238

కాలిందీవీచిజాలైర్భువనమహిపతేర్నీతమానందభాజం
కాంతం సీమంతినీతి క్షితిపతితనయా కాచిదౌపాసనైస్తైః
సౌమ్యైరుద్దామకల్పైః ప్రముదితమనసో యస్య శంభోః ప్రసాదాత్
ప్రాపావైధవ్యయౌగం సుఖమపి నిఖిలం కుంచితాంఘ్రిం భజేహం      239

విష్ణౌ నిర్జ్వాలచక్రే భ్రమితహృది విధౌ భాస్కరే దంతహీనే
శక్రే నిర్భిన్నగండే హుతభుజి విశిఖే త్యక్తజీవేఖిలేన్యే
ఛిత్వా దక్షోత్తమాంగం మఖభువి సగణం వీరభద్రం చరంతం
దృష్ట్వా యో తోషయత్తం ప్రముదిత హృదయం కుంచితాంఘ్రిం భజేహం    240

సావిత్రీతి ప్రసిద్ధా నరపతితనుజా కాననాంతః స్వభర్తుః
ప్రాణానాహర్తుకామం సభటమపి యమం యస్య పూజా ప్రభావాత్
సమ్మోహ్యానమ్య తస్మాత్పతిమపి తనయాన్ రాజ్యమన్యాః సమృద్ధీః
లేభే తం కాలకాలం కటితటఫణినం కుంచితాంఘ్రిం భజేహం       241

బ్రహ్మైవాహం శివోహం విభురహమమలశ్చిద్ధనోహం విమాయః
సోహం హంసస్స్వతంత్రస్తదహమతిజరః ప్రఙ్ఞయా కేవలోహం
ధ్యేయధ్యాతృ ప్రమాణైః గలితమతిరహం నిశ్చలోహం సదేతి
ప్రాఙ్ఞా యచ్చిత్సభాయాం అతిశయమభజన్కుంచితాంఘ్రిం భజేహం       242

కాంతారే జాతు కృష్ణో ద్విజరవిమణిహృద్భల్లబందీకృతాయాః
సౌందర్యాన్నిర్జితాయాస్సురవరయువతీం జాంబవత్యాః ప్రియాయాః
పాణిం జగ్రాహ యస్య ప్రతిదినయజనాత్కీర్తిమాశా విహారాం
లేభే తం సర్వ విద్యాలయకరనటనం కుంచితాంఘ్రిం భజేహం       243

మాలాదిగ్బంధ పూజాకవచవరమహాయంత్ర విద్యారహస్య
శ్రీమత్సాహస్రనామస్తవపరివిలసద్యన్నవాంగాని పూర్వం
సూతశ్రీజైమినిభ్యాం రహసి సకరుణం ప్రోక్తవాన్దీక్షయిత్వా
పారాశర్యో మహర్షిః శృతివిభజనకృత్కుంచితాంఘ్రిం భజేహం     244

సద్యోజాతాదిమానాం వదానజలభువాం పంచాకాద్యస్య జాతాన్
మంత్రాంస్త్రైలోక్యవశ్య ప్రముఖవర మహాసిద్ధిదాన్సప్తకోటీన్
శృత్వా గౌరీ యదుక్త్యా జగదుపకృతయే సప్రయోగాన్సకల్పాన్
తాన్లోకానానినాయ స్వయమతులకృతిం కుంచితాంఘ్రిం భజేహం     245

అద్రాక్షీన్నందికేశః కనకసదసి యం హ్యర్ధనారీస్వరూపం
పశ్చాన్నారాయణార్ధం పునరపిగిరిజా రూపమాకారహీనం
తారం తన్మండలాంతర్జ్వలనమనుపమం సచ్చిదానందమూర్తిం
నృత్తేశానం ముహూర్తం తమపరసుగమం కుంచితాంఘ్రిం భజేహం    246

పార్వత్యుత్సంగదేశ స్థితిమధిజుషతోః స్కందాహేరంబయోస్తా
వాహూయాద్యాఖిలాండాన్ఝటితి చ యువయోః కస్సమర్థోటనే సః
స్వీకుర్యాదేతదామ్రం ఫలమితి నిగదన్నగ్రతో యస్తదీయం
వృత్తం దృష్ట్వా ముమోద క్షితిధరశిఖరే కుంచితాంఘ్రిం భజేహం     247

నానాజీవాత్మవాది ప్రకటితకునయాభాసయుక్త్యాద్రిపక్ష
ద్వంద్వచ్ఛేదానుధావడ్డమరుకముఖరఙ్ఞాత సత్యార్థలోకం
వాంఛాకల్పద్రుకల్ప ప్రపదయుగనత బ్రహ్మనిష్ఠావలిం తం
చిన్మాత్రం చిత్సభేశం నిరతిశయగుణం కుంచితాంఘ్రిం భజేహం    248

విష్ణోశ్చక్రాపహర్తుః ప్రథితబలజుషో భూతచక్రాధిపస్య
క్షుత్తృట్దుఃఖప్రశాంతిప్రదనిజచరితస్తబ్ధ పాండ్యాత్మజాతం
శ్వశౄవాంఛాభిపూర్త్యై నిజధురి చ ముదానీతసప్తాంబురాశిం
భక్తస్త్రీపక్వపిష్టాశన రుచిముదితం కుంచితాంఘ్రిం భజేహం       249

అత్రేః కాంతానసూయా నిఖిలజననుతా యం సమభ్యర్చ్య పుత్రం
దత్తాత్రేయాభిధానం త్రిముఖమపి చతుర్బాహుమద్వైతవృత్తిం
శృత్యంతోద్దామలీలం సకలమునితతేరగ్రగణ్యం మహాంతం
లేభే తం స్వాత్మబుద్ధత్రిభువనచరితం కుంచితాంఘ్రిం భజేహం    250

కల్పారంభే యదీయాద్వరగలవివరాదో అయేతి  ద్విశబ్దౌ
సిద్ధాంతార్థ ప్రబోద్ధృప్రవరశివకరావావిరాస్తాం పురస్తాత్
పశ్చాద్వేదాది విద్యావిధిహరిముఖరా దేవతాస్సర్వలోకాః
జాతాస్తం దక్షిణాస్యం ద్యుతికరనిలయం కుంచితాంఘ్రిం భజేహం   251

సంకల్పోల్లాసహీనం సరిగమపధనీ సప్తవర్ణానువర్ణ
ప్రారంభోద్గానలోలాఖిల సురయువతీ బృందసంకీర్ణరంగం
నాదధ్యానానుమోదాగతనిజనికటానేకసిద్ధర్షిదేవ
స్తోత్రధ్వానైర్నితాంతైర్జితజలధిరవం కుంచితాంఘ్రిం భజేహం     252

దోషం సాహస్రయుగ్మైర్ధృతపరశుముఖైరాననానాం సహస్రైః
త్రైసాహస్రైస్తయాక్ష్ణామపరిమితజటాధోరణీ ధాటికాభిః
జ్వాలామాలాభిరగ్నేరపహసితఘనైరట్టహాసైర్విశాలైః
నిధ్వానైర్యోంతకాలే విహరతి తమజం కుంచితాంఘ్రిం భజేహం    253

శేషే జాతుస్వభోగాత్సురగిరిశిఖరం వేష్టయిత్వా నితాంతం
త్రైలోక్య ప్రాణభూతాం కబలయతి తనూం నారదాత్ ఙ్ఞాతవృత్తః
వాయుర్యద్ధ్యానయోగాత్ ప్రబలతనురయాత్ భుగ్నవక్త్రం స భూభృత్
శృంగం చిక్షేప వార్ధౌ ఫణిపతిమపితం కుంచితాంఘ్రిం భజేహం     254

విశ్వామిత్రప్రయుక్తాత్ స్వపురసుతసుహృత్కామినీ విప్రయోగాత్
క్లిశ్యన్నాలీకవార్తాం గదితుమపి పటుః పూజయా యస్య నిత్యం
లబ్ధ్వా స్వాం సంపదం తామభజదథహరిశ్చంద్ర సంఙ్ఞో నరేంద్రో
ధామ స్వాయంభువం తం నిగమరథవహం కుంచితాంఘ్రిం భజేహం     255

ఆబాల్యాత్ ద్రవ్యమేతత్సుముఖి తవ ముదే యన్మయాత్తం తదద్య
స్వీకుర్వాణా నితాంతం మదనశరహతం గాఢమాలింగ్య దోర్భ్యాం
అత్రైవాశ్వాసయేతి త్వరితగతి ముమామాలిభిర్వారితోపి
శ్రీమాన్యో హ్యన్వగచ్ఛన్నగతటభువి తం కుంచితాంఘ్రిం భజేహం        256

ఆలి త్వం సాంత్వయార్యాం మయి కుపితధియం దారుకారణ్యవాసి
స్త్రీణాం కేలీవిలాసైర్హరిధృతసుతనోస్సాహసాత్పర్వతేంద్రే
సంగాద్దివ్యాపగాయా మదనదహనతశ్చేతి సాకూతముక్త్వా
కాంతాగారే జయాం యోగమయదసులభం కుంచితాంఘ్రిం భజేహం     257

యశ్శంభుర్లీలయాస్వం జనిమ సుఖకరం తాపసానాం వచోభిః
హస్తాదుత్పాట్య దేవైః కిమిదమితి భయాద్వీక్షితోరణ్యదేశే
చిక్షేపబ్రహ్మ విష్ణుస్తుతిభిరపి పునస్తాన్మునీన్ ఙ్ఞాతతత్వాన్
కృత్వాప్యంతర్దధే తం ప్రణతఫలకరం కుంచితాంఘ్రిం భజేహం      258

సిద్ధాకారప్రగుప్త స్వతనుమపి జగద్దృష్ట మాహేంద్రజాలం
చిత్రస్తంభస్థితేన ప్రచలితకరిణా భుక్తపుండ్రేక్షు ఖండం
ముక్తాహారాపహార భ్రమితనరపతి స్తోత్రనిర్నిద్రితాంతః
పద్మం సాహస్రనేత్ర ప్రముఖ నుతపదం కుంచితాంఘ్రిం భజేహం     259

మౌలౌ గంగా గళంతర్గరళమహితతేః కంకణం దోషి ఫాలే
చంద్రం తార్తీయనేత్రం జ్వలనసమశిఖం శూలమాజం కపాలం
భూతప్రేతాది సేనా నిగమమయశునో యస్య లీలా కిరాత
స్యాగ్రే దృష్ట్వా కిరీటీ భ్రమితమతిరభూత్కుంచితాంఘ్రిం భజేహం      260

కస్తూరీ పంకలేపం మృగమదతిలకం పుష్పమాలాం చ నూత్నాం
దృష్ట్వా జాత్వంబుజాక్షీ ధరణిధరసుతాప్యన్యథా తర్కయంతీ
నాథేదం లక్ష్మ సత్యాం మయి తవ సమభూత్ బ్రూహి కస్యా ముదే చే
త్యాయాంతం నిర్బబంధాధికశపథమరం కుంచితాంఘ్రిం భజేహం      261

కథ్యం కల్పద్రుకామ్యం కరివసనధరం కృష్ణరక్తాంగవర్ణం
కాలాతీతం కవీంద్రం కవికులవినుతం క్లృప్తలీలావిశేషం
కృత్యాకృత్యాదిశూన్యం కుమతివిరహితం క్రుధ్రబాణాసనాంకం
కంకాళం కాళినృత్తప్రముదిత హృదయం కుంచితాంఘ్రిం భజేహం      262

సర్వేషామస్మి కర్తా ప్రభురపి జగతాం పాలకో నాశకశ్చే
త్యుచ్చైర్విష్ణౌ కదాచిత్ప్రలపతి చ ముదా యస్స్వయం తత్సమక్షం
రుద్రస్సంహారమూర్తిః స్వతనురుహతతేరాశు విష్ణూనసంఖ్యాన్
సృష్ట్వా తద్దర్పవహ్నిం పురభిదశమయత్కుంచితాంఘ్రిం భజేహం     263

కాంతాసంహారకుప్యద్భృగుమునిగదితం భీకరం ఘోరశాపం
నానాజన్మైకహేతుం శమయితుమనిశం పూజయంతం ముకుందం
ఉత్పత్తీనాం దశైవ త్రిజగదభిభవద్దానవాన్ శిక్షితుం తే
భూయాదిత్యాదిదేశ ప్రభురతికృపయా కుంచితాంఘ్రిం భజేహం       264

లీలాం యస్యానభిఙ్ఞా మఖభువి యతినా యేన వేద్యంతరస్మిన్
క్షిప్తం యావత్కపాలం నిరసితుమబలా ద్యోసదశ్చాస్తువన్ యం
పౌరోడాశస్య భూయాదధికరణమిదం సంయజంతామిదానీం
ఇత్యుక్త్వాదర్శి నైజం నిగమమయవపుః కుంచితాంఘ్రిం భజేహం   265

దేవేంద్రే వృత్రహత్యా పరిభవతి తదా స్వర్గరాజ్యాధికారే
యుక్తం దర్పావలీఢం నహుష నరపతిం కామితారం నితాంతం
పౌలోమీ యస్య నామ్నాం మననవిభవతః కుంభజాతస్య శాప
వ్యాజాన్నిన్యే ధరాం తం జనకనృపనుతం కుంచితాంఘ్రిం భజేహం     266

దిక్కాలాద్యైర్విచింత్యం స్వమనుమననకృన్మాన్యమద్వైతసారం
మధ్యాద్యంతాది హీనం సకలజనమనో వృత్తిదృష్టారమాద్యం
మాయాతీతం ప్రశాంతం ద్యుతికరమఖిలజ్యోతిషామీశ్వరాఖ్యా
వాచ్యం తేజోమయం తం పరమపరనటం కుంచితాంఘ్రిం భజేహం    267

భోగాత్ప్రారబ్ధకర్మాప్యధికభయకరే సంచితాగామికే ద్వే
ఙ్ఞాన్నాశం ప్రయాతే ఇతి నిగమవచాంస్యాహురేతత్ప్రసిద్ధం     
తాన్యప్యాలోకమాత్రాత్ నిజనటనతనోః ప్రాణినాం జాతు దిష్ట్యా
నిఘ్నన్ యచ్ఛన్ సుఖం యః సదసి విజయతే కుంచితాంఘ్రిం భజేహం  268

యః శంభుర్భూర్భువస్స్వర్భువనపరివృఢైస్సంస్తుతః సత్యవాదైః
యస్మాత్సార్వాత్మ్యయోగానుభవనిపుణతాం లేభిరే యోగివర్యాః
లీఢాలీఢార్థతత్వోపనిషదవిషయాకాశగో యశ్శివస్తం
ప్రత్యక్బ్రహ్మైక్యనిష్ఠాగురుమమరనుతం కుంచితాంఘ్రిం భజేహం     269

వమ్న్యాకారత్వభాజా దివిచరపతినా ఖండితేష్వాసకోటి
త్రుట్యద్వక్త్రస్య పుంసో వపురచితకితం వీక్షయంతో నిలింపాః
యం స్తుత్వా యన్నిదేశాత్తురగముఖయుతం తం విధాయాశ్వినీభ్యాం
చక్రుర్యఙ్ఞం యథావత్తమపి నటపతిం కుంచితాంఘ్రిం భజేహం        270

స్వామిన్ కృష్ణాత్ర యుద్ధే కనకమయతనుర్భూతిమాన్ శూలపాణిః
వక్త్రాదగ్నిస్ఫులింగాన్ రణభువి వికిరన్సంచరత్యద్వితీయః
కోయం బ్రూహీతి పార్థే వదతి సవినయం వాసుదేవో ముహూర్తం
యోగాత్ ధ్యాత్వాబ్రవీద్యచ్చరితమనుపమం కుంచితాంఘ్రిం భజేహం      271

సత్యం బ్రహ్మైవ నాన్యజ్జగదిదమఖిలం చేతి మీమాంసయిత్వా
త్రైయంతోక్త్యా బుధేంద్రా హృది చ యమనిశం చిద్ఘనం దుర్నిరీక్ష్యం
దీపజ్జ్వాలాశిఖావత్స తతపరిచయానందనృత్తం విమాయం
శుభ్రం పశ్యంతి తత్సత్పదవిషయమరం కుంచితాంఘ్రిం భజేహం       272

విద్యామగ్నౌ ప్రతిష్ఠాం పయసి చ ధరణౌ యోనివృత్తిం సమీరే
శాంత్యాఖ్యాం శాంత్యతీతాం నభసి నిజకలాం యోజయన్ హ్యప్రమేయః
సూక్ష్మాత్సూక్ష్మాంతరంగే దహరకుహరచిత్పుండరీకాఖ్యవేశ్మ
న్యంతశ్చిన్మాత్రరూపం రచయతి నటనం కుంచితాంఘ్రిం భజేహం      273

సౌవర్ణం విష్టరం యః కనకఘటనిభౌ స్వప్రియాయాః స్తనౌ ద్వౌ
పశ్యన్ లీలాకటాక్షైః కరజలజవరైర్మండయన్సప్రమోదం
అధ్యాసీనః పురస్తాన్మణిముకురగతం స్వానుబింబం శివాయాః
తుష్ట్యై చాహూతవాన్ శ్రీవినుతనిజపదం కుంచితాంఘ్రిం భజేహం         274

భూవాయ్వాకాశతోయజ్వలనరవిశశీ యజ్వరూపైః ప్రపంచం
యో ధత్తే మస్కరీంద్రైశ్చ్యుతమలహృదయైః సేవ్యతే యస్తురీయః
హంసాభిఖ్యోద్వితీయః స్వగతనిఖిలవిధ్యండజాలో హిరణ్య
శ్మశృస్తం శాంతకల్పం నియతిపదభరం కుంచితాంఘ్రిం భజేహం     275

యోదాన్నైజోత్తమాంగామృతకిరణ సుధామండపిండీకృతాంగం
తేజోభగ్నేందువహ్నిద్యుమణిఘనరుచి జ్యోతిషం హీరకల్పం
నిత్యం దేదీప్యమానం ప్రతిసమయమపి స్వ్స్య పూజాం విధాతుం
లింగం విప్రేషు మోదాత్ భవభయహరణం కుంచితాంఘ్రిం భజేహం    276

స్వాత్మానందానుబోధ ప్రవితరణసభా తారభూతోరుకక్క్ష్యాం
అధ్యాసీనైర్వసిష్ఠ చ్యవనశుకముఖైస్తైః ప్రసంఖ్యానయోగైః
ఈడ్యం యం చాశ్రయంతః కకుబధిపతయో నాద్రియంతే తథా స్వం
స్థానం తం తుంబురూక్తి ప్రముదిత హృదయం కుంచితాంఘ్రిం భజేహం     277

శక్తేర్యస్య ప్రసాదాదధిధరణి మహానాదిశేషావతారో
యోగీంద్రో దేహభాజామఘమతివిపులం చిత్తవాక్కాయసంస్థం
దూరీకర్తుం చ యష్టుం యమకృతకపథా యోగశబ్దౌషధార్చా
గ్రంథాన్ పాతంజలాఖ్యాన్ స్వయమపి కృతవాన్ కుంచితాంఘ్రిం భజేహం   278

ద్యూతక్రీడా విహారే శివగిరిసుతయోః జాతు మిథ్యోక్తి కుప్యద్
గౌరీవాక్య ప్రభూతామజగరతనుతాం త్యక్తుమత్యంతఘోరాం
కైలాసోపత్యకాయాం యమపి చ తపసా తోషయన్ యత్ప్రసాదాత్
లేభే స్వం ప్రాక్తనం తద్వపురపి మురభిత్కుంచితాంఘ్రిం భజేహం      279

త్రైగుణ్యానామతీతం త్రిజగదభినుతం సత్రివర్గాపవర్గం
త్రైయంతాచార్యమూర్తిం త్రిపుటివిరహితం త్రిస్థమప్యత్రిరూపం
తృష్ణాహీనాశయస్థం త్రిశిఖవరధరం  త్రయక్షమాత్రేయభూషం 
త్రేతానందం త్రికోణస్థితి జుషమచలం కుంచితాంఘ్రిం భజేహం    280

స్వస్త్రీవక్షోజయుగ్మే యమధికకరుణం భావయిత్వా చ భక్త్యా
రత్యా సంతర్ప్య తేన ప్రముదిత మనసో నృత్తమూర్తేః ప్రసాదాత్
యస్యాభూల్లోకజేతా సుమమయవిశిఖో మన్మథః శ్రీకుమారః
తం దేవం సుందరేడ్యం ద్యుసదననటనం కుంచితాంఘ్రిం భజేహం  281

ఆయుర్యత్కైటభారేః పరమమభిమతం పూర్ణతామేతి తావత్
కల్పో యస్య క్షణార్ధో భవతి చ సుగమః కించిదంశేన హీనః
ఇత్యాహుర్వేదవాచః కిముత శతధృతేః కించ దిక్పాలకానాం
తం కాలం కాలభక్షం ఫణిఫణనటనం కుంచితాంఘ్రిం భజేహం      282

కాళీం చండోర్ధ్వ నృత్తావనతముఖగణాం బ్రహ్మ చాముండికాఖ్యాం
గౌరీకోపాగ్నిజాతాం దితిసుతభయదా మంశయుక్తాం విధాతుః
స్వాగశ్శాంత్యై నితాంతం సవిధకృతనుతిం యః కృపాపూర్ణ దృష్ట్యా
రక్షన్స్వక్షేత్రపాలామకురుత పరమం కుంచితాంఘ్రిం భజేహం       283

సర్వేశం సర్వసత్వ ప్రకృతిమవికృతిం సర్వదం సర్వభూషం
సర్వాతీతం సదాఖ్యం సకరుణనయనం సర్వవేదాంతసారం
సత్యం సద్వ్యోమసంస్థం సనకమునిముఖైరర్చితం సామగీత్యాం
ఉత్సాహం సంసదీశం సకల కవినుతం కుంచితాంఘ్రిం భజేహం    284

కర్తుం చాకర్తుమేతత్సకలమపి జగచ్చాన్యథా కర్తుమీశః
శక్తశ్చాకాశతుల్యో భవితుమపి శివో యస్సమాధిక్య శూన్యః
జాగ్రత్స్వప్నాతిశాయీ పృథుతరసుఖకృత్ స్థాన సంస్థోపి నైజాం
మాయామావిష్కరోతి త్రివిధగుణమయీం కుంచితాంఘ్రిం భజేహం    285

సాకం గౌర్యాహిమాద్రేర్నికటవరతటే సంచరన్ యోనిజాస్య
స్వేదోద్భూతం ప్రభాభిర్విజితదినకరం బాలమాహూయ మోదాత్
భౌమాభిఖ్యామజాలిగ్రహయుగమనృణాధీశ్వరత్వం చ వాహం
శక్తిం భూషాం దదౌ తం దివిచరవినుతం కుంచితాంఘ్రిం భజేహం    286

యస్మిందృష్టే పరస్మిన్న చలతి హి మనో దేహభాజాం కదాచిత్
యస్మాత్కుత్రాపి నాన్యో భవతి చ పరమో దేవతాసార్వభౌమః
ఏకో దాధర్తి తిర్యఞ్నిజవపుషి జగత్ప్రోతమోతం సమస్తం
తం చిత్రం చిత్రనృత్తప్రముదిత గిరిజం కుంచితాంఘ్రిం భజేహం     287

కశ్చిద్భూపాలసూనృవృషభమునివరస్యోపదేశాత్ యదీయాం
శైవీం విద్యాం జపన్యత్కవచనుతిమపి ప్రప్తకామో బభూవ
తం శివం వారిజాక్ష ద్రుహిణసురపతి ప్రేతనాథాగ్నిరక్షః
పాశీవాయ్వీశయక్షద్యుమణిశశినుతం కుంచితాంఘ్రిం భజేహం     288

యద్రంగస్వర్ణకుంభం దినకృదనుదినం వీక్ష్య మేరుభ్రమేణ
రథ్యం సంరుధ్య మధ్యే క్షణమపి నివసన్ యత్సపర్యాసు జాతం
ఘంటాభాంకారఘోషం త్రిశతదశమఖీవేదమంత్రాశ్చ భూయః
శృత్వా తిల్లీవనాఖ్యం పురమితి మనుతే కుంచితాంఘ్రిం భజేహం    289

కంఠే కాలో లలాటే హుతభుగురగరాడ్భూషణం చర్మ వస్త్రం
భూతిర్గంధో విహాయో నిలయమథ పునః పుష్పవంతౌ చ నేత్రే
వృత్తిర్భిక్షా స్వకార్యం నటనమగసుతా ప్రేమకాంతా గజాస్యః
సూనుః యస్యాతి చిత్రం సమజని సదయం కుంచితాంఘ్రిం భజేహం   290

యత్సంసత్స్వర్ణభిత్తిం పరితరనుపమాస్స్వర్గనార్యః కరాబ్జైః
ఆదర్శాద్యష్టభద్రం కనకమణిమయం యస్య తుష్ట్యై వహంత్యః
సేవాం కుర్వంతి పంచావరణమధిగతైర్బ్రహ్మవిద్యేశపూర్వైః
స్తుత్యం తం చిత్రకూటస్థితిభిరథ సురైః కుంచితాంఘ్రిం భజేహం      291

భక్తాస్త్రైషష్టిసంఖ్యాం ద్విజముఖకులజా యత్సపర్యావిశేషైః
సారూప్యం యస్య నామ్నాం ముహురపి పఠనాత్ యస్య సామీప్యసిద్ధిం
సాలోక్యం యస్య భక్తిప్రకరణ జనతాసంగసంభాషణాద్యైః
సాఅయుజ్యం యస్య భావా దనుపమమభజన్ కుంచితాంఘ్రింం భజేహం      292

యచ్చిత్రస్తంభకక్ష్యా మధివిశదఖిల ప్రాణివర్గాన్ విశుద్ధాన్
కుర్వన్ కశ్చిన్ మహాత్మా పురుషమృగతనుర్యోగిరాడ్ యత్సభాయాః
పూర్వస్మిన్ద్వారదేశే నివసతి హృదయే సంతతం యం విచిన్వన్
తం దేవం చిద్విలాసప్రకటిత నటనం కుంచితాంఘ్రిం భజేహం      293

భ్జే త్రైశంకవీయాం స్థితిమపి చ గలే యస్య శంభోః కరాళః
క్ష్వేళః కల్పాంతకాల జ్వలనకబలనజ్వాలకల్లోలకీలః
సాతంకాహార్య జాయాస్సభయమధుభిదో వారణప్రేరణాభ్యాం
భూయో భూయస్తమాద్యం జలదగలరుచిం కుంచితాంఘ్రిం భజేహం    294

లోకేష్వద్వైతవిద్యాం ప్రకటయితుమనా యస్స్వయం కృత్తివాసాః
మోదాత్సర్వఙ్ఞపీఠ స్థితిజుషమమలం శంకరాఖ్యం యతీంద్రం
స్వాంశాన్నైజాంఘ్రిపూజా ప్రశమితతమసాం భూసురాణాం కులాబ్ధౌ
ఉత్పాద్యన్వగ్రహీత్తం శుకమునివినుతం కుంచితాంఘ్రిం భజేహం      295

పాతాళే మర్త్యలోకే దివి చ పురరిపోర్యాని యాని ప్రియాణి
క్షేత్రాణ్యాసంస్తదంతః స్థితిమధిజుషతాం లింగబేరాదిమానాం
హేతుః శ్రీమూలనాథః శివజనిమవరో యత్సభోదీచిభాగే
కక్ష్యాయాం భాతి నిత్యం తమఖిల జనకం కుంచితాంఘ్రిం భజేహం    296

బ్రహ్మన్సృష్టిం యథావత్కిమపి చ కురుషే భో హరే రక్షకత్వం
సాధ్యం తే రుద్ర భావం మమ చ వహసి కిం పాల్యతేసౌ త్రిలోకీ
కేనానుష్ఠీయతే కిం భువి చ మునివరైర్యఙ్ఞ ఇత్థం స్వసేవా
నమ్రం యో దేవవర్గం ముదయతి వచసా కుంచితాంఘ్రిం భజేహం    297

నిర్మాతౄణాం ఘటానాం కులజలధిమణిర్నీలకంఠాభిధోయం
పశ్యన్నిత్యం మునీనాం నయవచనగణై ర్యోగిరాట్ప్రత్యయార్థం
స్వస్త్రీదండాగ్రహస్తస్సరసి సశపథం గాహమానః ప్రపేదే                       298

లాస్యం ద్రష్టుం యదీయం శిఖిని దశశిరాంస్యాజుహావాతిభక్త్యా
రక్షోనాథస్తథాద్రేర్నికట భువి ఫణామండలం భోగిరాజః
అన్యే దేవాశ్చ దైత్యాః తపసి చ కఠినే స్వాం తనూం నిర్దహంతో
జాతాస్సిద్ధాశ్చ సాధ్యా నరహరివినుతం కుంచితాంఘ్రిం భజేహం     299

స్వామిన్ సంసారవార్ధావధికభయకరే దుస్తరే పాశనక్ర
చ్ఛన్నే మగ్నాంతరం మామనధిగతాసదాచారవృత్తిం శఠాయం
దీనం త్వత్పాదపూజా విముఖమఘయుతం రక్ష రక్షేత్యజస్రం
సర్వే లోకాశ్రయంతే యమపి సదసి తం కుంచితాంఘ్రిం భజేహం    300

యద్యప్యైశ్వర్యభాజో విధిహరిముఖరాస్సంతి దేవా జగత్యాం
తేషాం కశ్చుద్యుగాంతే నహి పునరపరో రుద్ర ఏకో మహర్షిః
దేవో విశ్వాధికోగ్ర్యో భవతి విభురితి ప్రాహురశ్రాంతవాచః
వేదా యం పంచభూతప్రభవలయకరం కుంచితాంఘ్రిం భజేహం      301

యస్మాచ్చంద్రార్ధ చూడాన్మృదుహసితముఖాన్నీలకంఠాత్ త్రినేత్రాత్
వేదంతోద్గీతవృత్తాద్విధిహరిజనకాత్ విశ్వమాయావిలాసాత్
వామావామాంగభాగాత్ భసిత వరతనోః చిత్సభేశాత్ మమైతత్
చేతో నాన్యం సురేంద్రం స్మరతి నటపతిం కుంచితాంఘ్రిం భజేహం   302

బాల్యే క్రీడావిముగ్ధః పునరహమభవం యౌవనే మీనకేతోః
లక్ష్యో లజ్జావిహీనః పరముదర భృతౌ కాకవత్సార్వకాలం
దేశాద్దేశాదటంస్త్వత్పదయుగజలజం నార్చయం పాపయోగాత్
సర్వం తత్క్షమ్యతామిత్యయమహమభజం కుంచితాంఘ్రిం భజేహం     303

సద్వృత్తాం స్రగ్ధరాంగాం విపులగుణారాలంకృతిం మంజుపాక
స్థాయీశయ్యా రసాద్యైర్విబుధపరివృఢాంకాదిరీతిం సువృత్తిం
వేదాంతార్థప్రబోధీం సుగుణపదగతిం యోస్మదీయాం స్తుతిం తాం
అంగీకుర్వన్సుఖం మే ప్రదిశతి గురు తం కుంచితాంఘ్రిం భజేహం    304

యశ్శంభుర్నృత్తరాణ్మే ప్రబలతరమహా మంత్రసిద్ధిం ప్రదత్వా
గుర్వీం యోగస్య సిద్ధిం జననమృతిహరం చాత్మబోధం మహాంతం
సూతాదీనాం విముక్తిప్రదమపి మహితం గౌరవం పత్రమూలం
స్వం నృత్తం దర్శయిత్వా సుఖయతి నితరాం కుంచితాంఘ్రిం భజేహం  305

క్రోశం క్రోశం యదగ్రే స్వపతిమపి రతిర్మన్మథం శ్రీకుమారం
శార్ధూలాంఘ్రేశ్చ డింభస్సుఖతరమభజద్దృగ్ధ కల్లోలరాశిం
స్తావం స్తావం వరేణ్యం గగననటపతిం యం చ వాచామలక్ష్యం
తోషం తోషం లభంతే సకలమపి జనాః కుంచితాంఘ్రిం భజేహం       306

మందం మందం యదీయం జనిమసురసరిద్వారయా వ్యాసజాద్యాః
సేకం సేకం విరాజో హృదయమధిగతం యత్పదం భావయంతః
కాలం కాలం దహంతో దురధిగమతమః కాననం ఙ్ఞానయోగాత్
లాభం లాభం ప్రబోధం వరసుఖమభజన్ కుంచితాంఘ్రిం భజేహం    307

భోజం భోజం యదర్చాజనితమనుపమం భోగమధ్యాత్మయోగాత్
తారం తారం భవాబ్ధిం విపులభయకరం యస్య భావాత్సుధీంద్రాః
దాహం దాహం హృదాంతర్గతమతి జఠరం పాశవర్గం యదర్ణం
జాపం జాపం రమంతే పరమహసి పదే కుంచితాంఘ్రిం భజేహం       308

బోధం బోధం యదీయం నటనమనుపమం శ్రౌతతత్వార్థ గర్భం
ధ్యాయం ధ్యాయం హృదబ్జే యమపి చ మహసాం పుంజమవ్యాజమూర్తిం
వాహం వాహం యదంఘ్రిం మనసి ఫణితరక్ష్వంఘ్రి జైమిన్యభిఖ్యాః
ప్రాపుస్సర్వే సదా యత్సదసి నివసితం కుంచితాంఘ్రిం భజేహం      309

వాచం వాచం మహాంతః శివహరగిరిజాకాంతదేవేతిపూతాః
వర్జం వర్జం వివర్జ్యం బహుతరవిషమక్లేశమాయావిమోహం
త్యాగం త్యాగం కఠోరాం త్రివిధపరిచయామీషణాఖ్యాం పిశాచీం
ధ్యాయంతో యం భజంతే సతతమపి శివం కుంచితాంఘ్రిం భజేహం  310

ధావం ధావం సదా యత్ప్రియకరనిలయం భూతిరుద్రాక్షవర్గైః
భూషం భూషం స్వకీయాం తనుమపి చరితం యస్య వేదాంతగీతం
కర్ణం కర్ణం నితాంతం త్రిషవణయజనం బ్రహ్మనిష్ఠా యతీంద్రాః
కారం కారం లభంతే భవపదమభవం కుంచితాంఘ్రిం భజేహం     311

నామం నామం సదా యం నటపతిమలభం సత్కలత్రం సుపుత్రం
పాఠం పాఠం యదగ్రేప్యకృతకవచనాన్యాపమబ్జా కటాక్షం
వారం వారం విభుం యం హవిరహమదదాం సప్తతంతుష్వచింత్యం
నిత్యం నిత్యం ప్రపద్యే శరణమసులభం కుంచితాంఘ్రిం భజేహం      312

శ్రావం శ్రావం శృతిభ్యాం యదమల చరితం యత్పదాంభోజమార్ధ్వీం
పాయం పాయం సభాయాం మమ చ రసనయా యం ప్రభుం మానసేన
స్మారం స్మారం ప్రసన్నం శృతిశిఖరగతం భుక్తిముక్తిప్రదం యం
దర్శం దర్శం ప్రబుద్ధోస్మ్యతనుబుధదృశా కుంచితాంఘ్రిం భజేహం    313

ఏతత్సోత్రం పఠంతి ప్రతిదినమసకృద్యే మమోమాపతేర్వా
గుద్భూతం చిత్సభాయాం విరచిత పరమానంద నృత్తస్య శంభోః
అగ్రే లబ్ధ్వాఖిలేష్టానిహ తనయ కలత్రాదిమానాత్మయఙ్ఞాద్
అంతే కైవల్య సంఙ్ఞం పదమపి మనుజాస్సంలభంతాం నితాంతం     314

ఉమపతిర్నామ వనాశ్రమోహం త్రయోదశాధిక్య శతత్రయాన్వితం
శ్రీకుంచితాంఘ్రి స్తవరాజముక్త్వా సాక్షాదపశ్యం నటనం సభాపతేః      315   
   

          


 


   






 


   
 




   

  
   



 







     

కుంచితాంఘ్రి స్తవం-2

యస్మాత్సర్వం చరం చాచరమపి సముత్పన్నమాదౌ జగత్తత్
యేనేదం రక్షితంచ ప్రవిలయ సమయే లీయతే యత్ర సర్వం
తం దేవం చిత్సభాయాం అనవరతనటం బ్రహ్మవిష్ణ్వాదిపార్శ్వం
తేజోరూపం త్రికూటస్థితిజుషమమలం కుంచితాంఘ్రిం భజేహం        101

సృష్ట్యై బ్రహ్మాణమాదౌ హరిమథ జగతాం రక్షణాయాత్మరూపః
సంహృత్యై రుద్రమూర్తిం త్వథ నిఖిలతిరోధానహేతోర్మహేశం
తల్లోకానుగ్రహార్థం హిమిగిరితనయా సక్తసాదాఖ్యమూర్తిం
యస్సృష్టానందనృత్తం సదసి వితనుతే కుంచితాంఘ్రిం భజేహం    102

త్రయక్షం త్రైలోక్యవాసం త్రిపురవిజయినం త్రైగుణాతీతరూపం
త్రేతాగ్నిష్వగ్నిమూర్తిం త్రిశిఖరి శిఖరే రాజమానం త్రిశక్తిం
త్రైసాహస్రద్విజార్చ్యం తిసృభిరపి సదామూర్తిభిర్దృష్ట నృత్తం
త్రైవిద్యం చిత్సభేశం నిగమమయతనుం కుంచితాంఘ్రిం భజేహం    103

ధర్మం దత్వా జనానాం డమరుకనినదై రర్థమప్యగ్నినా యః
కామం దత్వాభయేన స్వపద సరసిజాన్మోక్షరూపం పుమర్థం
దత్వా లోకాన్ సమస్తానవతి నటపతిః నాయకశ్చిత్సభాయాః
తం దేవం నృత్తమూర్తిం విసదృశచరితం కుంచితాంఘ్రిం భజేహం     104

అంధః కోశే విధాతా గరుడవరరథః ప్రాణకోశే చ రుద్రః
చేతః కోశే మహేశస్తదను చ వరవిఙ్ఞానకోశే సదాఖ్యః
ఆనందాభిఖ్య కోశే లసతి చ సతతం యస్య శంభోర్నిదేశాత్
తం దేవం రాజరాజేశ్వర సుహృదం కుంచితాంఘ్రిం భజేహం         105

ధృత్వా యః సర్వదేశః పదజలజముఖే శ్రేష్ఠముక్తాలిమంగే
సౌవర్ణం కంచుకంచ ప్రథితమణిచితం భూషణం దివ్యవస్త్రం
నృత్వం కృత్వాగతానాం సకలతనుభృతాం ధర్మముఖ్యాన్ పుమర్థాన్
దత్వా రక్షత్యనాదిర్మునికృతయజనః కుంచితాంఘ్రిం భజేహం       106

శిష్యాణాం వేదబాహ్య స్థితిమధిజుషతాం బోధనార్థం పఠంతః
చర్యా యోగాంఘ్రిభేదప్రకటిత విభవాన్ కామికాద్యాగమాంస్తాన్
భూదేవా వాజపేయ క్రతుగతనృపతి ప్రోద్ధృతోద్దామశుక్ల
ఛత్రా యం పూజయంతి శృతిపథవిధినా కుంచితాంఘ్రిం భజేహం  107

వేదాంతోద్గీతరూపం జ్వలన డమరుకౌ ధారయంతం కరాభ్యాం
అన్యాభ్యాం డోలముద్రామభయమపి సదాపస్మృతౌ దక్షపాదం
విన్యస్యాకుంచితేన ప్రణమదఖిలదం వామపాదేన నిత్యం
దేవ్యా సాకం సభాయాం రచయతి నటనం కుంచితాంఘ్రిం భజేహం    108

ఆమన్వశ్రం సుదీప్తాం నిజతనుమభితస్సత్యరూప ప్రభాంతః
వామే యుక్తం స్వశక్త్యా వసుదలకమల స్వార్ణ కింజల్క శోభం
వ్యాప్తం సాహస్ర కోష్ఠ స్థిత శివ మనుభిర్మోహనాద్యైర్యదీయం
చక్రం సంపూజయంతి ప్రతిదినమనఘాః కుంచితాంఘ్రిం భజేహం    109

త్రైచత్వారింశదశ్రే వసునృపకమలే వృత్తభూచక్రమధ్యే
బిందౌ సంతానకల్పద్రుమనికరయుతే రత్నసౌధే మనోఙ్ఞే
బ్రహ్మాద్యాకారపాదే శివమయఫలకే స్వర్ణమంచే నిషణ్ణే
దేవ్యా యః పూజ్యతే తం హరిముఖవిబుధైః కుంచితాంఘ్రిం భజేహం   110

యల్లీలారబ్ధనృత్త ప్రసృతవరజటాజూటజూటసమ్మర్దవేగ
ప్రోద్యత్స్వర్గాపగాంభోజనితకణగణా యత్ర యత్ర ప్రపేతుః
తేప్యాసంస్తత్ర తత్ర స్వజనిమముఖరా మూర్తయః క్షేత్రరాజే
తం దేవం నందిముఖ్య ప్రమథ గణవృతం కుంచితాంఘ్రిం భజేహం  111

శ్రీవిద్యాషోడశార్ణౌర్మిలితమపి తథా పంచవర్ణైః కుమారీ
బీజైర్యన్మంత్రరాజం ముహురజకమలానాథ రుద్రేశశర్వాః
జప్త్వా సంసృష్టి రక్షా లయసకల తిరోధానకానుగ్రహాద్యాః
సిద్ధీరాపుస్తమీశం శుభకరనయనం కుంచితాంఘ్రిం భజేహం          112

యస్యాహుర్నృత్తమూర్తేః శృతిహృదయవిదశ్శక్తిమేకామపీడ్యాం
కాలీం కోపే చ దుర్గా యుధి జగదవనే విష్ణురూపాం భవానీం
భోగే ఙ్ఞాన క్రియేచ్ఛామయ వివిధతనుం సర్వ సంహారకాలే
స్వాంతర్లీనాం ప్రసన్నాం తమిభముఖసుతం కుంచితాంఘ్రిం భజేహం    113

శ్రీహీరాల్లబ్ధచింతామణిమనుమనుసంధాయ నిర్జీవదేహే
మాతుర్మామల్లదేవ్యా నిశి విగత భయో హర్షనామోపవిశ్య
విప్రః శ్రీ రుద్రభూమౌ యదధికకృపయా మాతరం సర్వ విద్యాం
సిద్ధీరన్యాశ్చలేభే కరధృతఢమరుం కుంచితాంఘ్రిం భజేహం       114

గంగామాహృర్తుకామే కపిలమునితపోవహ్ని సందగ్ధదేహాన్
స్వర్గం నేతుం పితృన్స్వాన్యజతి రఘుపతౌ యః పురస్తాదుదేత్య
గర్వాద్రవ్యోమ్నః పతంతీం స్వశిరసి కణికాసన్నిభాం తాం నిరుధ్య
స్తుత్యా రాఙ్ఞః పృథివ్యాం వ్యసృజదనుపమం కుంచితాంఘ్రిం భజేహం     115

వంశ్యః కాకుత్థ్స రాఙ్ఞో దశరథనృపతిః యస్య పుత్ర ప్రదేష్టిం
క్షేత్రే కృత్వా వశిష్ఠప్రముఖ వచనతః సంశ్రియం పంచవర్ణం
జప్త్వా వర్షం వసిత్వా సదాసి నటపతేః దర్శనాద్రామపూర్వాన్
విష్ణోరంశాన్సుపుత్రానభజదఘహరం కుంచితాంఘ్రిం భజేహం        116

కుంభోద్భూతోపదేశాద్వనభువి విరజాహోమసంభూతభూత్యాం
ఆసీనం సోఢసీతావిరహమపి సదా వేదసారం సహస్రం
నామ్నామావర్తయంతం దశరథతనయం వీతశోకం వ్యతానీత్        117

గంధర్వశ్చిత్రసేనః సురపతివచనాత్తిల్వకాంతారమధ్యే
నృత్యంతం చిత్సభాయాం గిరివరతనయాపాంగ దుగ్ధాబ్ధిచంద్రం
శంభుం నత్వా ముహుయత్కర డమరురవాధీత సంగీతవిద్యా
సిద్ధాంతోభూత్తమీశం సురగుణవినుతం కుంచితాంఘ్రిం భజేహం       118

యన్నృత్తం ద్రష్టుకామా రవిశశిముఖరాః స్వాభిదానైర్గ్రహేశః
లింగాన్సంస్థాప్యగంగాతటవరనికటే పూజయిత్వా సభాయాం
తేజోరూపం చ లాస్యం బహిరివ హృదయే సంతతం చింతయంతః
వాసం చక్రుస్తమీశం నిఖిలతనుమయం కుంచితాంఘ్రిం భజేహం       119

శ్రీవిద్యాం సంజపంతో బహుదినమసకృద్యే హయగ్రీవకుంభో
ద్భూతప్రష్ఠా మునీంద్రాః పరశివమహిషీం పాశకోదండ హస్తాం
సాక్షాకృత్యాథ తద్వాగమృత జనిమయాద్దేవ మంత్రప్రభావాత్
నృత్తం దృష్ట్వాత్మబోధం సుఖకరమభజన్ కుంచితాంఘ్రిం భజేహం    120

గీత్యాం సందిహ్యమానః కలహరసికహృన్నారదాఖ్యస్సురర్షిః
ధాతుర్వాక్యేన గత్వా యదమలనిలయం మంత్రయోగాన్మహేశం
ప్రత్యక్షీకృత్య ఢక్కోద్భవసరిగమపాధానివర్ణాన్ ద్విషట్కాన్
బుధ్వా గాయన్సవీణః సదసి వసతి తం కుంచితాంఘ్రిం భజేహం     121

పాఠీనాకారభాజం ఫణిభువనసమానీతవేదాసురంధ్రం
పృచ్ఛాఘాతప్రశాంతాంభునిధిశిఖిశిఖం పర్వతేంద్రానుకల్పం
విష్ణుందృష్ట్వాతి భీత్యావిబుధ పరివృఢైః స్తూయమానః కపాలీ
యస్తం నిఘ్నంజహార ద్వినయనమపి తం కుంచితాంఘ్రిం భజేహం     122

భీమం పీతాంబురాశిం కమఠవరతనుం కాలకూటోపమాగ్ని
జ్వాలాసందిగ్ధవక్త్రం జగదపి నిఖిలం క్షోభయంతం సకృత్యైః
బ్రహ్మాద్యైరప్యజయ్యం హరిమధివసుధం కర్షయన్యస్తదీయాన్
అంగాన్ కంఠే దదౌతం నిఖిలసురనుతం కుంచితాంఘ్రిం భజేహం     123

పోత్రీరూపం మహాంతం జలధిగతధరాం దంష్ట్రయోద్ధృత్య వేగాత్
యుద్ధే హత్వా హిరణ్యం సురరిపుమఖిలానిష్ట కృత్యైశ్చరంతం
వైకుంఠం భైరవో యశ్శితశిఖ విగలద్వహ్ని కీలాసశూల
ప్రోతం కృత్వా తదీయం రదమురసి దధౌ కుంచితాంఘ్రిం భజేహం     124

భీత్యా సంత్రాసమానే నరహరివపుషో దేవతానాం సమూహే
ధాత్రాః సంస్తూయమానః శరభవరతనుః సాలువః పక్షిరాజః
వేగాత్తం ఛేదయిత్వా స్వపదనఖముఖై స్తత్త్వచాలహృతోభూత్
దంష్ట్రా సందీప్తలోకస్తమఖిల వరదం కుంచితాంఘ్రిం భజేహం       125

యుద్ధే భగ్నోరుకాయం నరహరివపుషం గండభేరుండరూపీ
భూత్వా గర్జంతమగ్రే శరభఖగపతిర్యః స్వఫాలాక్షికుండాత్
ఉగ్రప్రత్యంగిరాఖ్యాం శతశతవదనాం కాలికామాశు సృష్ట్వా
తస్యా జిహ్వాగ్రవహ్నిం సుచరువదనయత్కుంచితాంఘ్రిం భజేహం     126

యాంచాఖర్వీకృతాంగం బలిమఖసదసి స్వాం తనూం వర్ధయిత్వా
ద్యావాభూమీ సురారేర్మకుటమపి పదా మానయిత్వా త్రిలోకీం
హుంకారాద్భీషయంతం సురగణవినుతో వామనం యో వినిఘ్నన్
కంకాలం తస్య దేహత్వచమపి హృతవాన్ కుంచితాంఘ్రింభజేహం     127

శ్రీచక్రస్యందనస్థాం గజతురగసమారూఢ శక్త్యగ్రభాగాం
నిత్యావారాహిమంత్రిణ్యనుచర సహితాం దృష్టబాలాస్త్ర విద్యాం
సర్వాస్త్రాశ్లిష్టహస్తాం రణభువి విలసద్యుద్ధవేషాం భవానీం
దృష్ట్వా తుష్టో భవంతం ధనపతి సుహృదం కుంచితాంఘ్రిం భజేహం  128

విష్ణోరంశావతారాందశ కరనఖరైః యుద్ధరంగే సృజంతీ
కామేశాలోకనోద్య ద్గజవదనకర ధ్వస్తవిఘ్నేశయంత్రా
యస్యాస్త్రేణాశు భండం ససుతగణపురం నాశయామాస దైత్యం
దేవీ శ్రీచక్రసంస్థా తమపి శివకరం కుంచితాంఘ్రిం భజేహం      129

ద్వాత్రింశద్రాగబోధచ్యుతమకుట శశి స్వచ్ఛపీయూషధారా
సంగావాప్తస్వజీవాంబుజ భవవదనోద్దామగీతాభిరామం
స్తబ్ధీభూతర్షి నారీగణమధివిపినం సర్వ శృంగారరూపం
యం దృష్ట్వా విష్ణుమాయా పతిమతిమతనోత్ కుంచితంఘ్రిం భజేహం     130

మాతృద్రోహాఘశంతిం స్వపితృనిధన కృత్ క్షత్రశైలేంద్రపక్ష
ద్వంద్వచ్ఛేదాతి తీక్ష్ణప్రబల పరశుమప్యాప్తుకామో మునీంద్రః
నృత్తం యస్యేదమాత్మన్యనుగతమసకృద్ భావయన్ జామదగ్న్యో
రామో లేభే చిరాయుః ప్రముఖవరవరాన్ కుంచితాంఘ్రిం భజేహం       131

యత్పూజాలబ్ధ భూతిప్రభవిత యువతీభావవృద్ధస్వజాయో
యత్ క్షేత్రానేకసేవా శమితమునివరధ్వంసనాగో వికారః
తలాంకో రౌహిణేయః ప్రబలహలవరా కృష్టదృష్టప్రలంబో
జాతో యస్య ప్రసాదాదామృత కరధరం కుంచితాంఘ్రిం భజేహం         132

ఆరుహ్యాశ్వం ముకుందః ప్రతికలివిగమం కల్కిరూపీ పృథివ్యాం
గచ్ఛన్ పాషండవర్గం కుమతిమఘయుతం తత్ర తత్రైవ సంస్థం
అంగుష్ఠాకారభాజం యదమలకరుణావాప్తఖడ్గేన నిఘ్నన్
సర్వాం భూమిం యథావత్కలయతి తమజం కుంచితాంఘ్రిం భజేహం    133

మధ్యేమార్గం స్వభక్తం ద్విజవరజనుషం గండభేరుండసింహ
వ్యాఘ్రాశ్వేభః క్షతార్ క్ష్య ప్లవగనరముఖే మాధవే భక్షయిత్వా
క్రోధాద్రహ్యాండవర్గం ముహురపిచ ముధా తర్జయత్యాశు తం యః
హత్వారక్షత్స్వభక్తం జగదపి సకలం కుంచితాంఘ్రిం భజేహం            134

యేనోక్తం రాజతాద్రౌ చరితమనితరఙ్ఞాతపూర్వం మృడాన్యై
శృత్వా తద్యోగలబ్ధ భ్రమరవరతనుః పుష్పదంతః స్వసఖ్యా
ప్రాకాశ్యం నీయమానః కుపితనగసుతా శాపతో మర్త్యయోనౌ
ఉత్పన్నః సంస్తువన్ యం స్వపదమధిగతః కుంచితాంఘ్రిం భజేహం    135

దైత్యానాం ధ్వంసనార్థం సకలమపి జగద్రక్షణార్థం మురారిః
లక్ష్మ్యా క్షీరాంబురాశౌ కృతకఠినతపాః సాంబమూర్తిం ప్రభుం యం
భక్త్యా సంపూజ్య చిత్తే మనువరమపి యన్నామసాహస్రసంఙ్ఞం
స్తోత్రం లబ్ధ్వా జపంస్తత్ప్రభురభవదజం కుంచితాంఘ్రిం భజేహం      136

ఆఙ్ఞా యస్యాఖిలానాం న భవతి హి సదా లంగనీయా యదీయం
తత్వాతీతస్వరూపం విధిముఖవిబుధా వర్ణితుం నైవ శక్తాః
యం ద్రష్టుం వేదవాచోప్యగణితవిభవం నూనమద్యాపియత్నం
కుర్వంత్యంబా సహాయం సనకముఖగురుం కుంచితాంఘ్రిం భజేహం     137

యుద్ధే సంజాతకంపః పితృపతితనయో భీష్మముఖ్యప్రవీరాన్
చక్రాబ్జాకారసేనా గతరథగజరాడశ్వపాదాతి వర్గాన్
జేతుం కృష్ణోపదిష్టో మధుమయనుతిభిస్తోషయన్ యస్య శక్తిం
దుర్గాం తస్యాః ప్రసాదాదజయదరిబలం కుంచితాంఘ్రిం భజేహం      138

యస్యాఘోరాస్త్రరూపం వసుకరవిధృతోద్దండ భేతాల ఘంటా
ఢక్కా ఖేటాసిపాత్ర త్రిశిఖశిఖి శిఖం భీమదంష్ట్రాధరోగ్రం
సౌవర్ణశ్మశృవక్త్రం రథముఖనిహిత స్వాహ్నిమారక్తవస్త్రం
ధాయేచ్చేత్కాలమృత్యుం తరతి విధుజటం కుంచితాంఘ్రిం భజేహం      139

ఆరోగ్యం లబ్ధుకామో దివసకరమహా మండలాంతర్యమంబా
యుక్తం రుక్మాభమాద్యం కలయతి నితరాం యో జపన్రౌద్రమంత్రాన్
తస్య త్వఞ్మాసరక్తా వయవగత మహారోగవర్ణాః ప్రణాశం
యాంతి శ్రీ సుందరాంగః స చ భవతి శివం కుంచితాంఘ్రిం భజేహం        140

పుత్రాకాంక్షీ పుమాన్యః పరశుమృగవరాభీతిహస్తం త్రినేత్రం
గౌర్యా స్కందేన సాకం వృషభమధిజుషం సానుకంపం స్మితాస్యం
సర్వాలంకారభాజం సకలనిగమవిత్ స్తూయమానాపదానం
ధ్యాయత్యాప్నోతి పుత్రం గుహమివ స చ తం కుంచితాంఘ్రిం భజేహం     141

యో విద్యార్థీ వటద్రోర్నికటతటగతం పుస్తకఙ్ఞానముద్రా
వీణా రుద్రాక్షమాలా కృతకరకమలం యోగపట్టాభిరామం
తత్త్వార్థం బోధయంతం సకలమునితతేశ్చంద్రగంగాహిభూషం
యం ధ్యాయత్యాశు వాఞ్మీ స చ భవతి గురుం కుంచితాంఘ్రిం భజేహం    142

భిక్షాం దేహీతి చక్షన్ మునిసుతసహితః క్రోధభట్టారకాఖ్యః
దూర్వాసా యన్నగర్యామనధిగతచరుః క్షున్నివృత్యై నిశీథే
శక్తిం యస్యాన్నపూర్ణాం హృది పరికలయన్ సత్వరం యత్ప్రసాదా
వాప్త క్షీరాన్నభుక్త్యా సుఖమభజదజం కుంచితాంఘ్రిం భజేహం            143

కశ్చిల్లుబ్ధో గిరీంద్రే మృగనిబిడవనే లింగమైశం యదీయం
దృష్ట్వా గండూషతోయైః స్వకచధృతసుమైర్భుక్తశేషైశ్చ మాంసైః
పూజాం కుర్వన్ కదాచిన్నజనయనవరం చార్పయిత్వాతి భక్త్యా
నేత్రే యస్యానురూపం పదవరమభజత్కుంచితాంఘ్రిం భజేహం       144

బాలో విప్రస్యగోష్ఠస్థిత పశునికరం దేహయిత్వా పయోభిః
నద్యాస్తీరే యదీయం జనిమ సుఖకరం పార్థివంచాభిషించన్
ధ్యాయన్ క్రోధాత్స్వపూజావికృతికరపితుశ్ఛేదయిత్వా పదం యం
స్తుత్వా యత్పార్షదానామధిపతిరభవత్కుంచితాంఘ్రిం భజేహం      145

యేషాం వేదోక్త కర్మస్వనధికృతిరభూదద్రిజాతా పృథివ్యాం
తేషాం ధర్మాదిమాప్త్యై పరశివరచితం కామికాదిప్రభేదం
సాంగం సిద్ధాంత తంత్ర ప్రకరమపి చతుష్షష్టిసంఖ్యాః కలాశ్చ
యస్యాదేశాత్ ప్రకాశం త్వనయదగనుతం కుంచితాంఘ్రిం భజేహం      146

కుర్వంతః క్షేత్రవాసం హృదయసరసిజే చింతయంతో జపంతో
విద్యాం సౌవర్ణరంగే యమజహరినుతం స్వేచ్ఛయావాప్తనృత్తం
పశ్యంతః సర్వకాలం విబుధపరివృఢా లబ్ధకామాస్సుఖిత్వా
బ్రాహ్మే సౌధే రమంతే చరమవయసి తం కుంచితాంఘ్రిం భజేహం     147

సర్వస్వారాభిధానే దివిషదభిమతే సప్తతంతౌ ద్విజేంద్రః
కశ్చిద్యజ్వా హుతాశే నిజమపి చ వపుస్త్యక్తుమత్యంతభీరుః
యం ధ్యాత్వా యత్ప్రసాదాదగమదనితరప్రాప్యమౌపాధిహీనం
ధామ స్వర్గం సదేహస్తమతుల విభవం కుంచితాంఘ్రిం భజేహం      148

క్రీడాసంసక్త గౌరీ కనకఘటనిభోత్తుంగవక్షోజశైల
ప్రోద్యత్శృంగారమాధ్వీమధురరసధునీ లోలభృంగాయతాక్షం
భూషానాగోక్తసౌఖ్య ప్రవచనఘటజస్తబ్ధగర్వాబ్ధితార్క్ష్య
వ్రీడాకృచ్ఛ్వాస వక్త్ర ప్రమథపతినుతం కుంచితాంఘ్రిం భజేహం      149

నృత్తేశం బాణదైత్య ప్రముఖగణవరోద్దండదోర్బృందవర్య
క్రూరోద్వేగాహతోద్యద్ధట ధిమిధిమితక్శబ్ద భావానుకల్పం
తానాతానాతనేతి క్వణితదశశతీ తంత్రివీణానుగానో
న్మోదోద్గ్రీవాహిభూషావలయమభయదం కుంచితాంఘ్రిం భజేహం       150

సాహస్రక్రూరవక్త్ర ప్రభవ గురుమరుత్పూరహుం హుం భభం భం
ఝంఝీకృచ్ఛంఖశృంగప్రముఖవరమహావాద్యభృద్భానుకోపం
దృష్ట్వా హాహాహహేతి భ్రమితసురగణాభీతిసందాయిపార్షద్
వ్యాప్తే రంగే య ఈశో నటతి తమనఘం కుంచితాంఘ్రిం భజేహం      151

కైలాసాద్రిం కదాచిత్ప్రబల భుజబలాద్రావణశ్చాలయిత్వా
దాక్షాయణ్యాతిభీత్యా కిమిదమితి సమాలింగితస్యాశు యస్య
పాదాంగుష్ఠాగ్రనీతద్విరసనభువనక్ష్మాధరోచ్ఛిన్నబాహుః
సామ్నా స్తుత్వా యమిష్టం వరమలభత తం కుంచితాంఘ్రిం భజేహం     152

శ్రీరుద్రం కోటి సంఖ్యా త్రిగుణితమనిశం యత్పురస్సాజ్జపిత్వా
శైలాదిర్యస్య శంభోరనవధిక కృపాపాంగ పూరాభిషిక్తః
మత్తుల్యోసి ప్రియోసి త్వమపి చ సకలం ఙ్ఞాతవాంశ్చాసి తాతే
త్యుక్తో యేనాథ యస్య ప్రమథ పతిరభూత్ కుంచితాంఘ్రిం భజేహం      153

శ్రీమాన్భృంగీ మునీంద్రో మృగపరశుకరం దేవమేవైకమీశం
నత్వా తత్పార్శ్వగాయా నిజవిముఖరుషశ్చండికాయాశ్చ వాక్యాత్
శాక్తం మాంసాదివర్గం స్వతనువరగతం ప్రోత్సృజన్ యత్ప్రసాదాత్
లేభే దండం త్రిపాదం స్వధురి చ వసతిం కుంచితాంఘ్రిం భజేహం      154

కశ్చిద్విప్రో రిటాఖ్యః స్వపతినియమవిధ్వంస కంపా తరంగాం
నారీం దగ్ధ్వా సతీం తచ్చితిగత భసితైర్లేపయన్ సాంబమూర్తిం
నైవేద్యం కర్తుమిచ్ఛన్నిహ నయ చరుమిత్యాహ్వయన్ యత్ప్రసాదాత్
కాంతాం భేజే నిజాంతే శివపదమపి తం కుంచితాంఘ్రిం భజేహం           155

గౌర్యాం శృంగారవాప్యాం స్వసఖివరగణైః క్రీడయంత్యాం కపర్దీ
గత్వా తద్ధస్తపంకాత్ జనితమపి నరం ద్వాః స్థముద్దండచండం
హత్వాంతస్సంప్రవిష్టః కుపితసఖిముదే తం పునర్జీవయిత్వా
తస్మై విఘ్నేశ్వరత్వ ప్రముఖవరమదాత్కుంచితాంఘ్రిం భజేహం      156

ఏకాంతే జాతు యస్య ప్రముదితమనసా ప్రోక్తవేదాంత తత్వో
పేక్షారుష్టస్యవాక్యాద్ధిమగిరితనయా ధీవరాధీశవంశే
ఆవిర్భూయాంబుధిస్థ ప్రబలశఫరసంగ్రాహిణం యం వరేణ్యం
వృత్వా తద్వామభాగే వసతిమపి గతా కుంచితాంఘ్రిం భజేహం      157

కేకీ భూత్వా మృడానీ స్వపితృకృతశివద్వేషసంవృద్ధపాపం
భస్మీకర్తుం పురాణం శతధృతిరచితే కాననే యం త్రినేత్రం
సంపూజ్యానన్యదృష్టం నటనమతిముదా వీక్షమాణా కృపార్ద్రైః
యస్యాలోకైః పునీతా సమజని నితరాం కుంచితాంఘ్రిం భజేహం     158

యస్య క్షేత్రే మృతానాం సకలజనిభృతాం సంచితాదీని పాపా
న్యబ్దానేకప్రభోజ్యాన్యపి చ నిమిషతో భైరవశ్శూలఘాతాత్
భస్మీకృత్యాశు భూయో జననమృతి హరం తారకం యన్నిదేశాత్
తత్త్వం సంబోధయన్యత్సదసి వసతి తం కుంచితాంఘ్రిం భజేహం    159

విష్ణోరన్యః పరో నేత్యసకృదపి ముధా జల్పమానం మునీంద్రం
నందీ కోపప్రభూతస్తనితనిభరవస్తంభితప్రోచ్చ బాహుం
వ్యాసం దృష్ట్వా ముకుందః స్వపతిరితి శివం బోధయన్ యత్కృపాయా
నిన్యే పాత్రత్వమీశం తమఖిలవినుతం కుంచితాంఘ్రిం భజేహం       160

సర్వే దేవాశ్చ విష్ణోర్హృదయసరసిజోద్భాసి లింగం యజంతః
కృద్ధేప్యన్యోన్య చర్చాపదఘన విలసత్పంచరుద్రాదిమంత్రైః
స్తుత్వా యత్ప్రాప్త విద్యా జపపరకవిరాడ్యోగసంతప్త లోకాన్
సౌఖ్యం నిత్యుర్నితాంతం యదమలదయయా కుంచితాంఘ్రిం భజేహం     161

యస్యోక్త్యా విఘ్నరాజస్సురగణవినుతో రక్షసాం సార్వభౌమాత్
మాయా సమ్మోహితాద్యజ్జనిమ శుభకరం బాహునాదాయ భూమ్యాం
సంస్థాప్యాగ్రే యుయుత్సుం తమపి నిశిచరం స్వీయశుండాగ్ర రంధ్రా
కర్షాత్సంభుగ్రదేహం దశభుజమకరోత్కుంచితాంఘ్రిం భజేహం               162

ఆర్యావామాంసభూషా నవమణిగణభాసంగవైవర్ణనీల
గ్రీవాలోకాతిశంకి ప్రసృత విషభయాక్రాంత దిక్పాలవర్గం
చూడాచంద్రాజిహీర్షా దరవివృతఫణా కుండలీ కర్ణలోలద్
గంగాకూలాయమాన స్వసటవరవనం కుంచితాంఘ్రిం భజేహం        163

శింజన్మంజీరమంజుద్యుతి శమితజగన్మోహమాయావిలాసం
ఫాలాక్షిస్ఫార కుండప్రభవహుత వహధ్వస్త కామప్రభావం
సంసారాంభోధిమధ్యభ్ర మదఖిల జగత్తార నౌకాయితాంఘ్రిం
ద్వంద్వాద్వంద్వాదిశూన్యంవిజయినుతకృతిం కుంచితాంఘ్రిం భజేహం    164

ఏకాంతే యస్యలీలారదవసనసుఖాస్వాదదంతక్షతాని
వ్యాఘ్రత్వగ్రోమరూక్షా కనకమృదుతరక్షౌమభూతీరజాంసి
దృష్ట్వా కస్మాదియం శ్రీస్త్వయిభవతి వదేత్యాలిగీః సోపహాసం
శృత్వా గౌరీ తదాసీన్నత ముఖకమలా కుంచితాంఘ్రిం భజేహం      165

క్రీడాన్నాస్తే మహేశో గిరివరసుతయా సప్రమోదం మనోఙ్ఞే
హర్మ్యే నైవాద్య దేవా గదితుమవసరో యాత మౌనేన శీఘ్రం
ఏవం కోపారుణాక్షో విధిహరిముఖరాన్ వారయన్ యద్ధరాభృన్
మూలే నందీగణేంద్రైర్వసతి తమపరం కుంచితాంఘ్రిం భజేహం     166

అక్షక్రీడాసు లబ్ధ త్రిదశపురవధూ బోధనాత్స్వాంతకాలే
నూత్నానూత్నానుయోగాత్సవిశయశమన ప్రాప్తయత్సన్నిధానః
పాపారోపాతిరోషప్రహరణ సభయోద్భాంతచిత్రో యదుక్త్యా
విప్రః కశ్చిన్నిధీనామధిపతిరభవత్ కుంచితాంఘ్రిం భజేహం         167

హంస్యాం లబ్ధస్వజన్మా కరటవర వపుస్స్వర్ణ కాంతిర్భుసుంఠో
లేభే యస్య ప్రసాదాదనితరసులభం మృత్యుభీతేరభావం
కల్పే కల్పే వసిష్ఠ ప్రముఖమునివర ప్రశృతానేకవృత్తో
ప్యాస్తే యద్ధ్యానయోగాత్కనకగిరివరే కుంచితాంఘ్రిం భజేహం      168

ధూమ్రాక్షం రక్తబీజం మహిషమపి మధుం కైటభం చండముండౌ
క్రూరం శుంభం నిశుంభం సురరిపుమపరం దుర్గమత్యుగ్రవృత్తం
హత్వా యుద్ధే విధీంద్ర ప్రముఖ మకుట భాదీప్తసింహాసనస్థా
దుర్గాయస్యాదిశక్తిః నిఖిలమవతి తం కుంచితాంఘ్రిం భజేహం      169

జ్యోతిష్టోమాఖ్య సోమక్రతుసవనహవిః పుంజమత్యంత భక్త్యా
గూఢాకారం యమీశం సగణమపి శివం యఙ్ఞవాట ప్రవిష్టం
హేరంబోక్త్యా ప్రబుధ్వా స్వయమపి ముదితో యాజ్యయా యత్కరాబ్జే
దత్వా మారాభిధోగ్ర్యః శివనగరమగాత్కుంచితాంఘ్రిం భజేహం      170

క్రీడార్థం స్వార్థభాగ స్థిత గిరితనుజావక్త్రచంద్రావలోక
ప్రోద్యత్కందర్ప రక్షా ముకులితవరదృక్ఫాలపట్టాభిరామం
లీలాడోలానుకూల శ్వసన ముఖవృష ప్రాంతరాయాతమోహ
భ్రాంతస్వర్ధేనుమృగ్యత్సురనిజశరణం కుంచితాంఘ్రిం భజేహం      171

విధ్యండానేకకోటిచ్యుతికరడమరుస్ఫారఘోషాన్ నితాంతం
కల్పాంతాశంకిలోకాభయకరవలయవ్యాలరత్నాంశుకాంతం 
తిర్యక్కించిత్ప్రకుంచీకృతపదరవిభావాప్తిమోదానుధావద్
హస్తం ప్రోంచప్రసర్పచ్ఛిఖిలసితకరం కుంచితాంఘ్రిం భజేహం      172

భో భోః భ్రాతస్తవైషా షడపి వదనతా బ్రూహి మహ్యం కిమర్థం
జాతా చేత్యాదరేణ ద్విపవరవదనేనానుపృష్టే కుమారే
స్వామిన్ షట్ఛాస్త్రమద్యాభ్యసితుమథ పితుశ్చైకదేతి బ్రువాణే
దృష్ట్వా జిఘ్రత్పురా యో గుహమధిగిరి తం కుంచితాంఘ్రిం భజేహం     173

మత్స్యాక్షి క్రూరకూర్మాత్ పృథుతరకఠినత్వగ్ వరాహేంద్ర దంష్ట్రా
ఘోరాత్రైవిక్రమాస్థి ప్రబల నరహరి స్ఫారరక్తాజినాని
విష్ణోర్నేత్రాంబుజాతం విధిముఖనిచయం పూషదంతాంశ్చ ధృత్వా
యస్తద్దర్పప్రశాంత్యై ప్రథయతి విభుతాం కుంచితాంఘ్రిం భజేహం       174

ఆసేతోరాసుమేరోర్ధరణిగతనిజక్షేత్రవర్యేషు నిత్యం
సాహస్రాకారభాజాం స్వతనుమధిచ జుషచ్చిత్కలానాం ప్రమోదాత్
ఏకాం సంయోజయంస్తాం నిశి నిశి నిజహృత్పంకజే సన్నిరుంధన్
యో భాత్యానందమూర్తి ర్బహువిధఫలదం కుంచితాంఘ్రిం భజేహం      175

కల్పే కల్పే స్వకీయ ప్రభవలయభయం త్యక్తుమాద్యే పరార్ధే
వేదా యం కాలకాలం బహువిధ తపసా తోషయిత్వా యదుక్త్యా
త్రైసాహస్రం ద్విజత్వం దివిషద సులభం లబ్ధవంతః క్రమేణ
నిత్యం యం పూజయంతి స్వసరణివిధినా కుంచితాంఘ్రిం భజేహం      176

యస్యోత్కర్షం చ విష్ణో స్సదనమధిగతో వహ్నిసందగ్ధపీఠే
స్థిత్వా శృత్యంతవేద్యం శివమపి పరమం బోధయన్స్వాం చ భూతిం
ధిక్కుర్వన్ దుర్మతీనాం నికరమపి యదీయాఙ్ఞయా బంధువర్గైః
విప్రః కశ్చిద్ బుధేడ్యో రజతగిరిమగాత్కుంచితాంఘ్రిం భజేహం           177

గౌర్యాః పాణిం గృహీత్వా హిమగిరి కటకే సత్వరం స్థూలపృష్ఠం
ధర్మాకారం వృషేంద్రం నిజచరణజవోల్లంగితాంభోధివర్గం
అధ్యారూఢో నిజాంకస్థిత గిరితనయాం ప్రేయసీం వాగ్విలాసైః
లజ్జానమ్రాం ప్రకుర్వన్నతనుత విహృతిం కుంచితాంఘ్రిం భజేహం       178

యత్ఫాలస్థం మృగాంకం స్వరదమితి ముధా శుండయాదాయ తస్మిన్
బింబే దృష్టస్వవక్త్ర ప్రతిఫలన సమాకర్షణ వ్యగ్ర చిత్తం
దానామోదాను ధావద్ భ్రమర ముఖరిత స్వర్గ పాతాల భాగం
యో జిఘ్రత్స్వాంగసంస్థం గజముఖ మనిశం కుంచితాంఘ్రిం భజేహం      179

కాత్యాయమ్యాః కరాబ్జం దినకరవదనాధీత వేదార్థ బోధాత్
లబ్ధానందాంతరంగ ప్రశమితతమసస్తాపసస్యా శ్రమే యః
గృహ్యన్ సంసారవార్ధావధికభయకరే మగ్న సత్వ ప్రపంచం
నిత్యం రక్షన్నజస్రం జయతి శివపురే కుంచితాంఘ్రిం భజేహం        180

యన్మూర్తిం బ్రహ్మ నిష్ఠాః పరమహసి పదే ప్రాఙ్ఞమానందరూపం
శైవాస్సాదాఖ్యమూర్తిం హరిమితి చ పరే శక్తిమన్యే పరేతు
విఘ్నేశం చేతరేహ్నాం పతిమితి వటుకస్కందవిధ్యగ్నిశక్రాన్
ఇందుం కేచిద్విభావ్యాఖిలసుఖమభజన్కుంచితాంఘ్రిం భజేహం       181

ఏకం బ్రహ్మాద్వితీయం త్రివిధమపి చతుర్వాఞ్మయం పంచాబాణ
భ్రాతృవ్యం షడ్విపక్షద్విషదభివినుతం సప్తజిహ్వాలికాక్షం
అష్టమ్యేనాంకచూడం నవరసనటనాలోలవాసో దశాశం
రుద్రైస్సాదిత్యవర్గైః సతతనతపదం కుంచితాంఘ్రిం భజేహం        182

విష్ణోర్లాలాటదేశచ్యుత రుధిర ఝరీసంగమేనాప్యపూర్ణ
బ్రాహ్మం హస్తే కపాలం డమరుమపివహన్ విశ్వకద్రూన్ స్వపార్శ్వే
దంష్ట్రాగ్రాభాపిశంగీకృతవిపులజటో భైరవః క్షేత్రపాలో
విశ్వం రక్షన్నుపాధేర్యమపి భజతి తం కుంచితాంఘ్రిం భజేహం        183

సీతాహస్తాబ్జపిండీకృత వరపృథివీలింగ మూలానుకర్ష
త్రుట్యద్వాలాస్య శాఖామృగపతిరచిత స్తోత్రతుష్టాంతరంగం
రక్షోబృందప్రహార ప్రభవకలినివృత్యాశ్రితాంభోధితీర
శ్రీరామప్రష్ఠరాజార్చితపదయుగళం కుంచితాంఘ్రిం భజేహం        184

యోగాన్నిర్బీజసంఙ్ఞా త్సముదితపరమానందకాష్ఠాసమాధి
స్థిత్యా వల్మీకగూఢాం తనుమవనిగతాం నీతకల్పాం ధరన్ స్వాం
శ్రీమాన్ శ్రీమూలసంఙ్ఞో నృపనుతచరితో నిత్యనిస్సంగవిద్యో
ప్యాద్యస్సిద్ధో యమంతః కలయతి నితరాం కుంచితాంఘ్రిం భజేహం      185

హల్లీసోన్ముఖ్యకేళీ నమితనిజశిరసంస్థగంగాముఖేందోః
ఆలోకోత్పన్నకోపత్వరితగతిశివాసాంత్వనవ్యగ్రచిత్తం
దృష్ట్వా కంఠస్థనీలం జలముగితిముధాయాతకౌమారవాహాత్
బిభ్యద్భూషాఫణీనాం మణిరుచిసుషమం కుంచితాంఘ్రిం భజేహం        186

స్వర్గాధీశోపదిష్టా మఖిలసుఖకరీం యత్తిరోధానశక్తేః
విద్యాం మోదాజ్జపిత్వా సురయువతిసమామాప భైమీం స్వకాంతాం
యత్సోవానిర్గతార్కిగ్రహరచిత మహోపద్రవో నైషధేంద్రో
విశ్వం రక్షన్నిజాంతే ద్యుసదనమ భజత్కుంచితాంఘ్రిం భజేహం              187

కందర్పాణాం బహూనాం ప్రసవకరవారాపాంగ వీక్షావిలాసైః
ఉద్యానే రాజతాద్రేర్హరిధృతసుతనోః శాస్త్రభిఖ్యం కుమారం
ఉత్పాద్యాయాయాతగౌరీ మధురవచనతః పాలకత్వం వనానాం
సర్వేషాం దత్తవాన్ యస్త్రిజగదభినుతం కుంచితాంఘ్రిం భజేహం       188

ముగ్ధే కైలాసవాసీ జరఠశుభకరో గౌరి చర్మాంబరోసౌ
బ్రహ్మన్నైశ్వర్యదోంబే పితృభువి నటకృద్విప్ర కైవల్యదాతా
ఏవం యద్వాక్యభంగీం ముహురపి చ తిరస్కృత్య సద్మాంతరాలం
గంతుం వ్యగ్రాముమాం యోప్యకురుత ముదితాం కుంచితాంఘ్రిం భజేహం   189

యద్ధాసేందుప్రభూతా నిఖిలమపి జగద్వ్యాపినీ చంద్రికాభా
ప్యావిష్ణు స్థావరాంతం హృదయమధిగతం బాహ్యగం చాంధకారం
దూరీకృత్యాశు సర్వాన్ స్వపదసరసిజ ధ్యానశీలానజస్రం
రక్షత్యాద్యంతహీనం గురుభృగువినుతం కుంచితాంఘ్రిం భజేహం        190 

గోదావర్యాస్తటస్థో నృతవచనపరో దుష్టకార్తాంతికో యత్
క్షేత్రే గౌల్యాం జనిత్వా నిజసుకృతలవాత్స్వీయపాతోక్తిదోషం
భస్మీకర్తుం చిరం యం స్తుతిభిరభినమన్ సుందరాంగో యదుక్త్యా
జాతో యత్ క్షేత్రపాలో జయతి తమసమం కుంచితాంఘ్రిం భజేహం     191

భుక్త్వా హాలాహలాంశం యుధి నిహతతనుం దారుకాఖ్యం సురారిం
కృత్వా ఘోరస్వకృత్య ప్రచలితభువనాం భద్రకాళీం శివో యః
ప్రత్యేత్యానందనృత్తం పితృపతిభువనే దర్శయిత్వా తయాండాన్
సర్వాన్సంరక్షతీశస్తమినవిధునుతం కుంచితాంఘ్రిం భజేహం              192

యస్యోద్వాహే హిమాద్రిం గతవతి నిఖిలప్రాణివర్గేర్కసూనోః
ఆశామౌన్నత్యభాజం రచయితుమధురాం వింధ్యమద్రించ దైత్యం
ధిక్కర్తు కుంభజన్మా చులుకితజలధిః ప్రేషితో యేన మోదాత్
తం దేవం కోటి కోటి ద్యుమణితనురుచిం కుంచితాంఘ్రిం భజేహం       193

వీణాసంక్రాంతకాంతామధురతరరసాలాపగీతిప్రమోద
ప్రోద్యద్రోమాంచ కూటద్విగుణతనులతాభోగసుందర్యశిల్పం
యన్నానారత్నభూషా కిరణకబలితే దిక్తటే వప్రలీలాం
కుర్వంత్యద్యాపి మోదాత్ ద్విరదపరివృఢాః కుంచితాంఘ్రిం భజేహం   194

కస్త్వం కిన్నామధేయో ధరణిసురవపుః కంపితాపాదచండో
గోత్రం సూత్రం కులం త్వత్పితరమపి తథా మాతరం బంధువర్గం
శత్రుం మిత్రం కలత్రం తనయమపి వయో ఙ్ఞాతుమీహే తవేతి
ప్రోవాచాద్రౌ పురా యం ప్రతి గిరితనయా కుంచితాంఘ్రిం భజేహం      195

స్కందే విఘ్నేశశుండాం స్వకర సరసిజైః మానయిత్వా తదుక్తైః
స్వీయైర్వక్త్రాక్షిసంఖ్యా గణనపరిభవై రోదితే సానుకంపా
దేవీ దృష్ట్వా స్వసూనోశ్చరితమపి యదీయాఙ్ఞయా హేమకూటే
వాచా సప్రేమభాజావతనుత తనయౌ కుంచితాంఘ్రిం భజేహం         196

స్వామిన్ మాస్వాధిపత్యం శమనపదమహారాజ్యభారే మమాలం
పాశం దండంచ వాహం మహిషమపి భటాన్ త్వత్పదేద్యార్పయేహం
ఇత్యుక్త్వాగ్రే నతాస్యం శివయజనపరాకర్ష కుప్యద్గణేంద్రో
ద్విగ్నం దృష్ట్వా యమం యోప్యకురుత ముదితం కుంచితాంఘ్రిం భజేహం    197

పిత్రోర్దుఃఖైకహేతుం కమఠనిభతనుం పాపజాం స్వాం ప్రమోక్తుం
వార్ధౌ స్థిత్వా నిరుంధన్ రథమపి తరణేస్తన్ముఖాద్యస్యవిద్యాం
లబ్ధ్వా జప్త్వాథ భూత్వా సురయువతి సమాహ్లాది సౌందర్యకాయో
రాజా స్వామాత్యపుత్రీ పరిణయమకరోత్కుంచితాంఘ్రిం భజేహం            198

కిం దారైః కించ పుత్రైః కిమితిచ వసుభిః కిం సుహృద్భిః కిమన్యైః
భూయాన్నాస్త్యేవ సత్యం ఫలమితి హృదయే సంతతం చింతయంతః
త్యక్త్వా దుఃఖాదిహేతుం యదమల వసుధాప్రాంత క్లృప్తాశ్రమాస్తే
సిద్ధాస్సర్వే బభూవుర్యదనుగతధియః కుంచితాంఘ్రిం భజేహం           199

హేమాద్రిప్రాంత భాగ స్థలకమలవనా క్రీడనోద్యోగహంస
వ్రాతాలోకాపదేశాత్సవిధగత శివాహస్త గాఢోపగూఢం
నానాకారానుభూతానుపమరతిసముత్కూజితార్యాకుచాగ్ర
స్పర్శోన్మృష్టాలికాంత స్థలసితభసితం కుంచితాంఘ్రిం భజేహం       200

 



       

   








 


 

     






 

కుంచితాంఘ్రి స్తవం -1

కుంచితాంఘ్రిం నమస్కృత్య కుండలీకృత గాయకం
కుంచితాంఘ్రిస్తవం వక్ష్యే బ్రహ్మ నిష్ఠ ఉమాపతిః

బ్రహ్మాండం యస్య దేహం రవిజదిశి పదో వక్త్ర బృందాన్యుదీచ్యాం
తద్వైరాజాంతరంగే విలసతి హృదయంభోరుహే దక్షిణాగ్రే
మధ్యే సమ్మేలనాఖ్యే మునివరమనసా భావితే యంత్ర రాజే
యశ్శక్త్యా నృత్యతీశస్తమపి నటపతిం కుంచితాంఘ్రిం భజేహం      1

పంచాశత్కోటి సంఖ్యా పరిమితధరణి శ్రీ విరాంగాఖ్య ధాత్రోః
ఏక స్వాంతాబ్జ భిత్తి స్థిత కనక మహా యంత్ర రాట్కర్ణికాయాం
నృత్యంతం చిత్సభేశం తిసృభిరపి సదా శక్తిభిస్సేవితాంఘ్రిం
నాదాంతే భాసమానం నవవిధనటనం కుంచితాంఘ్రిం భజేహం     2

యస్మిన్నామూల పీఠావధి కనక శిలా మాతృకావర్ణ క్లుప్తే
బ్రహ్మ శ్రీనాథ రుద్రేశ్వర శరముఖభాక్సాంబసాదాఖ్య మూర్ధ్ని
భూతైశ్శాఖైశ్చ వేదైః స్తుతబహు చరితం స్తంభ రూపైశ్చ కుడ్యే
నృత్యంతం చిత్సభేశం నిరవధి సుఖదం కుంచితాంఘ్రిం భజేహం  3

యత్సంసత్పూర్వ భాగే దిశిదిశి విలసత్పూర్వభాగా నితాంతం
స్వాంతర్గూఢోత్తరాంశాః శివముఖ భవనాశ్చాగమాః కామికాద్యాః
అష్టావింశానుసంఖ్యా ధృత కనకమయ స్తంభరూపాః స్తువంతి
స్తుత్యం తం నృత్తమూర్తిం శృతిశతవితుతం కుంచితాంఘ్రిం భజేహం     4

యద్గోష్ఠప్యాం ద్వారబాహ్యే రజత గిరినిభం పంచవర్ణ స్వరూపం
సోపానం ద్వారభాగం జయవిజయ ముఖై రక్షితం ద్వారపాలైః
తత్వానాం షణ్ణవత్యా సహ విధి ముఖరాః పంచ దేవాశ్చ నిత్యం
యస్యాంతర్భాంతి తస్మిన్నవిరత నటనం కుంచితాంఘ్రిం భజేహం     5

యత్సూప్య శ్శక్తిరూపాః తదధర విలసద్రోమరూపాశ్చ కీలాః
ఉచ్ఛ్వాసాః స్వర్ణ పట్టాః తదుదరనిహితా దండరూపాశ్చ నాట్యః
నాట్యంతస్సర్వలోకాః ఫలకతనుగతా హస్తరూపాః కలాశ్చ
తస్యాం యో నృత్యతీశః తమనుపమతనుం కుంచితాంఘ్రిం భజేహం    6

విఘ్నేశస్కందలక్ష్మీ విధిముఖ శరరాట్పాదుకా వజ్రలింగ
జ్యోతిర్నృత్త స్వరూపైః వరుణముఖజుషా హాటకాకర్షమూర్త్యా
స్వాగ్రే దక్షే చ వామే పరివృత సదసి శ్రీ శివానాయకోయో
మధ్యే నృత్తం కరోతి ప్రభువరమనఘం కుంచితాంఘ్రిం భజేహం        7

ఆదౌ మాసే మృగాఖ్యే సురగురుదివసే తస్య భే పూర్ణిమాయాం
భిత్తౌ శ్రీచిత్సభాయాం మునివరతపసా దత్త వాక్పూర్తయే యః
నృత్తం కృత్వావసానే ఫణధర వపుషం వ్యాఘ్రపాదం మహర్షిం
చాహూయాభ్యాం అదాత్ యో నియతనివసతిం కుంచితాంఘ్రిం భజేహం    8
   
యస్మినృత్యత్యనాదౌ నికట తటగతౌ భానుకంపాఖ్య బాణౌ
శంఖ ధ్వనైః మృదంగ ధ్వనిభిరపి మహాంభోధి ఘోషం జయంతౌ
యస్యోంకారప్రభాయాం ధ్వనిమను సహితా రశ్మయశ్చైక వింశా
విద్యంతే తం సభేశం నతసురనికరం కుంచితాంఘ్రింభజేహం             9

పూర్వం మాధ్యందిని ర్యచ్ఛివ జనిమవరం పూజయంతత్ప్రసాదాత్
లబ్ధ్వా వ్యాఘ్రాంఘ్రి భావం తనయమపి శివానుగ్రహాద్దుగ్ధసింధుం
ఆనీయాస్మై ప్రదత్వా సదసిచ పరమం దృష్టవాన్యస్య నృత్తం
తం దేవం చిత్సభేశం నిగమనుత గుణం కుంచితాంఘ్రిం భజేహం           10

యనృత్త ధ్యాన యోగ ద్విగుణిత తనుభృత్ శ్రీశ సంవాహ భుగ్న
స్వాంగశ్శేషః కదాచిద్ధరిముఖ కమలోత్పన్న యద్వృత్త మాధ్వీం
పీత్వా తప్త్వాతిఘోరం రజతగిరిబిల ద్వార మార్గేణ యస్య
క్షేత్రం ప్రాప్యాన్వ పశ్యన్నటన మధి సభం కుంచితాంఘ్రిం భజేహం        11

ఆదౌ యః కర్మ కాండ ప్రవచన మహిమా జైమినిర్నామ యోగీ
వ్యాసోక్త్యా చిత్సభేశం ప్రభువరమురసానమ్య గత్వా సభాంతః
పాదాంతే వేదయుక్తం స్తవవర మకరోత్సర్వ సౌభాగ్యదం యం
పశ్యన్నద్యాపి దేవం సదసి వసతి తం కుంచితాంఘ్రిం భజేహం          12

గౌడేశః సింహవర్మా స్వతనుగతరుజా వ్యాకులస్వీయదేశాత్
ఆగత్య స్వర్ణ పద్మాకర వరసలిల స్నాన నిర్ముక్త రోగః
భూత్వా శ్రీ హేమవర్మా మునివర సహిత శ్శంభు నృత్తంచ దృష్ట్వా
యత్ప్రాసాదం విచిత్రం మణిమయ మకరోత్ కుంచితాంఘ్రిం భజేహం    13

ఆమ్నాయేష్వప్య నంతేష్వ నితర సులభాన్ భిన్నసంస్థాన్ విధీన్
ప్యాహృత్య శ్రీ ఫణీంద్రో నట యజన మహప్రోక్షణార్థంచ సూత్రం
కృత్వాదౌ దత్తవాన్ యత్తదుదిత విధినా యం సదారాధయంతి
త్రై సాహస్రం ద్విజేంద్రాః తమపి నటపతిం కుంచితాంఘ్రిం భజేహం      14

నిత్యం షట్కాలపూజాం శతధృతిరకరో దంద సాహస్ర సాధ్యం
యఙ్ఞం తస్మిన్మునీంద్రా సదసి సమభవ న్వ్యాఘ్ర పాదోక్తిభిర్యే
తత్పూజార్థం శిఖీంద్ర ప్రభవ మణినటః ప్రేషితో యేన మోదాత్
తన్మూర్తేర్మూలభూతం నవమణి మకుటం కుంచితాంఘ్రిం భజేహం       15

అంతర్వేద్యాం మహత్యాం శతధృతిరకరో దంద సాహస్ర సాధ్యం
యఙ్ఞం తస్మిన్మునీంద్రా సదసి సమ భవన్వ్యాఘ్రపాదోక్తిభిర్యే
తత్పూజార్థం శిఖీంద్ర ప్రభవమణి నటః ప్రేషితో యేన మోదాత్
తన్మూర్తేర్మూలభూతం నవమణి మకుటం కుంచితాంఘ్రిం భజేహం      16

నిత్యం పుణ్యాహమాదౌ గురువర నమనం శోషణాదిత్రయం చ
భీతీం శుద్ధిం కరాంగ ప్రణవసురముఖన్యాస జాతం చ కృత్వా
జప్త్వా మంత్రాన్ సమస్తాన్ శివమయతనవ శ్చాంతరారాధ్య యం ప్రాక్
విప్రా బాహ్యే యజంతి ప్రభువరమపితం కుంచితాంఘ్రిం భజేహం          17

స్థానాది ప్రేక్ష్య పాద్యాచమనమపి సుమైరర్చయిత్వాథ శంఖం
గవ్యార్చాం కుంభపూజాం జలయజన వృషాభ్యర్చనే ద్వారపూజాం
కృత్వా విఘ్నాదిపూజాం స్ఫటికజనిమరత్నేశ యోర్మజ్జనాద్యైః
యన్మూర్తిం పూజయంతి ప్రతిదిన మనఘాః కుంచితాంఘ్రిం భజేహం        18

గవ్యైస్తైలైః పయోభిర్దధిఘృత మధుభిశ్శర్కరాభిశ్చ శుద్ధైః
పశ్చాత్ పంచామృతాద్యైః లికుచ ఫలరసైః కైరపాథోభిరన్నైః
గంధైః గంగాద్భిరన్యై రనుదినమనఘా యస్య లింగం మునీంద్రాః
షట్కాలం పూజయంతి ప్రభుమపి తమజం కుంచితాంఘ్రింభజేహం      19

భిత్తౌ శ్రీచక్ర సంస్థాం తదను నటపతిం శైవచక్రాంతరస్థం
తద్వామే యుగ్మ హస్తా మపిచ శుకకరాం ఙ్ఞాన శక్తించ యష్ట్వా
గోబ్రహ్మాదీనథేష్ట్వా సకలవిధచరూ నర్పయిత్వా బలీంస్తాన్
హోమం కృత్వా యజంతి ప్రతిదినమపియం కుంచితాంఘ్రిం భజేహం    20

ధూపైర్దీపై రథాఖ్యైః ఫణిపురుష వృషైః కుంభ్ పంచాగ్నిహోత్రైః
ఋక్షైః కర్పూరభస్మ వ్యజనవరసిత చ్ఛత్రకైశ్చామరైశ్చ
ఆదర్శైః మంత్రపుష్పై రుపరితలసుకర్పూరకైః ప్రార్చ్య యంద్రాక్
త్యక్త్వా విద్యాం ప్రపశ్యంత్యనుదినమనఘాః కుంచితాంఘ్రిం భజేహం      21

యద్దేహ ప్రాంత బాహ్యే దశవృష సహితా న్యబ్జ పీఠాని నిత్యం
శక్రాదీనాం త్రికాలేష్వపి బలిహరణే పీఠ ముత్తుంగమన్యత్
యద్వాహ్యే దిక్షుచాగ్రే నవశిఖరిసమా భాంతి దండా ధ్వజానాం
తద్వేహాంతస్సభాయాం అనవరతనటం కుంచితాంఘ్రిం భజేహం         22

ప్రత్యబ్దం జ్యేష్ఠమాసే నవవృష సహితాః కేతవో భాంతి మాఘే
మాసే పంచధ్వజాస్స్యుః మృగశిరసి తథా కేతురేకః ప్రధానః
యస్య బ్రహ్మోత్సవానాం నవశరశిఖినశ్చైకవహ్నిః ప్రధానః
తం దేవం చిత్సభేశం నవనిధి నిలయం కుంచితాంఘ్రిం భజేహం       23

యస్యాద్యే సప్తవింశత్యమల దినమహే ఋత్విగగ్రత్వ నవ స్యుః
మాఘే పంచర్త్విగగ్రత్వా మృగశిరసి శివరక్షోత్సవే చైక ఏవ
నిత్యార్చాస్వేక ఏకో యజనకృత ఇమే యజ్వవర్యేషు శుద్ధాః
తం దేవం చిత్సభేశం నిరుపమితతనుం కుంచితాంఘ్రిం భజేహం       24

ఆదౌ కృత్వాగ్నిహోత్రం వపన పవనమంత్రాచమానాని పశ్చాత్
కూశ్మాండైర్దేహశుద్ధిం పద యజనముఖం వాస్తుపర్యగ్ని కర్మ
నాందీమృత్స్వంకురాణి ప్రతిసరమృషభ ప్రోక్షణం యన్మహేష్వ
ప్యారాదారోహయంతి ధ్వజపటమనఘాః కుంచితాంఘ్రిం భజేహం       25

మంచే చంద్రార్క భూతేష్వపి వృష గజరాడ్రాజతా ద్రిష్వయాశ్చే
సోమా సందస్వరూప స్స్వయమురునయనే గోరథే మార్గణో యః
స్థిత్వా బ్రహ్మోత్సవేషు త్రిషుచ నటపతిః ప్రత్యహం వీథియాత్రాం
కృత్వా స్నాత్వా సదస్స్వం ప్రవిశతి శివయా కుంచితాంఘ్రిం భజేహం        26

క్రీడేన శ్రీశనామ్నా చరణ సరసిజం యస్య శంభోర్నదృష్టం
హంసేన బ్రహ్మ నామ్నా న ముకుట శిఖరం యస్య దృష్టం కిలాసీత్
ఓంకారే నిత్యవాసం త్రిదళ సుమవరైరర్చ్యమానాద్భియుగ్మం
హంసం హంసైరుపాస్యం హరిహర వపుషం కుంచితాంఘ్రిం భజేహం      27

పూర్వం ఙ్ఞానోపదేశం మణిమయవచసే కుందవృక్షస్యమూలే
కృత్వా సాదిత్వమాప్త్వా నృపతికరలసస్వర్ణవేత్ర ప్రహారం
లబ్ధ్వా తేనోక్త గానైర్మధురస భరితై తృప్తిమాప్త్వాథ తస్మై
ముక్తిం ప్రాదాద్య ఈశస్తమఖిల సుహృదం కుంచితాంఘ్రిం భజేహం       28

దేవో యః పుల్కసాయ దిజకులజనుషే వల్కలస్యాత్మజాయ
నందాభిఖ్యాయ ముక్తిం కణతృణ సుధియే దత్తవాన్ భక్తివశ్యః
నిత్యత్వం వ్యాఘ్రపాద ప్రథిత ఫణిపతిస్తోత్రకృజ్జైమినిభ్యః
తాంస్తాన్ కామాంశ్చ సర్వాన్ తమజరమమరం కుంచితాంఘ్రిం భజేహం     29

ఆహృత్య బ్రహ్మ శీర్షం సకల జనిమతాం దర్శనాయ స్వదక్షే
పార్శ్వే సంస్థాప్య పూర్వం శృతివదన విధిం వామతోస్థాపయద్యః
అద్యారంభాత్మయోనే మదుపహృతహవిశ్శేషభుక్త్వం భవేతి
స్వాఙ్ఞాప్యాకాశరూప స్తమపి నటపతిం కుంచితాంఘ్రిం భజేహం               30

పార్థాయ స్వాస్త్ర దానం పశుపతిరకరోద్యః పురా రాజతాద్రౌ
యుద్ధం తేనైవ కృత్వా వనచరతనుభాగ్భిన్నశీర్షస్తథాసీత్
భీమస్వాంతార్చనాఢ్యై స్త్రిదళ సుమవరైశ్ఛన్నగాత్రో నితాంతం
జాతస్తం చిత్సభేశం నిఖిల తనుగతం కుంచితాంఘ్రిం భజేహం        31

ఆశీన్మేరుశ్శరాసో ధరణిరపిరథో జ్యాభవత్సర్ప రాజో
ప్యాస్తాం చక్రేర్కసోమౌ సరసిజనిలయస్సారథిర్యస్య శంభోః
ఆసన్నశ్చాశ్చవేదా జలనిధిశరధే స్త్రైపురం హంతుమిచ్ఛోః
హేతుం తం లోకసృష్టి స్థితిలయ కరణే కుంచితాంఘ్రిం భజేహం       32

క్షీరాబ్ధేర్మందరాద్రి ప్రమథన సమయే ప్యుత్థితేకాలకూటే
గచ్ఛత్సు ప్రాప్య భీతిం నిఖిలసుర కులేష్వప్యనాదిః పురస్తాత్
ఆవిర్భూయప్రభుర్యస్సకల సురగణాన్ ప్రాశ్య తం కాలకూటం
సద్యోరక్షత్తమీశం తుహినగిరినుతం కుంచితాంఘ్రిం భజేహం        33

కృత్వా జంబూఫలాభం విషమఖిల జగద్భక్షణే జాగరూకం
స్వాస్యే ప్రక్షేపమాత్రా నిజజఠరవసత్ప్రాణి సౌఖ్యాయ దేవీ
కంఠం సంగృహ్య హస్తా త్ప్రియముఖకమలం వీక్షమాణా కిలాసీత్
తాం దృష్ట్వా న్వగ్రహీద్య స్తమఖిల వరదం కుంచితాంఘ్రిం భజేహం     34

మార్కండేయే పురాశ్రీరజతగిరిపతే ర్లింగపూతా ప్రవృత్తే
పాశైః కర్షత్యథార్కౌ భయకర వదనే లింగమధ్యాన్మహేశః
ఆగత్యారక్షదేతం మునిమథ శమనం మారయామాసదేవో
యస్తం నిత్యం నటేశం నిఖిల నృపనుతం కుంచితాంఘ్రిం భజేహం      35

సృష్ట్వా బ్రహ్మాణమాదౌ శృతిగణ మఖిలం దత్తవాన్యో మహేశః
తస్మై నిర్మాల్య భుక్త్వం స్వసదసి విలసత్పంచపీఠా ధరత్వం
సూతత్వం స్వస్య మూర్ధ స్థితమకుటవర ప్రేక్షణే హంసభావం
తం దేవం చిత్సభాయాం స్థితిజుషమమలం కుంచితాంఘ్రింభజేహం     36

యోమార ప్రేషితోభూత్స్వసవిధ మసురో త్సారితై స్స్వర్గిభిః స్వం
యోగారూఢాత్సమాధే శ్చలయితుమచలే రాజతే నన్య దృష్టిం
తం మారం ఫాలనేత్ర జ్వలన హతతనుం యోకరో ద్దక్షిణాస్యః
సేవాహేవాకలక్ష్మీపతిముఖ నిబిడం కుంచితాంఘ్రిం భజేహం               37

విష్ణుర్బ్రహ్మా రమేంద్రో దహాన పితృపతీ రాక్షసానామధీశః
పాశీ వాయుః కుబేరః త్రిదృగరుణముఖా దేవతాశ్చంద్రసూర్యౌ
నిత్యం యత్ క్షేత్రరాజే పశుపతినటనం దృష్టవంతః స్వనామ్నా
లింగాన్ సంస్థాప్య నత్వా సుఖవరమభజన్ కుంచితాంఘ్రిం భజేహం    38

సీతాజానిః పురస్తా ద్విధికులజనుషం రావణం సాంగమేకో
హత్వా తద్దోషశాంత్యై నలముఖ కపిభిః నిర్మితే రామసేతౌ
లింగం సంస్థాప్య యస్యా నవరతయజనా త్ప్రాప్తవానిష్టసిద్ధిం
తం శంభుం వేదవేద్యం ప్రణతభవహరం కుంచితాంఘ్రిం భజేహం       39

మోహిన్యా శంభురాదావతి నిబిడ వనే దారుకాఖ్యే చరన్యః
సౌందర్యాద్విప్రదారాన్ముని గణమపి తం మాయయా మోహయిత్వా
వ్యర్థీకృత్యాభిచారం ద్విజకులవిహితం సంప్రదర్శ్యాత్మనృత్తం
విప్రాంశ్చాన్వ గ్రహీద్య స్తమపి గిరిశయం కుంచితాంఘ్రిం భజేహం        40

పూర్వం వాల్కల్యభిఖ్యాన్నిహత తనువరో దేవరాడ్ విష్ణుమాస్వా
చోక్త్వా స్వోదంతమస్మై సహ మురరిపుణా ప్రాప్య యత్ క్షేత్రమీశం
ఆరాధ్యాస్వా సువీర్యం యదనఘ కృపయా మారయామాస శత్రుం
తం దేవం చిత్సభేశం వరరుచివినుతం కుంచితాంఘ్రిం భజేహం         41

యద్దక్షేద్యాపి విష్ణుర్మణిమయసదనే దక్షిణే స్వాంగియుగ్మం
కృత్వాస్యం చోత్తరస్యాం శరముఖ ఫణిరాడ్ భోగతల్పే శయానః
నిత్యం నిద్రాం ప్రకుర్వన్నపి హృది సతతం యత్పదం ధ్యాయతీడ్యం
దేవ్యా తం చిత్సభేశం సుతగజ వదనం కుంచితాంఘ్రిం భజేహం         42

సంబంధస్సుందరః శ్రీమణిమయవచనో జిహ్వికారాజనామా
చత్వారోప్యాత్మగానై ర్వివిధ రసభరై స్త్సోత్రరూపైర్యమీశం
స్తుత్వా తత్తత్థ్సలాంతః స్థితిజుషమపి యం  చైకమద్వైతమూర్తిం
ప్రాపుర్ముక్తిం తమాద్యం కృతవిధుమకుటం కుంచితాంఘ్రిం భజేహం    43

కైలాసాద్రౌ వటద్రోర్నికట మధిగతో దక్షిణామూర్తి రూపః
తర్జన్యంగుష్ఠయోగా త్సనకముఖమహాయోగినాం ఙ్ఞానదాతా
మౌనేన శ్రీ కుమారం నిటిలనయనతో దగ్ధ దేహంచ కృత్వా
యశ్చాస్వాదీంద్ర కన్యాం సుతవరమసృజత్ కుంచితాంఘ్రిం భజేహం    44

శూరాది ధ్వంసనార్థం సుతకరకమలే దత్తవాన్శక్తిమాదౌ
సర్వాస్త్రంచోపదిశ్య ప్రబల సురరిపూన్ కాల సామీప్య భాజః
కృత్వోదూహ్యేంద్రకన్యాం వనచరతనుజాం గేహమాయాహి తాతే
త్యుక్త్వా చాన్వగ్రహీద్యో గుహమపిముదితః కుంచితాంఘ్రిం భజేహం       45

కాల్యా సాకం పురా యస్సురమునిసదసి స్వాంఘ్రిముద్యమ్య చోర్ధ్వం
నృత్తం కృత్వాథ కాలీం పశుపతిరజయత్తద్వహ్రిష్కార పూర్వం
సర్వే దేవామునీంద్రాః ప్రభురితిచ వదంత్యూర్ధ్వ నృత్తేశమూర్తిం
యం దేవం పూజయంతి ప్రతిదినమనఘాః కుంచితాంఘ్రిం భజేహం     46

అంతర్వేద్యాం స్వయఙ్ఞే దివిషదధిపతౌ సామగానైస్తథోచ్చైః
ఆహూతేనాగతే స్మిన్యదమల నటనం దృష్టవంతం సురేంద్రం
సద్యో బుధ్వాత్మభూస్తం స్వయమతితరసానీయ యస్యాతిదేశాత్
విప్రైస్సాకం స్వయఙ్ఞం సురనుతమకరోత్ కుంచితాంఘ్రిం భజేహం      47

యశ్శంభుః కాలహంతా జలధరమసురం స్వాంఘ్రి చక్రేణ హత్వా
తాదృష్కృత్యాస్త్రశస్త్రైః వినిహత వపుషస్సర్వలోకానరక్షత్
యం స్వక్రోధ స్వరూపం జలధరమసురం నాశయంతం వరేణ్యం
సర్వే లోకా వదంతి ప్రమథ పతినుతం కుంచితాంఘ్రిం భజేహం         48

కైలాసాద్రౌ కదాచిత్పశుపతినయనా న్యద్రిజాతా పిధాయ
క్రీడాంచక్రేంధకారాత్సురరిపురుదభూ దంధకాఖ్యోతి దృష్టః
తద్ దుష్కృత్యం జగత్యాం ప్రసృమరమసహై స్సర్వలోకైః స్తుతో యః
తం హత్వారక్షదేతాంస్తమజహరినుతం కుంచితాంఘ్రిం భజేహం           49

హాలాస్యే మీననేత్రా పరిణయసమయే దర్శనాయాగతాభ్యాం
సర్పేంద్రవ్యాఘ్రపద్భ్యాం రజత సదసి యస్స్వాంఘ్రిముద్యమ్య వామం
నృత్తం కృత్వా మునీంద్రా వితరమునిసురాం స్తోషపాథో ధిమగ్నాన్
చక్రే తం సుందరాంగం మధురిపువినుతం కుంచితాంఘ్రిం భజేహం      50

మాఘే మాసే మఖక్షే వరుణ విరచిత బ్రహ్మ హత్యా విముక్త్యై
ప్రీత్యా యస్సన్నిధాయ స్వయమురుమకరైః పూరితేబ్ధౌజలేశం
స్నానాన్ముక్తస్వపాపం నిఖిలమపి జనం కారయామాస పూర్వం
తం దేవం చిత్సభాయాం అనవరతనటం కుంచితాంఘ్రిం భజేహం     51

దక్షే యష్టుం ప్రవృత్తే పరమశివమనాదృత్య తత్కన్యకాయాం
జత్వా తత్ర స్వతాతం నతవదనముపేక్ష్యైద్రమగ్నిం విశంత్యాం
గౌర్యాం కోపాద్య ఈశో దశశతవదనం వీరముత్పాద్య కాళీం
తాభ్యాం దక్షాదినాశం వ్యరచయదతులం కుంచితాంఘ్రిం భజేహం      52

పార్థో యల్లింగబుద్ధత్వా యదుకులతిలకం పూజయామాస పూర్వం
తన్నిర్మాల్యం సమస్తం రజతగిరినిషచ్ఛంకరాంఘ్రౌ ప్రదృష్ట్వా
భీమస్వాంతార్చితం చ స్వసఖమపి గురుం పృష్టవాంస్తచ్చరిత్రం
తం దేవం చిత్సభాయాం కృతనటనవరం కుంచితాంఘ్రిం భజేహం      53

కృష్ణో యల్లింగపూజా మనుదినమకరోద్యమునే వామతీరే
తన్నిర్మాల్యం గృహీత్వా యజతి పరశివం చోపమన్యౌ మునీంద్రే
ఙ్ఙాత్వై తద్వృత్తమారాత్తదమలకరవాగ్దృష్టి భిర్దృష్టిభిర్దీక్షితోభూత్
తత్పూజాలింగమూలం తమనఘ నటనం కుంచితాంఘ్రిం భజేహం     54

ఓంకారార్థం షడాస్యే రజతగిరివరే పృచ్ఛతి బ్రహ్మదేవం
చోంకారార్థోహమస్మీ త్యనువదతి విధౌ శిక్షయామాస తం యః
తద్వక్త్రాదర్థమేనం స్వయమపి కుతుకాచ్ఛ్రోతు మత్యాదరేణ
స్వాంకే సంస్థాప్య సూనుం ప్రముదితమకరోత్ కుంచితాంఘ్రిం భజేహం    55

వైకుంఠో నిత్యమాదౌ పశుపతిమనఘైః పుండరీకైస్సహస్రే
ణార్చాం కుర్వన్ కదాచిన్న చరమకమలం దృష్టమాసీత్తదైవ
ఉత్పాటత్వ స్వాక్షిపద్మం యదమలపదయో రర్పయిత్వాథ యస్మాత్
చక్రం సంప్రాప్య రేజే తమపి నటపతిం కుంచితాంఘ్రిం భజేహం           56

కైలాసోద్యానదేశం సహ గిరిసుతయా స్వైకదా చంద్ర చూడః
సద్యస్తత్రేందిరాగా ధర భువి నివసన్యః కపీశార్చితోభూత్
యస్తస్మై సార్వభౌమత్వపదమపి దదావస్త్ర శస్త్రావలించ
తం దేవం పారిజాతాద్యఖిలసుమధురం కుంచితాంఘ్రిం భజేహం       57

స్వర్గాధీశః కదాచిత్కపివదన నృపా న్నాశయిత్వా స్వశత్రూన్
దత్వాస్మై త్యాగరాజం షడపి తదితరాన్ ప్రేషయామాస రాఙ్ఞే
సోప్యాధారాది సప్తస్థల వరసదనేష్వగ్రజై రర్చతే స్మ
తన్మూర్తీనాం చ మూలం మునిగణవినుతం కుంచితాంఘ్రిం భజేహం    58

వాశిష్ఠాద్యా మునీంద్రాః ప్రతిదినమయుతం పంచవర్ణం జపంతో
యత్ క్షేత్రే వత్సరాంతే హవనమపి తథా తర్పణం బ్రహ్మ భుక్తిం
కృత్వా స్వాభీష్ఠ మాపుర్నటపతిపుత్తస్తత్సపర్యా విధాయ
ప్రేమ్ణా తం చిత్సభేశం విధిముఖ వినుతం కుంచితాంఘ్రిం భజేహం     59

కంచిద్దేవం సభాయాం సకలమునివరై రర్చ్యమానాంఘ్రి పద్మం
ఇచ్ఛా దేవ్యా స్వశక్త్యా మిలితమనుపమం సచ్చిదానంద నృత్తం
వామే భిత్యర్ధవామే స్థితయుగభుజయా ఙ్ఞానశక్త్యాచ దృష్టం
సర్వేషాం భక్తిభాజాం నిఖిల సుఖకరం కుంచితాంఘ్రిం భజేహం             60

లక్ష్మీ పుష్పం తథార్కం బకగరుతమధః కృష్ణ ధుత్తూర పుష్పం
గంగా చంద్రౌ జటాశ్చ స్వశిరసి సతతం కర్ణయోర్గాయకౌ ద్వౌ
హస్తేష్వహ్యగ్నిఢక్కాః పదకమలయుగే రత్నమంజీరభూషా
ధృత్వా యస్సాంబరూప స్సదసి జయతి తం కుంచితాంఘ్రిం భజేహం   61

భూషారూపైః ఫణీంద్రైర్ద్విగుణిత మహసం పుష్పహాసం పురారిం
భస్మాలిప్తాంగమీశం భవమయ జలధే స్తారకం భక్తిభాజాం
ధర్మాదీంస్తాన్ పుమర్థాందదతమనుదినం దక్షిణాస్యం స్వభక్తైః
భాషారూపైశ్చ గానైః కృతనుతిమమితం కుంచితాంఘ్రిం భజేహం        62

యస్యోర్థ్వే దక్షపాణౌ వినిహితడమరో ర్మాతృకావర్ణరూపం
త్రైచత్వారింశదర్ణం చతురధికదశాలంకృతం సూత్రజాలం
జాతం యత్తద్గృహీత్వా పణనసుతముఖాః శబ్దశాస్త్రాదిగర్భం
తత్తచ్ఛాస్త్రాణ్య కుర్వందరహసితముఖం కుంచితాంఘ్రిం భజేహం     63

వామే కృత్వా శిఖీంద్రం డమరుమపికరే దక్షిణేభీతిముద్రాం
యోన్యస్మిన్ వామపాదం సరసిజ సదృశం కుంచితం డోలహస్తాత్
భుక్తేర్ముక్తేశ్చదానే నిపుణమిదమితి ప్రాణినాం దర్శయిత్వా
నృత్యంతం చిత్సభాయాం శృతిశిఖరనుతం కుంచితాంఘ్రిం భజేహం    64

మూలాధారాదిషట్కేప్యనవరత నటం యం విరాజో హృదబ్జే
సర్పేంద్ర వ్యాఘ్రపాదప్రముఖ మునినుతం షట్సు కాలేషు వేదైః
ఆరాధ్యాభీష్టసిద్ధిం ద్విజకులతిలకాః ప్రాప్నువంతి ప్రభుం తం
చిచ్ఛక్త్యా యుక్తమాద్యం కనకగిరికరం కుంచితాంఘ్రిం భజేహం          65

వేదాంతోక్తాత్మరూపం విధిహరితనుజం విశ్వనాథం సదస్థ్సం
స్వధ్యానాన్నాశయంతం సకలభువనగం మోహమప్యంధకారం
చంద్రోత్తంసం స్మితాస్యం సితభసితలసత్ఫాలదేశం త్రినేత్రం
విశ్వైర్దేవైర్నతాంఘ్రిం వివిధ తనుగతం కుంచితాంఘ్రిం భజేహం       66

చక్షూంష్యర్కాగ్నిచంద్రా శ్చరణమహిభువి వ్యోమ్ని కేశాస్చ యస్యా
ప్యష్టా వాసాశ్చవస్త్రం నిఖిలభువన సంలగ్నహస్తో ద్వితీయః
కుక్షిర్వారాశిజాలం నటనశుభతలం రుద్రభూమిశ్చ నిత్యం
తం దేవం చిత్సభేశం శృతిగణవినుతం కుంచితాంఘ్రిం భజేహం      67

దీర్ఘాయుః పుత్రపౌత్రాం ధనగృహవసుధా వస్త్ర భూషాగజాశ్వాన్
విద్యారోగ్యేశభక్తీర్జలజసమ ముఖీ స్సుందరీః భృత్యవర్గాన్
ముక్తిం యనృత్తమూర్తే శ్చరణ సరసిజం పూజయంతో లభంతే
తం దేవం చిత్సభేశం సకరుణ హృదయం కుంచితాంఘ్రిం భజేహం    68

   నిత్యార్చాస్వన్వహం యః ప్రదిశతి నితరాం భుక్తయే కాంచనాదీన్
విప్రాణాం సప్తపాకాన్ హవిరపి సకలం సౌమికాస్సప్తసంస్థాః
కృత్వా నృత్తేశ పూజాం శృతివిహిత పథా కుర్వతాం శ్రీ సభేశః
తం దేవం నృత్తమూర్తిం మణిమయపదకం కుంచితాంఘ్రిం భజేహం     69

భూతే సంస్థాప్యచైకం చరణ సరసిజం దక్షిణం వామపాదం
శింజన్మంజీరశోభం విధిముఖదివిషత్పూజితం భక్తిభాజాం
ధర్మాదీష్టాన్ ప్రదాతుం ధనలిపిసహితం కించిదుద్ధృత్య తిర్యక్
చాకుంచ్యానందనృత్తం కలయతి వరదం కుంచితాంఘ్రిం భజేహం     70

యామ్యే శ్రీనూపురాఖ్యా జనిభృదఘహరా నిమ్నగా భాతియస్యో
దీచ్యాం శ్వేతాభిధానా వరుణదిశి మహావీరభద్రాఖ్యవాపీ
ప్రాచ్యామబ్ధిస్సమీపే తదుదరవిలసత్తిల్వకాంతారనామ్ని
క్షేత్రే యశ్చిత్సభాయాం నటతి సకలగం కుంచితాంఘ్రిం భజేహం     71

పంచప్రాకారయుక్తే ప్రవిలసతి పురేపంక్తితీర్థప్రవీతే
సర్వాశావ్యాప్త కీర్తిద్విజవర నిబిడే వ్యోమనామ్న్యాత్మరూపే
మధ్యే శ్రీచిత్సభాయాం కలయతి నటనం సర్వదా సాంబికో యః
తం దేవం వేదమూర్ధస్థితిజుషమనఘం కుంచితాంఘ్రిం భజేహం      72

భాసంతే నైవ యస్మిన్రవిశశి హుతభుక్తారకాశ్చాపి విద్యుత్
యస్మాద్భీత్యేంద్ర వాయూ మిహిరకిరణజో దూరతో యాంతి నిత్యం
యద్రూపం యోగివర్యా హృదయ సరసిజే చింతయంత్యన్వహం తం
శ్రీమంతం చిత్రరూపం వసుకరకమలం కుంచితాంఘ్రిం భజేహం     73

షట్కాలార్చాసు నిత్యం స్ఫటిక మణిమయే లింగనృత్తేశమూర్తీ
శుద్ధైస్తీర్థైః కదాచిత్స్వమపి నటపతిం చాభిషేక్తుం సమంత్రం
మూర్ధాలంకారభూతా ప్రవహతి పరమానందకూపే యదుక్త్యా
గంగా తం చిత్సభేశం సురవరవినుతం కుంచితాంఘ్రిం భజేహం      74

స్తంభాకారైః పురాణైర్ధృత కనకసభా భాతి యస్యాగ్రభాగే
యస్యాం ధర్మ స్వరూపో వృషభపతిరుదగ్వక్త్రపద్మే విభాతి
యస్యామీశస్య దేవ్యాః స్ఫటిక వటుకయో రత్నమూర్తేః మునీంద్రాః
కుర్వంత్యద్భిః ప్రపూజాం తమపి నటవరం కుంచితాంఘ్రిం భజేహం    75

యద్గేహం పంచసాలైర్దిశి దిశి విలసత్ గోపురైర్వేదసంఙ్ఞైః
అన్నాది బ్రహ్మకోశత్వముపగత సభా పంచకైర్భాతి తీర్థైః
శ్రీమూలస్థానదేవీ హరిగజవదన స్కందగేహైశ్చ నిత్యం
తత్రత్యానందకోశే విరచితనటనం కుంచితాంఘ్రిం భజేహం       76

గంగా తీరశ్చ పశ్చాద్విలసతి సదనే సచ్చిదానందరుపా
దేవీ యా సర్వ విద్యాలయముఖకమలా భాసతే వేదాహస్తా
యా యస్య ఙ్ఞానశక్తి శ్శివపదసహితా కామసుందర్యభిఖ్యా
తద్దేవ్యా దృష్టనృత్తం శృతినిహితపదం కుంచితాంఘ్రిం భజేహం     77

బ్రహ్మైవాఖండమేతన్నటనపతి తనుం ప్రాప్య వక్త్రాత్ ద్విజేంద్రాన్
బాహుభ్యః క్షత్రవర్గాన్ సకలపశుతతేః పాలనాయోరుయుగ్మాత్
వైశ్యాన్ పద్భ్యాంచ శూద్రానవికల మసృజల్లీలయా దేవరాడ్యః
తం దేవం చిత్సభేశం శృతివినుత కథం కుంచితాంఘ్రిం భజేహం     78

స్వస్యాం శ్రీచిత్సభాయాం నటనమతిముదా కర్తుముద్యుక్తవాన్ యో
దేవేంద్రే వేణుహస్తే మురజకరయుగే శ్రీపతౌ తాలహస్తే
బ్రహ్మణ్యానందభాజో జిమినసుతఫణి వ్యాఘ్రపాదాస్తదానీం
జాతాస్తం బ్రహ్మరూపం సగుణమతిగుణం కుంచితాంఘ్రిం భజేహం     79

విష్ణోర్మంచః కదాచిచ్ఛరవదనయుతశ్రీపతంజల్యభిఖ్యః
చాత్రేః పుత్రత్వమాప్త్వా శివపణనజయోస్సూత్రభంగీ సమీక్ష్య
శంభోర్యస్య ప్రసాదాదరచయదతులం శ్రీమహాభాష్య సంఙ్ఞం
గ్రంథం యత్ క్షేత్రరాజే తమలికనయనం కుంచితాంఘ్రిం భజేహం        80

పంచాశద్వర్ణయుక్తై ర్మనుభిరభిమతం కాంక్షిణం దేహభాజాం
స్వక్షేత్రాభిఖ్యమంత్రైరపివితత మహాపంచ పంచప్రయోగైః
యుక్తైర్గాయత్రిసంఖ్యై ర్ధ్వనిమనుభిరతా భీష్ఠసిద్ధిప్రదో యః
తం తత్వాతీతమాద్యం కనక కవిచనం కుంచితాంఘ్రిం భజేహం        81

యస్య స్వాంతాంబుజాతా దుడుపతిరుదభూచ్చక్షుషశ్చండరశ్మిః
వక్త్రాంభోజాచ్చ వహ్నిర్ద్వివిషదధిపతిః ప్రాణతో గంధవాహః
యన్నాభేరంతరిక్షం చరణ సరసిజాత్కుంభినీ ప్యౌశ్చ శీర్ష్ణః
కాష్ఠాశ్చ శ్రోత్రయుగ్మాత్తమపి పరశివం కుంచితాంఘ్రిం భజేహం        82

విద్యాం వామేక్షణేందోః శ్రియమపి కలయన్ దక్షనేత్రాబ్జ బంధోః
ఫాలేక్షాచ్చిత్రభానోః సకలజనిమతాం పాపతూలం చ దగ్ధ్వా
స్వస్యాంఘ్యా లోకమాత్రాదుపనిషదుదిత బ్రహ్మబోధం ప్రయచ్ఛన్
యస్సర్వాన్రక్షతీశ స్తముడుపతిధరం కుంచితాంఘ్రిం భజేహం       83

కైలాసే భోగపుర్యా సకలజనిమతాం హేతురాస్తే శివోయః
సర్వ క్షేత్రేషు గూఢే విలసతి సతతం స్వాంశసాదాఖ్యరూపః
సోప్యేవాంశీ ధరణ్యా హృదయ సరసిజే చిత్సభాంతస్థభిత్తౌ
కుర్వన్నృత్తం ముదాండానవతి తమనఘం కుంచితాంఘ్రిం భజేహం    84

యద్భాసా భాతి నిత్యం సకలమపి జగత్తత్పరం జ్యోతిరేవ
వైరాజే హృత్సరోజే కనక సదసి వై సాంబనృత్తేశమూర్తిః
భూత్వా నృత్తం కరోతి ప్రభురపి జగతాం రక్షణే జాగరూకః
తం దేవం చిత్సభేశం విధృత సుమసృణిం కుంచితాంఘ్రిం భజేహం     85

ఆత్మైవ శ్రీ నటేశో  ధరణిరవిజలాన్యగ్నివాయూ విహాయ
శ్చంద్రో యజ్వా చ భూత్వావతి జగదఖిలం పంచవింశేశ భిన్నః
తత్వాతీతో మహేశో ప్యురు రణురఖిలా భ్యంతరే రాజతే యః
తం సోమం సోమమిత్రం సుముఖ గుహసుతం కుంచితాంఘ్రిం భజేహం   86

యద్గేహ్నోచ్ఛ్వాసరూపా శృతిరపి సకలా తత్సమానా స్మృతిశ్చ
కల్పా గాథాః పురాణం వివిధమనువరాస్సేతిహాసాశ్చా విద్యాః
సర్వత్రాద్యాపి భాంతి స్వయమపి కృపయా యత్సభాయాం నటేశో
భూత్వా లోకాన్సమస్తానవతి తమసమం కుంచితాంఘ్రిం భజేహం       87

వేదాంతే వాక్యరూపా ఉపనిషద ఇమా బ్రహ్మ సామీప్యభాజః
తాసాం ముఖ్యా దశస్యుర్యతి విరచితమహా భాష్య యుక్తా మహత్యః
స్తంభాకారాః స్తువంతి స్వవిదితనటనం సర్వదా బ్రహ్మరూపం
తం దేవం చిత్సభేశం పరమతిమహసం కుంచితాంఘ్రిం భజేహం     88

శాబ్దే శాస్త్రే ఫణీంద్రైః ప్రమితి ఫణితిషు శ్రీ కణాదాక్షపాదైః
వేదాంతే వ్యాసరూపైర్జిమిన సుతకృతౌ భట్టకౌమార తుల్యైః
కల్పే భోదాయనైస్తైరశృతిషు విధిసమైః పూజ్యతే యో మునీంద్రైః
త్రైసాహస్రైస్సభాయాం తమపి గురువరం కుంచితాంఘ్రిం భజేహం   89

కంజాక్ష్యా స్వస్య శక్త్యా సహకృతనటనం కస్య శీర్షచ్ఛిదంతం
కాలం కామం పురాణి స్వపద సరసిజాత్ఫాలనేత్రా త్స్మితాంచ
హత్వా బ్రహ్మర్షి సూనుం సకల దివిషదశ్చాపి రక్షంతమీశం
దేవేడ్యం చిత్సభేశం దశశతవదనం కుంచితాంఘ్రిం భజేహం      90

యల్లింగే బ్రహ్మ విష్ణుప్రముఖ సురవరాభస్మ రుద్రాక్షభాజః
సస్త్రీకాస్సాంబమూర్తిం సకలతనుభృతాం సర్వదం సర్వ రూపం
అభ్యర్చ్యాస్వేష్టసిద్ధిం దివిభువి సకలై స్సేవ్యమానా బభూవుః
తం దేవం చిత్సభేశం విధిహుత హవిషం కుంచితాంఘ్రిం భజేహం   91

శ్రద్ధావంతః శృతిఙ్ఞాః పరశివకృపయా ధీతశాస్త్రాదివిద్యాః
వ్యర్థాం వాచం త్యజంతః ప్రతిదినమసకృత్పూజయంతః ప్రభుం యం
కుర్వంతః శ్రౌతకర్మాణ్యనితర సులభాన్యాత్మబోధం లభంతే
విప్రేంద్రాః స్వాంశభూతాః పరశుమృగధరం కుంచితాంఘ్రిం భజేహం    92

ఫాలే భస్మ త్రిపుండ్రం ఫణినమపి గలే పాదపీఠే చ భూతం
బాహ్వోర్వహ్నించ ఢక్కాం వదన సరసిజే సూర్యచంద్రౌ శిఖీంద్రం
ఓంకారాఖ్యప్రభాయాం సురభువనగణం పార్శ్వయోర్వాద్యకారౌ
యః కృత్వానందనృత్తం స్వసదసి కురుతే కుంచితాంఘ్రిం భజేహం     93

సర్వేషాం ప్రాణినాం  యస్స్వపదసరసిజం పూజితుం పాణియుగ్మం
స్వం ద్రష్టుం లోచనే ద్వే స్వచరితమఖిలం వక్తుమీశస్సువాచం
స్వస్య ప్రాదాక్షిణార్థం చరణయుగమపి ధ్యానయోగాయ చిత్తం
దత్వా రక్షత్యజస్రం తముదకమకుటం కుంచితాంఘ్రం భజేహం     94

నాహం కర్తా చ భోక్తా న చ మమ సుకరం దుష్కరం కర్మ కించిత్
ధర్మాధర్మౌ చ దుఃఖం సుఖమపి కరణం నైవ మత్తః పరోన్యః
సోహం బ్రహ్మాస్మి నిత్యో నహి జని మరణే నిర్వృతోహం సదేతి
స్వాంతే పశ్యంతి బోధాద్యమపి యతివరాః కుంచితాంఘ్రిం భజేహం    95

గంగాపాథో వహంతం గజవదన నుతం గంధవాహస్వరూపం
గాయత్రీ వల్లభాఖ్యం నగపతితనుజా స్వీకృతార్ధాంగమీశం
గోవిందాన్వేషితాంఘ్రిం గురువరవపుషం గోపతేః పృష్ఠవాసం
గౌరీనాథం గుణీడ్యం గిరివరవసతిం కుంచితాంఘ్రిం భజేహం       96

పద్మాకారాసనస్థం పరమసురరిపుం పంచవక్త్రారవిందం
పాండోః పుత్రార్చితాంఘ్రిం పవిధరవినుతం పార్వతీప్రేమపాత్రం
పశ్వీశం పీతరూపం పరశుముఖధరం పంచవక్త్రారిమాద్యం
నృత్యంతం చిత్సభాయాం నిటిలవరదృశం కుంచితాంఘ్రిం భజేహం    97

భీమస్వాంతార్చితాంఘ్రిం భుజగవరధరం భోగమోక్షైకహేతుం
భక్తానాం రక్షితారం భవభయజలధేస్తారకం భాసమానం
భూషాభిర్భర్గమీశం భిషజముపనిషద్వేదినం భూతనాథం
బ్రహ్మానందస్వరూపం భవమఖిలతనుం కుంచితాంఘ్రిం భజేహం     98

శాటీపాలాఖిలాశాపతిముఖవినుతం శంఖపాణ్యర్చితాంఘ్రిం
శంభుం శర్వం శివేశం శశధరమకుటం శాకరేంద్రే వసంతం
శోణాద్రీశం శుభాంగం శుకకరశివయాలింగితం శ్రౌతగమ్యం
నృత్యంతం స్వర్ణ సంసద్యఖిలనతపదం కుంచితాంఘ్రిం భజేహం    99

కాంచ్యాం పృథ్వీశలింగం జనిమ జలమయం జంబుకేశేస్తి నిత్యం
శోణాద్రౌ వహ్నిలింగం వనచరపతినా పూజితం కాలహస్తౌ
వాయ్వీశం తిల్వవన్యాం త్రిశిఖరమకుటే సంస్థమాకాశలింగం
యల్లింగం సర్వమేతత్తమపి నటపతిం కుంచితాంఘ్రిం భజేహం       100